ភ្នំពេញ៖ចាងហ្វាងកាសែតម្នាក់ឈ្មោះ សាន្ដ ប៊ុនធឿន ត្រូវ បានកម្លាំងការិយាល័យនគរបាលចរាចរផ្លូវគោកនៃស្នងការនគរបាលរាជធានីភ្នំពេញបញ្ជូនខ្លួនទៅកាន់សាលាដំបូងរាជធានីភ្នំពេញនាវេលាម៉ោង៣រសៀល ថ្ងៃទី ១០ ខែ មិនា ឆ្នាំ ២០១៦នេះហើយ ។
លោក សែម គន្ធា នាយរងការយាល័យនគរបាលចរាចរផ្លូវ គោកនៃស្នងការនគរបាលរាជធានីភ្នំពេញ បានបញ្ជាក់ថា ជនត្រូវជាប់សង្ស័យឈ្មោះសាន្ដ ប៊ុនធឿន ភេទប្រុស អាយុ ៤៤ឆ្នាំ មានមុខរបរជាចាងហ្វាងកាសែតស្នេហាជាតិ ប្រធាន ក្រុមផ្នែកយកព័ត៌មាន របស់គេហទំព័រខ្មែរ “អាយញូវ” ស្នាក់ នៅផ្ទះជួលទល់មុខផ្សារទំនើបអ៉ីអន ផ្លូវសុធារស់ សង្កាត់ ទន្លេបាសាក់ ខណ្ឌចំការមន រាជធានីភ្នំពេញ ។
គួរម្លឹកថា នៅយប់ថ្ងៃទី ០៩ ខែ មិនា ឆ្នាំ ២០១៦ ក្រោមការ ដឹកនាំបញ្ជាពីរនាយឧត្ដមសេនីយ៍ លោក ជួន សុវណ្ណ អគ្គ ស្នងការរងនិជាស្នងការនគរបាលរាជធានីភ្នំពេញ កម្លាំង នគរបាលចរាចរក្រោមការដឹកនាំពីលោកវិរៈសេនីយ៍ឯក ចេវ ហាក់ នាយការយាល័យនគរបាលចរាចរផ្លូវគោក បានដាក់ គោលដៅត្រួតពិនិត្យជាតិស្រវឹងត្រង់ចំណុច លើកំណាត់ផ្លូវ ជាតិលេខ៤ ស្ថិតក្នុងសង្កាត់កំបូល ខណ្ឌពោធិ៍សែនជ័យ ខណៈនោះ លោក សាន្ដ ប៊ុនធឿន ជាចាងហ្វាងកាសែតបាន ជីះបើកម៉ូតូ១គ្រឿងម៉ាកPCXអត់ស្លាកលេខជាមួយដៃគូម្នាក់ទៀតមិនបានពាក់មួកសុវត្ថភាពត្រឹមត្រូវដោយបើកបរឆ្លងកាត់គោលដៅរបស់កម្លាំងនគរបាលចរាចរដែលកំពុងល្បាតត្រួតពិនិត្យជាតិអាល់កុលនៅចំណុចខាងលើ ដោយកម្លាំង សមត្ថកិច្ចមានការសង្ស័យក៍ឃាត់ខ្លួនសាកសួរនិងពិនិត្យជាតិស្រវឹងបានរកឃើញជាតិអាល់កុល០,៦៤មីល្លីក្រាមក្នុងមួយលីត្រខ្យល់ថែមទៀតផង ។ក្រោយពិនិត្យឃើញជាតិអាល់
កុលបូករួមទាំងម៉ូតូអត់ស្លាកលេខនិងមិនមានពាក់មួកសុវត្ថភាពឲ្យបានត្រឹមត្រូវផងនោះ កម្លាំងនគរបាលបានធ្វើការឃា ត់ខ្លួនលោក សាន្ដ ប៊ុនធឿន តែម្ដង ដោយឡែ ក្រុមកម្លាំង នគរបាលចរាចរទាំងនោះត្រូវបាន លោក សាន្ដ ប៊ុនធឿន ជេរ៍ប្រមាថយ៉ាងចាស់ដៃ មិនតែប៉ុណ្ណោះ លោក សាន្ដ ប៊ុនធឿន បានប្រមាថទាំងថ្នាក់ដឹកនាំថែមទៀតផង ។
បច្ចុប្បន្ន លោក សាន្ដ ប៊ុនធឿន រួមនិងវត្ថុតាងម៉ូតូ១គ្រឿងដែលត្រូវជាប់សង្ស័យពីបទ
មានជាតិអាល់កុលខ្ពស់ បើកជិះម៉ូតូអត់ស្លាកលេខ និងមិន ពាក់មួកសុវត្ថភាព ល្មើសនិងច្បាប់ចរាចរផ្លូវគោក ព្រមទាំង ប្រមាថថ្នាក់ដឹកនាំ កំពុងស្ថិតក្រោមចំណាត់ការសាកសួរ របស់អយ្យការសាលាដំបូងរាជធានីភ្នំពេញនៅឡើយ៕ហាស់ កំសាន្ដ
