ឧត្តរមានជ័យ៖.កាលពីវេលាម៉ោង១៦និង៤៥នាទី ថ្ងៃទី៧ ខែមិនា ឆ្នាំ២០១៦ បុរសម្នាក់ជាទាហាន ត្រូវរងរបួសយ៉ាងធ្ងន់ធ្ងដោយសារជិះ ម៉ូតូបុកជាមួយគោយន្តកន្ត្រៃ ដឹកកូនឈើបើកបញ្ខាសទិសគ្នា នៅចំណុចលើផ្លូវជាតិ ស្ថិតនៅក្នុងភូមិព្រៃវេង ឃុំគោកមន ស្រុកបន្ទាយអំពិល ខេត្តឧត្តរមានជ័យ។សមត្ថកិច្ច បានឲ្យដឹងថា អ្នកបើកគោយន្តកន្ត្រៃឈ្មោះ អាំង រឹត ភេទប្រុសអាយុ២៥ឆ្នាំ រស់នៅភូមិរនាមធំ ឃុំគោកមន ស្រុកបន្ទាយអំពិល ខេត្តឧត្តរមានជ័យ និងអ្នករួមដំណើរជិះជាមួយឈ្មោះហាំង រេត ភេទប្រុសអាយុ២៥ឆ្នាំ រស់នៅភូមិ ឃុំជាមួយគ្នា។
រីឯអ្នករងរបួសមានឈ្មោះពេជ្រ វិទូ ភេទប្រុសអាយុ២៨ឆ្នាំ ស្រុកកំណើត ភូមិប្រសព្វលក្ខណ៍ ឃុំបាទី ស្រុកចន្ទ្រា ខេត្តស្វាយរៀង បច្ចុប្បន្នរស់នៅភូមិគោកសង្កើច ឃុំគោកមន ស្រុកបន្ទាយអំពិល ខេត្តឧត្តរមានជ័យ បណ្តាលឲ្យរងរបួសជើងខាងឆ្វេង យ៉ាងធ្ងន់ធ្ង មុខរបរជាទាហានកងរថក្រោះ និងម៉ូតូខូចខាតផ្នែកខាងមុខ។ឯចំណែកគោយន្តកន្ត្រៃ បណ្តាលឲ្យដាច់កងខាងឆ្វេង។សមត្ថកិច្ច បានបន្តទៀតថា នៅពេលបច្ចុប្បន្ន ម៉ូតូនិងគោយន្ត ត្រូវបានកម្លាំងជំនាញ យកទៅរក្សាទុកនៅអធិការដ្ឋាននគរបាលស្រុក រងចាំដោះស្រាយគ្នាទៅតាមផ្លូវច្បាប់៕
