ខេត្តរតនគិរី៖ លោកតាលោកយាយចាស់ជរាស្ត្រីមេម៉ាយនិងកុមារកំព្រាគ្មានទីពឹងចំនួន២០គ្រូសារបានទទួលអំណោយសប្បរសធម៍ពីឯកឧត្តមអភិបាលខេត្តរតនគិរី។ពិធីផ្តល់អំណោយដល់គ្រូសារទីទល់ក្រគ្មានទីពឹងនេះធ្វើឡើងនៅព្រឹកថ្ងៃទី០៩ ខែមីនា ឆ្នាំ២០១៦ស្ថិតនៅសាលប្រជុំសាលាស្រុកអូរជុំក្រោមអធិបតីភាព លោក ថង សាវុន អភិបាលនៃគណ:អភិបាលខេត្តរតនគិរីនិងមន្ត្រីរាជការកងកំលាំងប្រដាប់អាវុធទាំង៣ប្រភេទមន្ទីរពាក់ព័ន្ធមួយចំនួនព្រមទាំងក្រុមសហភាពសហព័ន្ធយុវជនកម្ពុជាខេត្តជាច្រើនកុះករផងដែរ។
ការអញ្ជើញចុះសួរសុខទុក្ខ និងនាំយកអំណោយមួួយចំនួនចែកជូនដល់ប្រជាពលរដ្ឋចំនួន២០គ្រួសារ ដែលជាជនចាស់ជរា ស្ត្រីមេម៉ាយនិងកុមារកំព្រា គ្មានទីពឹងនោះលោកស្រី ងឿង ខឿងអភិបាលស្រុកអូរជុំបានលើកឡើងថាប្រជាពលរដ្ឋទីទល់ក្រចំនួន២០គ្រូសារមកពី ឃុំចំនួន៧ក្នុងស្រុកអូរជុំនេះតែម្តង។
លោកថង សាវុនអភិបាលខេត្តក៍បានផ្តាំផ្ញើសួសុខទុក្ខដល់លោកយាយលោកតាស្ត្រីមេម៉ាយនិងកុមារកំព្រាឲ្យចេះថែរក្សានៅសុខភាពអនាម័យរបស់ខ្លួនផង។
ហើយអំណោយទាំងនេះតិចតួចក៍ពិតមែនប៉ុន្តែក៍ជួយលោកយាយលោកតានិងបងប្អូនមួយរយះពេលខ្លីដែរ។
អំណោយដ៍ថ្លៃថ្លានេះរៀបចំក្រោមគំនិតផ្តួចផ្តើមដោយលោកថង សាវុន អភិបាលនៃគណៈអភិបាលខេត្តដោយមានកិច្ចសហការនិងរៀបចំដោយសហភាពសហព័ន្ធយុវជនកម្ពុជាខេត្តនឹងស្រុកអូរជុំរូមមានអង្ករ៣០គីឡូក្រាមទឹកស៊ីអ៉ីវមួយយួរសារ៉ុងមួយក្រម៉ាមួយប៊ីចេងកន្លះគីឡូក្រាមអំបិលកន្លះគីឡូក្រាមព្រមទាំងថវិកាចំនួន៤ម៉ឺនរៀលផងដែរ៕ ដោយ:យក្ស ឡោម
