ខេត្តសៀមរាប៖ក្រសួងរ៉ែនិងថាមពល សហការជាមួយគណៈកម្មាធិការសម្របសម្រួលកម្មវិធីវិទ្យាសាស្ត្រភូគព្ភសាស្ត្រក្នុងតំបន់អាស៊ីអាគ្នេយ៍និងអាស៊ីបូព៌ាCCOP បានធ្វើជាម្ចាស់ផ្ទះរៀបចំកិច្ចប្រជុំប្រតិបត្តិលើកទី៦៦របស់ខ្លួនរួមជាមួយសិក្ខាសាលាចំនួនបីបន្ថែមទៀតដែលចាប់ប្រព្រឹត្តិទៅពីថ្ងៃទី៧ដល់ថ្ងៃទី១២ខែមិនាឆ្នាំ២០១៦នៅសណ្ឋាគារសុខាខេត្តសៀមរាប។កិច្ចប្រជុំគណៈកម្មាធិការប្រតិបត្តិលើកទី៦៦គឺជាវេទិកាពិភាក្សាទៅលើកម្មវិធីនិងសកម្មភាពរបស់អង្គការCCOPនិងការជម្រុញកិច្ចសហប្រតិបត្តិការវិស័យភូគព្ភសាស្ត្រក្នុងតំបន់សម្រាប់បំរើការអភិវឌ្ឍន៍របស់បណ្តាប្រទេសជាសមាជិក ប្រទេសនិងអង្គការ
ជាដៃគូរសហប្រតិបត្តិការ ព្រមទាំងពិនិត្យមើលឡើងវិញនូវដំណើរការនិងការរៀបចំផែនការនាពេលអនាគតក៍ត្រូវបានពិភាក្សាក្នុងកិច្ចប្រជុំផងដែរ។កិច្ចប្រជុំនាឱកាសនេះគឺពិភាក្សាទៅលើផែនការថវិកា គម្រោងនិងផែនការសកម្មភាពចម្បងៗជាពិសេសពង្រឹងការអភិវឌ្ឍន៍ធនធានរ៉ែប្រកបដោយចីរភាពនិងការថែរក្សាបរិស្ថានដែលជាចំណុចយកចិត្តទុកដាក់ជាសំខាន់។
គណៈកម្មាធិការសម្របសម្រួលកម្មវិធីវិទ្យាសាស្ត្រភូគព្ភសាស្ត្រក្នុងតំបន់អាស៊ីអាគ្នេយ៍និងអាស៊ីបូព៌ាCCOPគឺជាអង្គការអន្តររដ្ឋាភិបាលមួយមានបេសកកម្មសម្របសម្រួលដល់ការអនុវត្តកម្មវិធីវិទ្យាសាស្ត្រ ភូគព្ភសាស្ត្រក្នុងតំបន់អាស៊ីអាគ្នេយ៍និងអាស៊ីបូព៌ា ដើម្បីរួមចំណែកក្នុងការអភិវឌ្ឍន៍សេដ្ឋកិច្ចនិងលើកស្ទួយកម្រិតជីវភាពប្រជាពលរដ្ឋក្នុងតំបន់ឱ្យប្រសើរឡើងតាមរយៈការជួយជម្រុញការកសាងសមត្ថភាព ការផ្ទេរបច្ចេកវីទ្យា ផ្លាស់ប្តូរព័ត៌មាននិងទំនាក់ទំនងស្ថាប័នសម្រាប់ការអភិវឌ្ឍន៍ធនធានប្រកបដោយនិរន្តរភាពការគ្រប់គ្រងព័ត៌មានភូគព្ភសាស្ត្រ ការកាត់បន្ថយគ្រោះភូគព្ភសាស្ត្រ និងការការពារបរិថ្សានផងដែរ។ឯកឧត្តម សុខា វណ្ណ រដ្ឋលេខាធិការក្រសួងរ៉ែនិងថាមពល បានបញ្ជាក់ឱ្យដឹងក្នុងពេលសម្រាប់នៃកិច្ចប្រជុំថា៖អង្គការនេះចាប់បង្កើតឡើងនៅឆ្នាំ
១៩៦៦មានសមាជិក១៤ប្រទេសនិងមានសមាជិកសហប្រតិបត្តិការ១៥សរុប២៩ប្រទេសក្នុងមួយឆ្នាំរៀបចំកិច្ចប្រជុំធំពីរដងកម្ពុជាជាសមាជិកថ្មីបើប្រៀបទៅនឹងបណ្តាប្រទេសដែលបានចូលជាសមាជិកមុន។តាមរយៈអង្គការនេះយើងបានទទួលការអប់រំបណ្តុះបណ្តាលក្នុងវគ្គផ្សេងៗជាច្រើនយើងបានផ្លាស់ប្តូរព័ត៌មាននិងផ្លាស់ប្តូរបច្ចេកទេសជាមួយបណ្តាប្រទសជាសមាជិកជាញឹកញាប់ហើយសមាជិកប្រទេសផ្សេងគេក៍មកជួយសហការសម្របសម្រួលទៅវិញទៅមកជាមួយយើងផងដែរ។ ។ជាឱកាសដ៍ល្អដែលកម្ពុជាបានចូលជាសមាជិកនៃអង្គការនេះដែលអាចឱ្យយើងប្រាស្រ័យទាក់ទងនិងផ្លាស់ប្តូរយោបល់ចែករំលែកបទពិសោធរៀនសូត្រពីគ្នាទៅវិញទៅមកជាមួយបណ្តាប្រទេសជាសមាជិកហើយកំពុងប្រតិបត្តិការលើវិស័យរ៉ែនិងវិស័យប្រេងកាតដែលមានសក្តានុពលឈានមុខយើងក្នុងការគ្រប់គ្រងនិងរុករកធនធានទាំងនេះ។
