កំពង់ស្ពឺ =បញ្ជាការដ្ឋានកងរាជអាវុធហត្ថបានអបរសាទរខួបលើកទី១០៥ នៃទិវានារីអន្តរជាតិ ៨ មីនា ឆ្នាំ២០១៦ ក្រោមប្រធានបទ «វិនិយោគលើសមភាព យេនឌ័រដើម្បីកិច្ចអភិវឌ្ឍប្រកប ដោយចីរភាព»។ថ្លែងក្នុងពិធីអបអរសាទរ៨ មីនា នាព្រឹកថ្ងៃទី៧ មីនា នៅបញ្ជាការដ្ឋានអាវុធហត្ថខេត្ត ឧត្តមសេនីយ៏ត្រី ជូ សារុន មេបញ្ជាការ មានប្រសាសន៍ថា ការរំលឹកខួបលើកទី១០៥ ទិវានារីអន្តរជាតិ ៨មីនា នេះប្រារព្ធឡើង ក្រោមប្រធានបទមួយ ដ៏មានអត្ថន័យជាយុទ្ធសាស្ត្រគឺ “វិនិយោគលើសមភាពយេនឌ័រ ដើម្បីកិច្ចអភិវឌ្ឍប្រកប ដោយចីរភាព” ក្នុងគោលបំណងបង្កើន និងពង្រឹងភាពអង់អាច របស់ស្ត្រី និងក្មេងស្រី និងការយល់ដឹង អំពីសិទ្ធមនុស្ស របស់ស្ត្រី និងក្មេងស្រីមានសារៈសំខាន់ ក្នុងការសម្រេចបាននូវកំណើនសេដ្ឋកិច្ច ប្រកបដោយសមធម៌ និងកិច្ចអភិវឌ្ឍប្រកបដោយចីរភាព។
លោកមេបញ្ជាការបន្ថែមថា “នារីគឺជាកម្លាំងចលករសំខាន់ជាមន្ត្រីអាវុធហត្ថអនុវត្តច្បាប់ មិនអាចខ្វះបានក្នុងការរួមចំណែក ជំរុញនាវាកម្ពុជាឆ្ពោះទៅ រកការអភិវឌ្ឍន៍សេដ្ឋកិច្ច និងសង្គមកិច្ចប្រកបដោយ និរន្តភាពស្របតាមគោលនយោបាយ របស់រាជរដ្ឋាភិបាលកម្ពុជាដែល បានទទួលស្គាល់នឹងចាត់ទុកថា “ស្ត្រីគឺជាឆ្អឹងខ្នងនៃការអភិវឌ្ឍន៍សេដ្ឋកិច្ចសង្គម” និងជាធនធានដ៏សំខាន់ មិនអាចខ្វះបានក្នុង ការអភិវឌ្ឍន៏ប្រទេស និងអង្គភាព ។ ប្រការនេះបានទាមទារឲ្យគ្រប់ អង្គភាពត្រូវតែធ្វើការពង្រឹង សមត្ថភាពនិងបង្កឱកាស ឲ្យស្ត្រីមានការចូលរួម ក្នុងគ្រប់ទិដ្ឋភាពនៃ សកម្មភាពឲ្យបានពេញលេញ និងមានសមធម៌ ស្មើគ្នានិងបុរស។
មេបញ្ជាការបន្តថា ការអនុវត្តគោលនយោបាយ របស់រាជរដ្ឋាភិបាល ក្នុងការប្រែក្លាយស្មារតី នៃទិវាអន្តរជាតិនារី ៨មីនា ឲ្យក្លាយជាសកម្មភាព ជាក់ស្តែងសម្រាប់ ការលើកកម្ពស់សមធម៌ យេនឌ័រនៅកម្ពុជាក៏ដូចក្នុងអង្គភាព។
ដូចដែលយើងបានដឹងទាំងអស់គ្នា រួចមកហើយនូវព្រះរាជសារ ព្រះវររាជមាតាជាតិខ្មែរ ទិវាអន្តរជាតិនារី៨មីនា នាដែលបងប្អូននារី យើងកំពុងប្រារព្ធប្រកប ដោយឆន្ទៈមុះមុតគឺជា ព្រឹត្តការណ៍ប្រចាំឆ្នាំដ៏សំខាន់ មួយរំលឹកឲ្យយើងទាំងអស់គ្នា ឲ្យពិនិត្យមើលទៅលើស្ថានភាព ជីវភាពឋានៈតួនាទីស្ត្រីកម្ពុជា ដែលជាធនធានមនុស្សប្រកប ដោយសក្តានុពលនៅក្នុងគ្រួសារនិង សង្គមលើការអប់រំគ្រប់គ្រងផ្គត់ផ្គង់ ថែបំប៉ន់សមាជិកគ្រួសាររួមទាំង ការលើកកម្ពស់សីលធម៌សេច ក្តីថ្លៃថ្នូរនិង តម្លៃរបស់មនុ ស្សផងដែរ ។នាឱកាសនោៈលោកមេបញ្ជាការបានជួយឧបត្ថមនៅសម្ភារៈនិងថវិការ ដល់ស្ត្រី៤រូបដែលកំពង់បម្រើការងារក្នុងអង្គភាពផងដែរ ។
ក្នុងស្ត្រីទាំង៤នាក់បានថ្លែងនៅការដឹងគុណចំពោៈលោកមេបញ្ជាការដែលតែងតែយកចិត្តទុកដាក់ដល់ពួកគាត់ជាស្ត្រីកំពង់បម្រើការ ទង្វើនេៈបានស្តែងចេញនៅការស្រឡាញ់ អាណិត ចាត់ទុកស្ត្រីដូចជាម្តាយ បងស្រី ប្អូនស្រី ជាកូនស្រី និងលើកទឹកចិត្តដល់ស្ត្រីឲ្យមានការខិតខំប្រឹងប្រែងប្រឡងប្រជែងលើផ្នែកការងារឲ្យបុរស ៕
