បន្ទាយមានជ័យ៖ គ្រឿងញៀននិង ថ្នាំញៀននិងឧបករណ៍ផ្សេងៗទាក់ទងនឹងការផលឹតនិងការប្រើប្រាស់ថ្នាំញៀនដែលសមត្ថកិច្ចចាប់ពីពេលកន្លងមកត្រូវបានសាលាដំបូលបន្ទាយមានជ័យធ្វើការប្រមូលដុតបំផ្លាញចោលនៅព្រឹកថ្ងៃទី០៧ខែមីនាឆ្នាំ២០១៦នេះនៅបរិវេណដីទំនេរស្ថិតក្នុងភូមិចកសង្កាត់ព្រះពន្លាក្រុងសិរីសោភ័ណក្រោមអធិបតីភាព
ឯកឧត្តម ប៉ុក ម៉ាន់នី អនុរដ្ឋលេខាធិការតំណាងលោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ លោក អ៊ុំ រាត្រី អភិបាលរងខេត្ត លោក ផាន់ វណ្ណរត្ន័ ព្រះរាជអាជ្ញាអមសាលាដំបូងខេត្ត និងលោក ជឺ សុខ ប្រធានសាលាដំបូងខេត្ត ព្រមទាំងមានការអញ្ជើញចូលរួមពីសមត្ថកិច្ចពាក់ពន្ធ័គ្រប់ប្រភេទ ប្រធានមន្ទីរស្ថាប័ន និងសិស្សនិស្សិត យុវជនអប់រំផ្តាច់សារធាតុញៀនផងដែរ។
លោក ផាន់ វណ្ណរត្ន័ ព្រះរាជអាជ្ញាអមសាលាដំបូងខេត្តបន្ទាយមានជ័យបានលើកឡើងវត្ថុតាងដែលត្រូវដុតបំផ្លាញចោលក្នុងពេលនេះរួមមាន១-ឱសថម៉ាកcol col colចំនួន៤៨កាតុងស្មើនឹង១២ ៨៦៣ ០០០គ្រាប់ ២-ម៉ីកូរ៉េ ៣៩៨ប្រអប់ ៣-តែយិនស៊ិន ៥០ប្រអប់ ៤- កាហ្វកញ្ចប់៥ប្រអប់។
លោកបន្តទៀតថាគ្រប់ការបង្រា្កប់បទល្មើសទាំងនេះបានក៍ដោយសារតែសមត្ថកិច្ចគ្រប់ស្ថាប័ណបានខិតខំអស់កំលាំងកាយចិត្ត។តែបទល្មើសគ្រឿងញៀនកាន់តែចាប់កាន់កើននិយាយរួមចាប់អ្នកចាស់អ្នកថ្មីប្រព្រឹត្ត។
លោក អ៊ុំ រាត្រី អភិបាលរងខេត្តបន្ទាយមានជ័យបានអំពាវនាវដល់ប្រជាពលរដ្ឋយុវជនទាំងអស់អោយឆ្ងាយពីគ្រឿងញៀនចំណែកប្អូនៗយុវជនត្រូវខិតខំកែប្រែខ្លួនអោយក្លាយទៅជាកូនល្អ ពលរដ្ឋល្អ ដើម្បីជាទំពាំងស្នងឬស្សីសម្រាបប្រទេសជាតិ។
ឯកឧត្តម ប៉ុក ម៉ាន់នី អនុរដ្ឋលេខាធិការក្រសួងយុត្តិធម៍បានមានប្រសាសន៍ថាបច្ចុប្បន្នទំនិញក្លែងក្លាយកំពុងសម្រុកនាំចូលមកកម្ពុជាតាមរយះអ្នកវិនិយោគគិកតែពីចំណេញបង្កអោយខូចសុខភាពលរដ្ឋ។ដោយការយកចិត្តទុកដាក់ពីសុខទុកពលរដ្ឋពីសំណាក់សម្តេចតេជោហ៊ុន សែន បានបង្កើតអោយមានគណះកម្មាបង្ក្រាប់ហើយបានបង្ក្រាប់បានជាច្រើនករណីនៅទំនិញមានសារធាតុញៀន ថ្នាំញៀននិងឧបករណ៍ផ្សេងៗទាក់ទងនឹងការផលឹតនិងការប្រើប្រាស់ថ្នាំញៀន។
