ផ្សារស្ទោងស្ថិតនៅក្នុងគំនរសំរាមសង្ស័យប្រធានផ្សារនិងអភិបាលស្រុកស្ទោងទុកអភិរក្ស
កំពង់ធំៈ គំនរសំរាមក្នុងផ្សារស្ទោង ត្រូវបានគេមើលឃើញថា ជាគំនរសំរាមរាប់ឆ្នាំមកហើយ ក្រុមសារតែក្រុមអជីវករ ក្នុងផ្សាអះអាងថា គ្មានទីតាំងចាក់សំរាម ដែលត្រូវបានម្ចាស់ផ្សារ និងអជ្ញាធររៀបចំឲ្យមានការ ចោលសំរាមឲ្យមានរបៀប និងមានអនាម័យ ទើបបានជាពួកគាត់នាំគ្នាចោលសំរាមក្នុងផ្សារគរដូចភ្នំ បង្ករឲ្យមានក្លិនឆ្អេះឆ្អាបស្អុយយ៉ាងខ្លាំងជាពិសេសក្នុងពេលមានភ្លៀងធ្លាក់ ទឹកសម្រាប់ស្អុយពេញបន្ទុក ដែលមានទីតាំងផ្សារនេះស្ថិតនៅភូមិ លាបទង ឃុំកំពង់ចិនត្បូង ស្រុកស្ទោងខែត្ដកំពង់ធំ។
ក្រុមអាជីវករលក់ត្រីលក់បន្លែនិងលក់សំលៀកបំពាក់បាននាំគ្នារិះគន យ៉ាងធ្ងន់ធ្ងរទៅលើ ប្រធានផ្សារស្ទោងថាមិនចេះរៀបចំសណ្ដាប់ធ្នាប់ផ្សារ មិនគិតពីសុខភាពរបស់ប្រជាពលរដ្ឋ បណ្តោយឲ្យការលក់ដូរនៅជាមួយនិងគំនរសំរាម និងពុំបានគិតគូរពីការសំអាត គិតងែរដើរយកផាស៊ីតែមួយមុខចំណែកសំរាមមានចោលគ្រប់ទីកន្លែងស្ទើរតែក្លាយជាផ្សារសំរាម ដោយសារតែសំរាមចោលពេញផ្សារ ទាំងកន្លែងលក់ខោអាវ លក់ម្ហូប អាហារ ត្រីសាច់ សុទ្ធតែមានសំរាមទាំងអស់ ក្នុងនោះពួកគាត់បានកំពុងតែមាន ការព្រួយបារម្ភណ៍ថា នៅពេលរដូវភ្លៀង បើសិនជាលោក ប្រធានផ្សារ និងលោក ព្រឹម រដ្ឋា អភិបាលស្រុកស្ទោង ពុំមានវិធានការនោះ ទេ ទឹកជ្រាំហូរចេញពីសំរាមហូរពាសពេញផ្សារដូចសព្វដងហើយ ។
អ្នកដើរយកផាស៊ីផ្សារបានប្រាប់អ្នកយកពត័មានយើងថារឿងសំរាមនិងភក់ជ្រាំលោកមិនបានទទួលខុសត្រុវ នោះទេ ព្រោះជារឿងលោកប្រធានផ្សារជាអ្នកចាត់ចែង ចំណែកលោកមានភារៈកិច្ចគ្រាន់តែដើរយក ភាស៊ីផ្សារតែប៉ុណ្ណោះ គាត់ចង់និយាយរឿងនិងដែរ តែគាត់និយាយមិនកើតព្រោះគាត់ជាអ្នកស៊ីឈ្នូលគេទេ។សូមបញ្ជាក់ផងដែរថា កាលពីចុងឆ្នាំ២០១៦ ឯកឧត្តម អ៊ុត សំអន អភិបាលខេត្តកំពង់ធំ បានចុះពិនិត្យម្តង រួចមកហើយ ព្រមទាំងបានណែនាំឲ្យម្ចាស់ផ្សារ និងអាជ្ញាធរស្រុករៀបចំសំអាតឲ្យមានអនាម័យ ចៀសវាងមានផលប៉ះពាល់ដល់សុខភាពប្រជាពលរដ្ឋ តែពុំត្រូវបានម្ចាស់ផ្សារមានចំណាត់ការលើការចោលសំរាមនោះទេ។
លោក នង ស៊ីថា ប្រធានភាស៊ីផ្សារបានបញ្ជាក់ថា ផ្សារស្ទោងគឺជាផ្សារអាណាធិបតេយ្យ ពុំអាចគ្រប់គ្រងបាន ទេ អោយតែប៉ះរលាក់ៗហើយ ទោះជាហាមយ៉ាងណាក៏មិនព្រមធ្វើការណែនាំដែរ តែចំណែកសំរាមនៅខាង មុខលោកបានកំពុងតែ រៀបចំឲ្យមានការសំអាតទីតាំងចាក់សំរាមឡើងវិញ ។
លោក ព្រឹម រដ្ឋា អភិបាលស្រុកស្ទោង បានឲ្យដឹងថា បញ្ហាសំរាមគឺផ្សារស្ទោងនេះ ពីមុនពុំមានលទ្ធភាពទិញ ដីសម្រាប់ចាក់សំរាម តែមកដល់ពេលនេះ មានទីតាំងចាក់សំរាមបានហើយ បែរជាអត់មានរថយន្តក្នុងការដឹកជញ្ជូនសំរាមទៀត ចំណែកអ្នកម៉ៅការសំរាម គឺគេយកភាស៊ី
តែអ្នកលក់ក្នុងផ្សារ ចំណែកអ្នកលក់ខាងក្រៅផ្សារ នាំគ្នាយកសំរាមមកចាក់នៅខាងក្រៅផ្សារ ទើបបានជាក្រុមហ៊ុនម៉ៅការសំរាម មិនព្រមដឹកយក ទៅចោល ចំណែកក្នុងផ្សារដែលមានសំរាមច្រើន គឺអ្នករស់នៅជុំវិញផ្សារយកមកចោល ហើយអ្នកទាំងនោះពុំបានបងលុយឲ្យខាងភាស៊ីផ្សារទេ។លោកបានបញ្ជាក់ថា ស្រុកស្ទោងនេះពិបាកណាស់មិនទាន់មាន ក្រុមហ៊ុនម៉ៅការសំរាមនោះទេ ។ ដោយ ផន សុជាតិ
