ខេត្តឧត្តរមានជ័យ ៖ នៅព្រឹកថ្ងៃទី១០ ខែមិនា ឆ្នាំ២០១៦នេះ គណៈប្រតិភូ កាកបាទក្រហមកម្ពុជា ដឹកនាំដោយសម្តេចគតិព្រឹទ្ធបណ្ឌិត ប៊ុនរ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិ ! បានចុះជួបសំណេះសំណាលសួរសុខទុក្ខ និងនាំយកអំណោយរបស់កាកបាទក្រហមកម្ពុជា ទៅចែក ជូនដល់បងប្អូន ប្រជាពលរដ្ឋ ដែលរងគ្រោះដោយមេរោគ អេដស៍ ! គ្រួសារពិការ ! ចាស់ជរាគ្មានទីពឹង និងគ្រួសារទាល់ក្រ នៅ ស្រុក អន្លង់វែង និងស្រុកត្រពាំងប្រាសាទ ចំនួន ២២៥៥ នាក់ស្ថិតក្នុងភូមិ ទួលត្បែង ឃុំត្រពាំងព្រៃយ៍ ស្រុកអន្លង់វែង ខេត្តឧត្តរមានជ័យ ។
ជួបសំណេះសំណាលនាឱកាសនោះសម្តេចគតិព្រឹទ្ធបណ្ឌិត ប៊ុនរ៉ានី ហ៊ុនសែន មានប្រសាសន៍ផ្តាំផ្ញើរសាកសួរ សុខទុក្ខ ពីសំណាក់សម្តេចតេជោ ហ៊ុន សែន ជានិច្ចជាការសម្តេចតែងតែនឹកដល់បងប្អូនប្រជាពលរដ្ឋ មិនថារស់នៅ ទីណានោះទេសុទ្ធសឹងតែជាពលរដ្ឋតែមួយ ។ សម្តេចគតិព្រឹទ្ធបណ្ឌិតបានជម្រុញឲ្យអាជ្ញាធរខេត្ត ក៍ដូចជា អាជ្ញាធរមូលដ្ឋានត្រូវយក ចិត្តទុក្ខដាក់ខ្ពស់ចំពោះ ប្រជាពលរដ្ឋដែលរស់នៅក្នុងមូលដ្ឋានរបស់ខ្លួន
ជាពិសេសគ្រួសារក្រីក្រគ្មានទីពឹង និងគ្មានផ្ទះសំបែង ។
សម្តេចគតិព្រឹទ្ធបណ្ឌិត ប៊ុនរ៉ានី ហ៊ុនសែន បានអំពាវនាវដល់ពលរដ្ឋទាំងអស់ឲ្យចូលរួមគោរពច្បាប់ចរាចរណ៍ឲ្យបាន គ្រប់ៗគ្នា! ព្រោះថាបណ្តាក្រុមហ៊ុនដឹកជញ្ជួនមួយចំនួនជ្រើសរើសបុគ្គលឹកបើកបររថយន្ត សុទ្ធសឹងជាក្មេងៗគ្មានជំនាញច្បាស់លាស់ដូច្នេះហើយការបើកបររបស់ពួកគេ មិនមានការប្រុងប្រយ័ត្ននោះឡើយ ! សម្តេចគតិព្រឹទ្ធបណ្ឌិត សុំឲ្យ បណ្តាក្រុមហ៊ុនដឹកជញ្ជួនទាំងនោះ ជ្រើសរើសបុគ្គលឹកជាតៃកុងរថយន្ត មានសីលធម៌ល្អ ប្រកបដោយវិជ្ជាជីវៈ ។
ក្នុងឱកាសនោះសម្តេចគតិព្រឹត្តបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាបាននាំយកអំណោយមកចែក ជូនបងប្អូនប្រជាពលរដ្ឋ ដែលរងគ្រោះដោយមេរោគ អេដស៍ ! គ្រួសារពិការ ! ចាស់ជរាគ្មានទីពឹង និងគ្រួសារទាល់ក្រ
ក្នុងមួយគ្រួសារទទួលបាន ! អង្ករ ៣០ គីឡួក្រាម ! មី១កេះ ! ត្រីខ១យួរ ! ឃីត១កញ្ចប់ ! ក្រណាត់សរ១ដុំ ! និងថវិការ ២ម៉ឺនរៀល! ដោយមើលឃើញការលំបាករបស់ពលរដ្ឋនៅតាមបន្ទាត់ព្រំដែន ភូមិសាស្ត្រ ខេត្តឧត្តរមានជ័យ ! សម្តេចបាន ឧត្ថម្ភ ជីកស្រះទឹក ចំនួន១០ គិតជា(ថវិការជិត១០ម៉ឺនដុល្លា) សម្រាប់ប្រើប្រាស់ទៅតាមតម្រូវការ ៕
