ភ្នំពេញ មនុស្សប្រុសស្រី៣នាក់ត្រូវបានប្រជាការពារខណ្ឌដូនពេញឃាត់ខ្លួន បន្ទាប់ពីសង្ស័យថាពាក់ព័ន្ឋនឹងករណីចែកចាយ និងប្រើប្រាស់គ្រឿងញៀន ទើបប្រគល់អោយសមត្ថកិច្ចប៉ុស្តិ៍ចតុមុខ។ ហេតុការណ៍នេះបានកើតឡើងកាលពីវេលាម៉ោង១១នឹង១០នាទីយប់ថ្ងៃទី១០ ខែមីនា ឆ្នាំ២០១៦ នៅម្តុំអតីតយ៉ាងចូវចាស់ តាមបណ្តោយផ្លូវ២៥២ កែងនឹងលេខ៦៣ ស្ថិតក្នុងសង្កាត់ចតុមុខ ខណ្ឌដូនពេញ។លោក ចាន់ បណ្ឌិត នាយករងរដ្ឋបាលខណ្ឌដែលដឹិកនាំកម្លាំងចុះកិច្ចប្រតិបត្តិការណ៍បានអោយដឹងថា នៅមុនពេលកើតហេតុគាត់បានដឹកនាំកម្លាំងចំរុះចុះត្រួតពិនិត្យទូហ្គេមបាញ់ត្រីនៅក្នុងមូលដ្ឋាន ពេលមកដល់ចំណុចខាងលើក៏ប្រទះឃើញជនសង្ស័ប្រុសស្រី២នាក់កំពុងអង្គុយជក់គ្រឿងញៀនជាក់ស្តែងនៅចំណុចខាងលើ ក៏ធ្វើការឃាត់ខ្លួនភ្លាមៗ ជាមួយនឹងអ្នករត់រុ៉ម៉ក់ម៉ូតូកង់បីដែលគួរអោយសង្ស័យ ទើបប្រគល់អោសមត្ថកិច្ចមូលដ្ឋាន។
ក្រោយមកជនសង្ស័យទាំង៣នាក់ត្រូវបានសមត្ថកិច្ចនាំយកទៅសាកសួរនៅប៉ុស្តិ៍នគរបាលរដ្ឋបាលចតុមុខ ដើម្បីសួរនាំនិងចាត់ការតាមនីតិវិធី។
សូមបញ្ជាក់ថា ក្នុងការឃាត់ខ្លួនជនសង្ស័យខាងលើ ដកហូតបានថ្នាំញៀនប្រភេទម៉ាទឹកកកចំនួន១៥កញ្ចប់ និងវត្ថុតាងប្រើប្រាសមួយចំនួនទៀត។
ក្រោយមកនៅចេលាម៉ោង១២នឹង៣០នាទីរំលងអាធ្រាត ឈានចូលថ្ងៃទី១១ ខែមីនា ឆ្នាំ២០១៦ កម្លាំងប្រជាការពារខណ្ឌបានចុះទៅចាប់ទូរហ្គេមនៅចំណុចខាងក្រោយពេទ្យកាល់មែ៉ត្រ ស្ថិតក្នុងសង្កាត់ស្រះចក បានចំនួន២ទូ និងឃាត់ខ្លួនបានមនុស្សប្រុសស្រី៤នាក់។ អ្នកទាំង៤ដែលឃាត់ខ្លួនបានទី១ឈ្មោះសួរ សួង ភេទ ប្រុស អាយុ ២៦ឆ្នាំ ស្នាក់នៅសង្កាត់ស្រះវក ខណ្ឌ ដូនពេញ ផ្ទះ១៤៧ផ្លូវ៨០ ក្រុម២៩៣
ទី២ឈ្មោះ រឿង សៅគុង អាយុ៣៣ឆ្នាំ មុខរបររត់ឡាន មានស្រុកកំណើតនៅស្រុកមុខកំពូលខេត្តកណ្តាល ទី៣ឈ្មោះ ហៀង រិទ្ធធី អាយុ១៦ឆ្នាំ ស្នាក់នៅ សង្កាត់ស្រះចក ខណ្ឌដូនពេញ និងទី៤ឈ្មោះធី ស្រី លៀប អាយុ២៤ស្នាក់នៅផ្ទះ១៤៧ផ្លូវ៨០ ក្រុម២៩៣ សង្កាត់ស្រះចក ខណ្ឌដូនពេញ។ហើយទូហ្គេមនិងមនុស្សដែលឃាត់បានត្រូវនាំខ្លួនយកទៅអធិការដ្ឋាននគរបាលខណ្ឌដូនពេញដើម្បីចាត់ការតាមនីតីវិធីច្បាប់។ដោយ៖ជីម ភារ៉ា
