ឧត្តរមានជ័យ៖ កាលពីវេលាម៉ោង៩និង២០នាទីថ្ងៃទី៦ ខែមិនា ឆ្នាំ២០១៦ នៅសាលាប្រជុំក្នុង អធិការដ្ឋាននគរបាលស្រុកចុងកាល់ បានបើកកិច្ចប្រជុំចំនួន២ស្រុក គឺស្រុកចុងកាល់និងស្រុកបន្ទាយអំពិលនៅពេលវេលាម៉ោង២និង៣០នាទី ថ្ងៃ ខែ ឆ្នាំ ដ៏ដែល ដើម្បីបង្កើនកងកម្លាំងការពារសន្តិសុខសណ្តាប់ធ្នាប់និងពង្រឹងបញ្ហាសន្តិសុខជូនប្រជាពលរដ្ឋនៅ តាមអធិការនគរបាលស្រុក។កិច្ចប្រជុំនេះ មានការចូលរួម លោកឧត្តមសេនីយ៍ត្រី ម៉ែន លី ស្នងការនគរបាលខេត្តឧត្តរមានជ័យ អមដំណើរដោយស្នងការរងចំនួន១១រូបនិងមន្ត្រីនគរបាលមួយចំនួនទៀតផង។
លោកឧត្តមសេនីយ៍ត្រី ម៉ែន លី បានមានប្រសាសន៍ ក្នុងកិច្ចប្រជុំនោះថា កងកម្លាំងទាំងអស់ត្រូវបង្កើនរក្សាសន្តិសុខ ទប់ស្កាត់អំពើលួច ឆក់ ប្លន់ តាមមូលដ្ឋានតាមរយះការបង្កើនការយាមល្បាតទាំងយប់ទាំងថ្ងៃ ជាពិសេសពង្រឹង ពិសេសពង្រឹងកម្លាំងនៅតាមគោលដៅដែលងាយរងគ្រោះដូចជាកន្លែងដូរលុយ លក់មាស ផ្ទេរប្រាក់ និងទីប្រជុំជនជាដើម។
ចំពោះបទល្មើសគ្រឿងញៀនវិញ លោកឧត្តមសេនីយ៍ ស្នងការបានជំរុញបន្តចុះស្រាវជ្រាវនិងខិតខំបង្ក្រាបឲ្យកាន់តែខ្លាំងឡើង នៅតាមមូលដ្ឋានភូមិ ឃុំ ស្រុក ខេត្ត ហើយតាមចាប់មុខសញ្ញាដែលនៅសេសសល់ឲ្យខានតែបាន។លោកឧត្តមសេនីយ៍ត្រី ម៉ែន លី ស្នងការខេត្ត បានបញ្ជាក់ទៀតថា ចំពោះស្ថានភាពនៅតាមតំបន់ព្រំដែនវិញ លោកក៏ប្រាប់ទៅកងកម្លាំងការពារព្រំដែន៩០៥និង៧០២ ត្រូវចុះល្បាតនិងធ្វើការទប់ស្កាត់បទល្មើសមួយចំនួន ដូចជាពលករឆ្លងដែនខុសច្បាប់ ការលួចនាំចូលនាំចេញទំនិញនិងរថយន្តចង្កូតស្តាំ សេវាសាធារណះ ដែលត្រូវធ្វើជូនប្រជាពលរដ្ឋនិងបានជំរុញឲ្យធ្វើអត្តសញ្ញាណប័ណ្ណតាមមូលដ្ឋាន ហើយបន្ថែមម៉ាសុីន
ចល័តដល់ ភូមិ ឃុំ តំបន់ដាច់ស្រយាលនានានៅក្នុងខេត្តផងដែរ។ដោយឡែកសម្រាប់ចរាចរណ៍នៅលើដងផ្លូវវិញ លោកស្នងការ ក៏ណែនាំដល់កងកម្លាំងនគរបាលចរាចរណ៍ឲ្យចុះអប់រំនិងធ្វើការផ្សព្វផ្សាយ ឲ្យប្រជាពលរដ្ឋជាប្រចាំ ឲ្យពួកគាត់ស្វែងយល់នូវច្បាប់ចរាចរណ៍ផ្លូវគោកថ្មី ទៀតផង៕
