ភ្នំពេញ៖កម្លាំងនគរបាលប៉ុស្ដិ៍ឫស្សីកែវនិងប្រជាការពារសង្កាត់សហការនិងកម្លាំងនគរបាលខណ្ឌឫស្សីកែវដេញតាមចាប់ក្របួចចោរ២នាក់បានភ្លាមៗទាំងយប់ បន្ទាប់ពីជនត្រូវជាប់ សង្ស័យទាំង២នាក់នេះបានបើកជិះម៉ូតូ១គ្រឿងមកធ្វើ សកម្មភាពឆក់ទូរស័ព្ទដៃពីជនរងគ្រោះម្នាក់ជាបុគ្គលិកក្រុមហ៊ុននួនអាណុងដែលកំពុងបើកជិះម៉ូតូត្រឡប់ទៅផ្ទះវិញ ។ហេតុការណ៍ខាងលើបានកើតឡើងនៅវេលាម៉ោង៩យប់ ថ្ងៃ ទី ១០ ខែ មិនា ឆ្នាំ ២០១៦ ត្រង់ចំណុចតាមបណ្ដោយផ្លូវ ខាងសារិន ក្រុម៧ ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។
លោក តូច គឹមសុង នាយប៉ុស្ដិ៍ឫស្សីកែវបានបញ្ជាក់ថា ជនត្រូវឃាត់ខ្លួនពាក់ព័ន្ធអំពើរឆក់ ១ឈ្មោះសុន សារិទ្ធ ហៅឡុង ភេទប្រុស អាយុ២៣ឆ្នាំ មុខរបរមិនពិតប្រាកដ ទីលំនៅផ្ទះជួលបឹងកក់ សង្កាត់ស្រះ ចក ខណ្ឌដូនពេញ (ជាអ្នកឆក់) ២ឈ្មោះសុខ សោភ័ណ្ឌ ហៅអារ័ត្ន ភេទប្រុស អាយុ២៣ឆ្នាំ មុខរបរមិនពិតប្រាកដ ទីលំនៅផ្ទះជួលជាមួយ គ្នា (ជាអ្នកបើកម៉ូតូ)ម៉ាកស្មាក់ ពណ៍ កាប់ស្ទាំងពាក់ស្លាកភ្នំ ពេញលេខ១T៩៧៥៤។រីឯជនរងគ្រោះឈ្មោះឡេង សារី វិសាល ភេទប្រុស អាយុ ៣៣ឆ្នាំ មុខរបរបុគ្គលិកក្រុមហ៊ុន នួនអានុង មានទីលំនៅបុរីល្អពេញចិត្ត ក្រុមទី១៥ ភូមិបឹង សាឡាង សង្កាត់ឬស្សីកែវ ខណ្ឌឫស្សីកែវ រាជធានីភ្នំពេញ និងជាម្ចាស់ម៉ូតូម៉ាកគុបពណ៍ ទឹកប៊ិច ពាក់ស្លាកលេខ ជ០១១៣ភ.ព១។
នាយប៉ុស្ដិ៍ឫស្សីកែវ លោក តូច គឹមសុង បានបញ្ជាក់ទៀតថា
ដោយយោងតាមពាក្យបណ្ដឹងរបស់ជនរងគ្រោះនិងចម្លើយសារភាពរបស់ជនត្រូវសង្ស័យ មុនពេលកើតហេតុ រូបគេ (ជនរងគ្រោះ)បានបើកជិះម៉ូតូរបស់ខ្លួនម្នាក់ឯងចេញពីផ្សារសាំហាន់ក្នុងគោលបំណងទៅផ្ទះនៅសង្កាត់ឫស្សីកែវដោយដៃមានកាន់ទូរស័ព្ទនិងធ្វើដំណើរតាមបណ្ដោយផ្លូវខាងសារិន ខណៈមកដល់ត្រង់ចំណុចកើតហេតុខាងលើ ស្រាប់តែមាន ជនមិនស្គាល់អត្តសញ្ញាណ្ណ២នាក់ជិះម៉ូតូ១គ្រឿងមកធ្វើសកម្មភាពឆក់ទូរស័ព្ទដៃបានសម្រេចរួចបើកម៉ូតូជិះរត់គេចខ្លួន ប៉ុន្តែត្រូវជនរងគ្រោះស្រែកផ្អើលឆោរឡោទាំងប្រជាពលរដ្ឋនិងកម្លាំងនគរបាលកំពុងល្បាត់ជាមួយនិងប្រជាការពារសង្កាត់ឫស្សីកែវដែលនៅម្ដុំនោះ បានដេញតាមពីក្រោយម៉ូតូជន សង្ស័យរហូតចាប់ខ្លួនបានតែម្ដង ។
សូមបញ្ជាក់ថា ជនត្រូវជាប់សង្ស័យអំពើរឆក់ទាំង២នាក់ រួមនិងវត្ថុតាង ត្រូវបានកម្លាំងនគរបាលប៉ុស្ដិ៍ឫស្សីកែវ បញ្ជូន ទៅឃុំខ្លួនសាកសួរបណ្ដោះអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីចាត់ការបន្តកសាងសំនុំរឿងបញ្ជូនខ្លួន ទៅកាន់អយ្យការសាលាដំបូងរាជធានីភ្នំពេញចាត់ការតាមច្បាប់ ៕ហាស់ កំសាន្ដ
