ស្ទឹងត្រែង៖ថ្លែងក្នុងទិវាអន្តរ ជាតិនារី៨ មិនា ឆ្នាំ ២ ០១៦នៅខេត្តស្ទឹងត្រែង អ្នកតំណាងរាស្ត្រមណ្ឌលស្ទឹងត្រែង ក្រើនរំលឹកឲ្យបុរសជាមេគ្រួសារ ភ្ញាក់រលឹកនាំគ្នាលើកកំពស់ស្ថានភាព ជីវភាព សិទ្ធ ឋានៈ តួនាទីរបស់ស្រី្តឲ្យទៅជាសកម្មភាព ជាក់ស្តែងដើម្បីសំរេចបាននៅការអភិវឌ្ឍន៏ ប្រកបដោយចីរភាពក្នុងសង្គមតាមរយៈការលប់បំបាត់អំពើហឹង្សាក្នុងគ្រួសារ។
លោកឡូយ.សូផាតអ្នកតំណាងរាស្ត្រមណ្ឌលស្ទឹងត្រែងមានប្រសាសន៏ថា៖ប្រធានបទ(វិនិយោគលើសមភាពយេនឌ័រដើម្បីកិច្ចអភិវឌ្ឍន៏ប្រកបដោយចីរភាព)គឺជាការបង្កើននួវភាពក្លាហានដល់បុរសនិងស្ត្រី ហើយទាមទារឲ្យបុរសត្រូវ ចេះពុះពារជួយធ្វើការងារស្ត្រី ឲ្យតំលៃស្ត្រី ធ្វើកិច្ចសហការរួមគ្នា ឲ្យសម្រេចបាននូវកំណើនសេដ្ឋកិច្ចប្រកបដោយសមធម៌សំរាប់គ្រួសារនិងសង្គម។
លោកតំណាងរាស្ត្រមានប្រសាសន៏បន្ថែមថា៖កិច្ចសហការនេះស្នើឲ្យបងប្អូនបុរស ជាមេគ្រួសារ បើមានភាពខុសឆ្គងកន្លងមកត្រូវនាំគ្នាកែប្រែ បើមិនបានធ្វើអ្វីបំរើសង្គម ក៏ត្រូវគិតគូរដល់ក្រុមគ្រួសារ ប្រឹងប្រែងធ្វើការងារ កសាងជីវភាពរស់នៅឲ្យរីកចំរើន ខ្ញុំសូមអំពាវនាវយើងទាំងអស់គ្នា ខិតខំលើកទឹកចិត្តនិងជុំរុញឲ្យក្រុមគ្រួសារពិសេសឲ្យបុរសៗ កែប្រែនូវឥរិយាបទទាំងឡាយ ដើម្បីនិងធ្វើការអភិវឌ្ឃន៏វិស័យនានា ឲ្យមានការរីកចំរើនកែច្នែការអភិវឌ្ឍ វិស័យកសិកម្ម វិស័យសប្បកម្មនិងវិស័យសេវាកម្មផ្សេងៗទៀត អញ្ចឹងខ្លឹមសាដែលយើងនិយាយនេះ វាមានន័យជ្រាលជ្រៅណាស់ ពិសេសអ្នកបានលះបង់ឪពុកម្តាយ ពីស្រុកកំណើតទៅធ្វើការឆ្ងាយពីស្រុកភូមិម៉ូគឺខិតខំសម្បើមណាស់ ដើម្បីជាគុណប្រយោជន៏ ដើម្បីលើកស្ទួយគ្រប់បែបយ៉ាង ដើម្បីឲ្យជីវភាពស្ត្រីរបស់យើងមានកំណើនឡើង។
លោកស្រីសនសុខាប្រធានមន្ទីរកិច្ចការនារីបានទទួលស្គាល់ថា៖ខេត្តស្ទឹងត្រែងមានស្ត្រីចូលបំពេញការងារក្នុងវិស័យសាធារណៈនិងឯកជនពីមួយឆ្នាំទៅមួយឆ្នាំមានចំនួនកើនឡើងគួរឲ្យគាត់សម្គាល់ដើម្បីតែជីវភាពគ្រួសារនិងពង្រីកសមត្ថភាពជំនាញស្ត្រីដោយខ្លួនឯងតែប៉ុណ្ណោះ។
លោកស្រីប្រធានមន្ទីរបញ្ជាក់ថា៖ការសម្រេចចិត្តបែបនេះជាយន្តការអាចជួយដោះស្រាយបាននូវបញ្ហាកង្វល់ក្នុងគ្រួសារ និងផ្នែកសេដ្ឋកិច្ចធ្វើឲ្យស្ត្រីកាន់តែមានភាពក្លាហាន មានចំណេះដឹង ហ៊ាននិយាយការពិត ក្នុងពេលខ្លះដែលបុរសមិនសូវដឹងស៊ីជម្រៅដូចស្ត្រីគ្នាឯង។
លោកស្រី ស៊ា ថេន ប្រធានការិយាល័យអប់រំនិងបណ្តុះបណ្តាលស្ត្រីនៃមន្ទីកិច្ចការនារីខេត្តបានបញ្ជាក់ថា៖បច្ចុប្បន្នមន្ទីរបានបណ្តុះបណ្តាលបច្ចេកទេសជំនាញ វិជ្ជាជីវៈ ព្រមទាំងផ្តល់កិច្ចអន្តរាគមន៏ ក្នុងការជម្រុញស្ត្រីឲ្យទទួលបានឱកាសការងារ និងភាពជាម្ចាស់នៅតាមសហគ្រិន។
លោកស្រីអះអាងថា៖មូលដ្ឋាននេះស្ត្រីមានទទួលបានជំនាញកាត់ដេរ តម្បាញ សំអាងកាយ ការកែច្នៃផលិតផលកសិកម្ម និងផលិតផលដែលមានស្រាប់សំរាប់ចិញ្ចឹមជីវិតក្នុងពេលដែលស្ត្រីស្ថិតក្នុងស្ថានភាពគ្នានទីពឹងចៀសវាងបានពីការធ្វើចំណាក់ស្រុក។
សូមបញ្ជាក់ថា៖ក្នុងចំណោមស្រី្តជាង៦ម៉ឺនាក់នៅខេត្តស្ទឹងត្រែងមានស្ត្រីបានចូលរួមការងារក្នុងជួររាជរដ្ឋាភិបាលថ្នាក់ខេត្តនិងមន្ទីរចំនួន២៣.៨%ថ្នាក់ឃុំសង្កាត់ ២៩.៤%ក្នុងនោះស្ត្រីដែលមានតួនាទីមានអភិបាលរងខេត្ត១នាក់ ប្រធានមន្ទីរចំនួន២នាក់ អនុប្រធានមន្ទីរចំនួន១៤នាក់ប្រធានការិយាល័យ៣០នាក់អនុប្រធានការិយាល័យ៣៦នាក់។
