ខេត្តកំពង់ឆ្នាំង៖ជនសង្ស័យជាអ្នកចែកចាយនិងប្រើប្រាស់ថ្នាំញៀន៦នាក់ ជាមួយវត្ថុតាងថ្នាំញៀនម៉ាទឹកកក ១កញ្ចប់ធំ ត្រូវបានសមត្ថកិច្ចនគរបាលក្រុងកំពង់ឆ្នាំង សហការជាមួយសមត្ថកិច្ចនគរបាលប្រឆាំងគ្រឿងញៀនខេត្ត ឡោមព័ទ្ធចាប់ខ្លួនបាន ខណៈដែលពួកគេធ្វើសកម្មភាព ចែកចាយនិងប្រើប្រាស់ថ្នាំញឿន។ ករណីបង្ក្រាបនេះបានធ្វើឡើងនៅម៉ោង២និង៣០នាទី រសៀលថ្ងៃទី០៨ ខែមិនា ឆ្នាំ២០១៦ នៅក្នុងភូមិទី៧ សង្កាត់ខ្សាម ក្រុងកំពង់ឆ្នាំង។
សមត្ថកិច្ចការិយាល័យនគរបាលប្រឆាំងគ្រឿងញៀនខេត្តអោយដឹងថា៖ជនសង្ស័យទាំង៦នាក់ដែលបានចាប់ខ្លួននោះមាន៖ ១.ឈ្មោះ ផៃ សុមាលី អាយុ២៨ឆ្នាំ ជាម្ចាស់ផ្ទះ ២.ឈ្មោះ មាស ប៊ុនរក្ស អាយុ២៦ឆ្នាំ ៣.ឈ្មោះ ឡាយ ចាន់រស្មី អាយុ២៣ឆ្នាំ ៤.ឈ្មោះអឹម ផល្លា អាយុ២៦ឆ្នាំ ៥.ឈ្មោះ ចិ សុបិន អាយុ២៤ឆ្នាំ និង៦.ឈ្មោះ តាំង ង៉ូវហេង ១៨ឆ្នាំ ពួកគេមានទីលំនៅ ភូមិទី៧ សង្កាត់ខ្សាម។
សមត្ថកិច្ចបានបញ្ជាក់អោយដឹងថា៖ ដោយមានសេចក្តីរាយការណ៏ ពីប្រជាពលរដ្ឋល្អ ស្តីពីសកម្មភាព របស់ក្រុមជនសង្ស័យខាងលើដែលកំពុងចែកចាយនិងប្រើប្រាស់ថ្នាំញៀន សមត្ថកិច្ចនគរបាលក្រុងនិងខេត្ត បានសហការណ៍គ្នា ព័ទ្ឋចាប់ជនសង្ស័យទាំង៦នាក់ខាងលើ ដែលកំពុងចែកចាយនិងប្រើប្រាស់ថ្នាំញៀន នៅក្នុងផ្ទះ ឈ្មោះ ផៃ សុមាលី ។ជាលទ្ឋផល សមត្ថកិច្ចបានឆែកឆេររកឃើញ ថ្នាំញៀនម៉ាទឹកកក ១កញ្ចប់ធំ គ្រាប់ថ្នាំ ផ្កាឈូក ៧គ្រាប់ (សង្ស័យថ្នាំញៀនប្រភេទ W.Y ) លុយខ្មែរជាង២០ម៉ឺនរៀល លុយអាមេរិច ៤៣ដុល្លា ទូរសព្ទ័ដៃ៥គ្រឿង ម៉ូតូ១គ្រឿង និងឧបករណ៏សម្រាប់ជក់មួយចំនួនទៀត ។
ជនសង្ស័យទាំង៦នាក់រួមនិងវត្ថុតាង ត្រូវបានសមត្ថកិច្ចការិយាយល័យនគរបាលប្រឆាំងគ្រឿងញៀន នៃស្នងការនគរបាលខេត្ត កសាងសំណុំរឿងតាមនិតិវិធី បញ្ជូនទៅតុលាការខេត្តដើម្បីចាត់ការបន្តតាមផ្លូវច្បាប់ ៕
