ភ្នំពេញ ៖ប្រជាពលរដ្ឋនៅរាជធានីភ្នំពេញ ជាពិសេសប្រជាពលរដ្ឋដែលរស់នៅតាមបណ្ដោយផ្លូវជាតិលេខ៥ នាទឹកដីខណ្ឌឫស្សីកែវ បានរិះគន់ចំៗសារជាថ្មីម្ដង ទៀតហើយ ចំពោះរថយន្ដតូចធំដឹកដី ដឹកខ្សាច់កំពុងចរាចរ ទៅមកឥតឈប់ឈរ ទាំងយប់ទាំងថ្ងៃ ដែលបង្កជាហានិ
ភ័យខ្ពស់ដល់ពួកគាត់ជាប្រជាពលរដ្ឋជាអាជីវករលក់ដូរផ្សេងៗត្រូវទទួលរងនូវផលប៉ះពាល់ផ្នែកបរិស្ថានយ៉ាងធ្ងន់ធ្ងរ ជាពិសេស ជាងនេះទៅទៀតនោះ ផ្លូវលំ ផ្លូវជាតិតូចធំរបស់ រដ្ឋជាច្រើនខ្សែដែលជាផលប្រយោជន៍រួម ច្បាស់ជាត្រូវរងការ បំផ្លិចបំផ្លាញពីរថយន្ដដឹកដី ដឹកខ្សាច់ជាក់ជាពុំខាន ខណៈ អាជីវកម្មបូមខ្សាច់លក់ មានទាំងរថយន្ដតូចធំ ដឹកដី ដឹក
ខ្សាច់ខាងលើត្រូវបានគេស្គាល់ថាជាអាជីវកម្មរបស់មន្ត្រីយោធាមានអំណាចឈ្មោះជា គឹមហួត និងលោកចាន់ ណា បាននិងកំពុងប្រមូលផលយ៉ាងគគ្រិកគគ្រេងដោយមិនបានគិតពីរផលប៉ះពាល់ឡើយ។
ស្ត្រីឈ្មោះមុំ វី មានវ័យ៤៩ឆ្នាំម្នាក់ ជាប្រជាពលរដ្ឋរស់នៅ សង្កាត់គីឡូម៉ែត្រលេខ៦ ខណ្ឌឫស្សី កែវបានលើកឡើងថា រាល់ថ្ងៃឡានធំៗនៅតែបន្តរសកម្ម ភាពចរាចរយ៉ាងគឃ្លើន បើទោះបីសាលារាជធានីភ្នំពេញ បានចាត់វិធានការទប់ស្កាត់ យ៉ាងណាក៍ដោយក៍គ្មានខ្លាចញញើត។
បុរសម្នាក់ទៀតវ័យស្រដៀងគ្នា ជាប្រជាពលរដ្ឋរស់នៅ សង្កាត់ច្រាំងចំរេះទី១ ក៍បានត្អូញត្អែរផងដែរថា ប្រសិនបើគ្មានការទប់ស្កាត់ហាមឃាត់ ពីរថ្នាក់ដឹកនាំមូលដ្ឋាន ទេនោះ ច្បាស់ជាសុខភាពប្រជាពលរដ្ឋនឹងត្រូវទ្រុឌទ្រោមខណះដែលឡានធំៗដឹកដីដឹកខ្សាច់មិនបានគ្របឱ្យបានត្រឹមត្រូវតាមស្តង់ដាព្រមទាំងបំផ្លិចបំផ្លាញផ្លូវសាធារណះរបស់រដ្ឋខ្ទិចខ្ទីរជាក់ជាពុំខាន។
ពាក់ព័ន្ធបញ្ហាខាងលើនេះដែរ លោក ជា ពិសី អភិបាលនៃ គណៈអភិបាលខណ្ឌឫស្សីកែវ បន្ទាប់ពីទទួលបានព័ត៌មាន នេះបានបញ្ជាឲ្យលោក គោប ស្លេះ ជាអភិបាលរងខណ្ឌ ឫស្សីកែវចាត់វិធានការភ្លាម ។អភិបាលរងខណ្ឌឫស្សីកែវ លោក គោប ស្លេះ ទទួលបន្ទុកសណ្ដាប់ធ្នាប់សារណះ បានបញ្ជាក់ប្រាប់សហការីទូរទស្សន៍អប្សារ៉ាប៉ុស្ដិ៍លេខ១១ តាមទូរស័ព្ទឲ្យដឹង ថា កាលពីប៉ុន្មានខែកន្លងមកនេះ សាលាខណ្ឌឫស្សីកែវបានអនុវត្តន៍ដោយដាក់គោលការស្តង់ ដាតាមការណែនាំរបស់សាលារាជធានីភ្នំពេញទាំង៦ចំណុចសំខាន់ៗរួមមានទី១ រថយន្ដមិនត្រូវដឹកដីដឹកខ្សាច់ខ្សាច់ ដែលទទឹក ទី២មុនដឹកដីដឹកខ្សាច់ចេញពីដេប៉ូត្រូវគ្របឲ្យជិត ទី៣រថយន្ដមិនត្រូវដឹក ដីដឹកខ្សាច់ដាក់លើសជញ្ជាំងរថយន្ដ ទី៤ត្រូវសម្អាតកង់រថយន្ដ ទី៥រាល់ពេលចាក់ខ្សាច់ចាក់ដី ចេញពីរថយន្ដត្រូវគ្រលា ស់ជញ្ជាំងរថយន្ដដើម្បីឲ្យជ្រុះដី និងទី៦ត្រូវមានកម្លាំងដាក់ វេនដើម្បីលាងសម្អាតផ្លូវ ។ លោកអភិបាលរងខណ្ឌឫស្សីកែវបានបន្តថា លក្ខណៈស្តង់ដាទាំង៦ចំណុចដែលចេញដោយសាលារាជធានីភ្នំពេញក៍ដូចជាសាលាខណ្ឌឫស្សីកែវនេះដើម្បីឲ្យម្ចាស់អាជីវកម្ម ម្ចាស់រថយន្ដដឹកដី ដឹកខ្សាច់ ត្រូវអនុវត្តន៍តាម គោលការណែនាំរបស់អាជ្ញាធរ ។ដោយឡែក លោក ជា គឹមហួត និងលោក ចាន់ ណា ដែលជាម្ចាស់អាជីវកម្មបូម ខ្សាច់ទាំង២នោះសហការីទូរទស្សន៍អប្សារ៉ា ប៉ុស្ដិ៍លេខ១១ មិនអាចទំនាក់ទំនងសុំការបំភ្លឺបានឡើយដោយឆ្លើយថាជាប់រវល់ ៕ហាស់ កំសាន្ដ
