បន្ទាយមានជ័យ ៖ សំនុំរឿងព្រហ្មទណ្ឌ ៦០៦ករណី ក្នុងចំណោមសំនុំរឿងព្រហ្មទណ្ឌទាំង ១៣៨៤ករណី ក្នុងឆ្នាំ២០១៥ អាយ្យការអបសាលាដំបូងខេត្តបន្ទាយមានជ័យ កំពុងចាត់ការបន្តនាឆ្នាំ២០១៦នេះ ។ នេះបើតាមការលើកឡើងរបស់លោក ផាន់ វណ្ណរ័ត្ន ព្រះរាជអាជ្ញាអបសាលាដំបូងខេត្តបន្ទាយមានជ័យ កាលពីកន្លងទៅ ។
លោកបានបន្តទៀតថា ក្នុងចំណោមសំនុំរឿងព្រហ្មទណ្ឌទាំង១៣៤៨ខាងលើ មានសំនុំរឿងចំនួន៤៧០ករណីដែលសល់ពីឆ្នាំ២០១៤ និងសំនុំរឿងចំនួន៩១៤ជាសំនុំរឿងក្នុងឆ្នាំ២០១៥ ។ ជាមួយគ្នានោះសំនុំរឿងដែលចាត់ការរួចឆ្នាំ២០១៥ មានសរុប៧៧៨ករណី ក្នុងនោះមាន បើកការសាកសួរចំនួន ៦៤៩ករណី ជម្រះផ្ទាល់ចំនួន ១៩ករណី បង្ហាញខ្លួនភ្លាមចំនួន ៤ករណី តម្កល់រឿងទុកឥតចាត់ការចំនួន ៧៧ករណី បញ្ជូនរឿងចំនូន ២៩ករណី ។
ចំពោះសំនុំរឿងដែលនៅសល់ចំនួន៦០៦ករណីដែលនៅសល់ពីឆ្នាំ២០១៥ នឹងត្រូវចាត់ការបន្តនៅឆ្នាំ២០១៦នេះ ។ ដោយឡែកបើគិតតែសំនុំរឿងព្រហ្មទណ្ឌចូលឆ្នាំ២០១៥ដែលមាន៩១៤រឿង នៅដំណាក់កាលអយ្យការមានសំនុំរឿងដែលទាក់ទងនឹងគ្រឿងញៀនមានចំនួន៨០៨រឿង ហើយបានចាត់រួចដោយបើកការសើបសួរបញ្ជូនទៅសាលាដំបូងបាន១០០% ។ 
លោក ផាន់ វណ្ណរ័ត្ន ព្រះរាជអាជ្ញាអបសាលាដំបូងខេត្តបន្ទាយមានជ័យ បានលើកឡើងបន្តទៀតថា បច្ចុប្បន្នព្រះរាជអាជ្ញារងបានផ្លាស់ចេញ ជាច្រើននាក់ និងនៅសល់ចំនួនតិច គឺមានតែព្រះរាជ្ញារង៣រូប មិនសមមូលនឹងទំហំការងារ ដែលមានក៏ដោយក៏យើងបានខិតខំប្រឹងប្រែងក្នុងការចាត់ការសំនុំរឿង និងអនុវត្តន៍មុខងារផ្សេងទៀតតាមការកំណត់របស់ច្បាប់ និងបញ្ញាតិ ជាធរមាន ។ 
ជាមួយនិងការលើកឡើងនេះផងដែរ លោកក៏បានថ្លែងអំណរគុណ និងកោតសរសើរយ៉ាងខ្លាំងចំពោះសមត្ថកិច្ច ជាពិសេសគឺមន្ត្រីនគរបាលយុត្តិធម៌ ដែលជាអ្នកបង្ក្រាប់ជាក់ស្តែងលើបទល្មើសនានា ទទួលបានលទ្ធផល យ៉ាងល្អប្រសើរ។ បើគ្មានសមត្ថចកិច្ចទេតុលាការក៏មិនអាចាត់ការរឿងបានដែរ តែអ្វីដែលជាការលំបាកនាពេលបច្ចុប្បន្ន គឺអ្នកចាញ់ក្តីតែងតែនាំបក្ខពួកលើកគ្នា ធ្វើការតវ៉ា ពិការក្នុងការអនុវត្តច្បាប់ ៕ 
