ខេត្តរតនគិរី៖ ស្ត្រីវ័យកណ្តាលម្នាក់បានលោតចុះពីលើសាឡាងដែលមិនទាន់ដល់ចំណតផុងជាប់ជើងត្រូវសាឡាងបុករងរបួសធ្ងន់បញ្ជួនទៅសង្គ្រោះនៅមន្ទីរពេទ្យបង្អែកស្រុកអណ្តូងមាសត្រូវបានស្លាប់ ។ហេតុការគួរឲ្យភ្ញាក់ផ្អើលនេះបានកើតឡើង នៅវេលាម៉ោង ១០និង១៥ នាទីព្រឹកថ្ងៃទី១០ខែមិនាឆ្នាំ២០១៦ ត្រង់ចំណុចកំពង់ដរឆ្លងត្រើយម្ខាងកើតទន្លេ ស្ថិតក្នុងភូមិ កាជូត ឃុំ ញ៉ាង ស្រុក អណ្តូងមាសខេត្តរតនគិរី ។សមត្ថកិច្ចមូលដ្ឋានបានបញ្ជាក់ថាជនរងគ្រោះមានឈ្មោះ រម៉ាម អ៑ញ់ ភេទ ស្រី អាយុ ៤៥ ឆ្នាំជនជាតិ កាចក់ រស់នៅ ភូមិតាណង ឃុំ តាឡាវ ស្រុកអណ្តូងមាសខេត្តរតនគិរី ត្រូវបានសាឡាងបុកគៀបស្លាប់ ក្នុងខណៈពេលសាឡាងចូលជិតដល់មាត់ច្រាំង ហើយជនរងគ្រោះ បានលោតចុះមុន ប៉ុន្តែលោតមិនផុត ក៍ផុងជើងដួល ត្រូវសាឡាងបុកពឹក្រោយបណ្ដាលអោយរងរបួសធ្ងន់ ពេលដឹកយកមកដល់មន្ទឹពេទ្យបង្អែកស្រុកក៏បានស្លាប់តែម្ដង ។
សក្សីនៅកន្លែងកើតហេតុប្រាប់ឲ្យដឹងថាជនរងគ្រោះពិតជាបានចុះពីសាឡាងដែលសាឡាងកំពុងចរាចរណ៍នៅឡើយមែន។ក្រោយពីសមត្ថកិច្ចបានពិនិត្យរួចរាល់ក៍បានប្រគល់សាកសពទៅអោយក្រុមគ្រួសារជនរងគ្រោះយកទៅធ្វើបុណ្យតាមប្រពៃណីជនជាតិផងដែរ។
រីឯម្ចាស់សាឡាងសមត្ថកិច្ចកំពុងបំពេញបែបបទចាត់វិធានទៅតាមនិតិវិធីច្បាប់។ ដោយឡែកម្ចាស់សាឡាលគួរតែដាក់បំរាមកុំឲ្យលោតចុះនៅពេលដែលសាឡាងមិនទាន់ឈប់អោយបានត្រឹមត្រូវនោះ៕ 
