ភ្នំពេញ៖ បុរសម្នាក់ បានខ្យល់គដួលស្លាប់ នៅក្បែរការដ្ឋានសំណង់វាយកូនហ្គោល បង្កការភ្ញាក់ផ្អើលដល់ប្រជាពលរដ្ឋ កាលពីវេលាម៉ោង៧យប់ថ្ងៃទី៧ ខែមីនា ឆ្នាំ២០១៦ ស្ថិតក្នុងស្ថិតក្នុងភូមិ១ សង្កាត់ស្រះចក ខណ្ឌដូនពេញ។
ប្រភពពីសមត្ថកិច្ចបានប្រាប់អោយដឹងថា ជនរងគ្រោះដែលស្លាប់មានឈ្មោះ សុខ មឿន អាយុ៤២ឆ្នាំ មុខរបរជាកម្មករសំណង់ និងមានស្រុកកំណើតនៅឃុំកោះអណ្តើក ស្រុកកំពង់ត្របែក ខេត្តព្រៃវែង បច្ចុប្បន្នស្នាក់នៅការដ្ឋានកន្លែងកើតហេតុ។
បើតាមប្រភពពត៌មានពីសន្តិសុខដែលយាមនៅការដ្ឋានខាងលើបានអោយដឹងថា នៅមុនពេលកើតហេតុរូបគេបានយាមនៅការដ្ឋានដូចសពមួយដង ហើយនៅវេលាម៉ោងកើតហេតុរូបគាត់ដើរមកបត់ជើងតូចនៅខាងក្រោយ ស្រាប់តែប្រទះឃើញបុរសម្នាក់ដេកដួល ហើយក៏ស្រែកឆោឡោឡើងបង្កការភ្ញាក់ផ្អើល និងទំនាក់ទំនងទៅសមត្ថកិច្ចផងដែរ។ភ្លាមនោះសមត្ថកិច្ចមូលដ្ឋានបានចុះមកដល់កន្លែងកើតហេតុនិងបានធ្វើកោសល្យវិច្ច័យគឺនៅលើសាកសពមិនមានស្លាកស្នាមអ្វីនោះទេ ដោយសន្និដ្ឋានថាបុរសខាងលើស្លាប់ដោយសារខ្យល់គ។
ក្រោយមកសមត្ថកិច្ចមូលដ្ឋានបានយកសព ដែលជាជនរងគ្រោះយកទៅតម្កល់ទុកនៅវត្តចង្ក្រានតាព្រហ្ម ហៅវត្តស្ទឹងមានជ័យ រង់ចាំទំនាក់ទំនងទៅក្រុមគ្រួសារអោយមកយកធ្វើបុណ្យតាមប្រពៃណី។ដោយ៖ជីម ភារ៉ា
