ក្រចេះ= ក្រោយពីយុទ្ឋនាការបង្ក្រាបបទល្មើសព្រៃឈើំរបស់គណៈកម្ម ការថ្នាក់ជាតិទៅនៅតាមតំបន់ទីតាំងក្រុមហ៊ុនវិនិយោគរួចមក អាជ្ញាធរមានសមត្ថកិច្ចថ្នាក់ ខេត្តបានបន្តវិធានការចុះចាប់រឹបអូសររថយន្តបង្កុងនៅតាមលំនៅឋាន របស់អ្នកភូមិជាម្ចាស់រថយន្ត ដោយសំអាងថា ពពួករថយន្តនេះជាមធម្យោបាយដឹក ជញ្ជូនឈើចេញព្រៃមកកាន់ក្រុមហ៊ុន។
វិធានការចុះបង្ក្រាបរថយន្តច្នៃធន់យក្ស ដែលគេឲ្យឈ្មោះថា រថយន្តបង្កុង របស់អាជ្ញា ធរមានសមត្ថកិច្ចខេត្តក្រចេះ ក្រោមការដឹកនាំដោយស្ថាប័នអយ្យការខេត្ត ដែលបានធ្វើ ឡើងពីថ្ងៃជាប់ៗគ្នាមកនេះថ្ងៃទី៦-៧ មីនា ត្រូវបានគេមើលឃើញថា បានធ្វើឡើងក្រោយពី យុទ្ឋនាការចុះបង្ក្រាបបទ ល្មើសព្រៃឈើំរបស់គណៈកម្មាធិការថ្នាក់ជាតិ ទៅ លើបទល្មើសព្រៃឈើ ជ្រកក្រោមស្លាកក្រុមហ៊ុនវិនិយោគព្រៃសម្បទានធំៗមួយចំនួននៅ ក្នុងខេត្តក្រចេះ ហើយនៅពេលនេះយុទ្ឋនាការក៍ត្រូវបានស្ងប់ស្ងាត់ទៅវិញ ចំនែកឯតួរលេខ ចំនួនឈើដែលបានចាប់រឹបអូសឈើ ក៍នៅមិនទាន់បានបង្ហាញនៅឡើយដែរ។
សេចក្តីរាយការណ៍បានឲ្យដឹងថាមានរថយន្តច្នៃប្រភេទ រឺរថយន្តបង្កុងចំនួន២១គ្រឿង ក្នុងនោះមាននៅស្រុកស្នួលចំនួន២គ្រឿង និងនៅស្រុកចិត្របុរីចំនួន១៩គ្រឿង ដែលចត ទុកគ្រប់តង់នៅក្នុងដីឡូតិ៍តាមផ្ទះ ត្រូវបានសមត្ថកិច្ចខេត្តក្រោមការដឹកនាំដោយ លោក ហាក់ ហ៊ាន់ ព្រះរាជអាជ្ញាររងខេត្តបានកំណត់ថានឹងត្រូវរឹបអូសយកមករក្សាដើម្បីមាន វិធានការនោះ គឺត្រូវបានផ្លាស់ប្តូរនិតិវិធីទៅវិញក្រោយពីម្ចាស់រថយន្ត មិនសហការអនុវត្ត ធ្វើតាម។ ហើយសមត្ថកិច្ចក៍បានបង្វែរនិតិវិធី ដោយតម្រូវឲ្យម្ចាស់រថយន្តទាំងអស់នេះធ្វើ កិច្ចសន្យា ថែរក្សាទុករថយន្តតាមផ្ទះរៀងៗខ្លួន តែតម្រូវមិនឲ្យមានការកែច្នៃបន្ត។ នេះបើ តាមការបញ្ជាក់ឲ្យដឹងពីសំណាក់លោកវរសេនីយ៍ឯក ហន ប៉ូច ស្នងការរងកណ្តាល សណ្តាប់ធ្នាប់ដែលបានចូលរួមសហការ។
ខេត្តក្រចេះ ត្រូវបានគេមើលឃើញថា ការប្រើប្រាស់រថយន្តកែច្នៃមានការកើនឡើង ច្រើនហើយរថយន្តទាំងនោះត្រូវបានម្ចាស់អះអាងថា ការច្នៃរថយន្តក្នុងតម្លៃថ្លៃនេះ មិនមែន កំណតតែថា សម្រាប់យកទៅស៊ីឈ្នួលដឹកឈើឲ្យក្រុមហ៊ុននោះទេ គឺមានខ្លះកែច្នៃសម្រាប់ ដឹកដើមឬស្សី ដឹកដំឡូងនិងដឹកទំនិញទៅលក់នៅព្រៃក្រុមហ៊ុនពេលរដូវវស្សាទឹកជន់ និងក៍ មានមួយចំនួនយកទៅស៊ីឈ្នួលដឹកឈេីក្នុងព្រៃឲ្យក្រុមហ៊ុនមែន។
