ខេត្តសៀមរាប៖នគរបាលប្រឆាំងគ្រឿងញៀខេត្តបានសហការជាមួយ អធិការនគរបាលស្រុកជីក្រែងនិងមានការសហការចូលរួមជាមួយកម្លាំងអន្តរាគមន៍ ចុះប្រត្តិការបង្ក្រាបករណីគ្រឿងញៀន ឈានដល់ធ្វើការឃាត់ខ្លួនបានជនសង្ស័យ ៣នាក់ ជាបន្តបន្ទាប់ នៅកន្លែងផ្សេងគ្នាក្នុងថ្ងៃតែមួយ ក្នុងខេត្តសៀមរាប ខណៈពួកគេកំពុងចែកចាយ តាមដងផ្លូវសាធារណៈ និងនៅក្នុងបន្ទប់ជួលបង្កឱ្យមានការភ្ញាក់ផ្អើលដល់ពលរដ្ឋពេញ ក្នុងក្រុង/សៀមរាប ។
ហេតុការចុះបង្ក្រាបករណីជួញដូរគ្រឿងញៀននេះធ្វើឡើងនៅថ្ងៃទី១២ខែមិនា ឆ្នាំ២០១៦ស្ថិតនៅចំនុច២កន្លែងផ្សេងគ្នាក្នុងថ្ងៃតែមួយ គឺនៅស្រុកជីក្រែង និងភូមិមណ្ឌល១ សង្កាត់ស្វាយដង្គំ ក្រុង/ខេត្តសៀមរាប ។
លោកវរសេនីយ៍ទោ អ៊ុំ សាអាត នាយការិយាល័យនគរបាលប្រឆាំងគ្រឿងញៀននៃស្នងការនគរបាលខេត្តបានប្រាប់ថា ក្នុងការចុះបង្ក្រាបករណីខាងលើនេះ កម្លាំងជំនាញ បានឃាត់ខ្លួនជនសង្ស័យជាបន្តបន្ទាប់ ចំនួន៣នាក់រួមមាន ទី១/ឈ្មោះ នុត កែវ ភេទប្រុស អាយុ៣៩ឆ្នាំ មុខរបររត់ម៉ូតូឌុប មានស្រុកកំណើតនៅភូមិតាំងក្រសាំង ឃុំជើងព្រៃ ស្រុកបាធាយ ខេត្តកំពង់ចាម បច្ចុប្បន្នស្នាក់នៅបន្ទប់ជួលភូមិវិហារចិន សង្កាត់ស្វាយដង្គំ ឃាត់ខ្លួនថ្ងៃទី១២ខែមិនាឆ្នាំ២០១៦ (ជួញដូរ)និងធ្វើការដកហូតបានវត្ថុតាងនៅក្នុងខ្លួនជនសង្ស័យខាងលើមាន៖ ម្ស៉ៅមេតំហ្វេតាមីន(ម៉ាទឹកកក)ចំនួន៤កញ្ចប់តូចស្មើនឹងទម្ងន់១.៨ក្រាម,ទូរស័ព្ទដៃចំនួន១និងម៉ូតូចំនួន១គ្រឿងម៉ាកវីវ៉ា ពណ៌ខ្មៅ ពាក់ស្លាកលេខ ភ្នំពេញ ១.AF.១៥៥៤ ។
និងទី២/ឈ្មោះ យ៉ុង រតនា ភេទប្រុសអាយុ១៨ឆ្នាំមុខរបរបើករឺម៉កម៉ូតូដឹកភ្ញៀវរស់នៅភូមិកក្រាញ់ សង្កាត់សៀមរាប ក្រុងសៀមរាបឃាត់ខ្លួនថ្ងៃទី១២ខែមិនាឆ្នាំ២០១៦(ជួញដូរ)ទី៣/ឈ្មោះ ជិន សូដា ភេទប្រុសអាយុ២០ឆ្នាំមុខរបរបើករឺម៉កម៉ូតូដឹកភ្ញៀវ ស្នាក់នៅភូមិកក្រាញ់ សង្កាត់សៀមរាប ក្រុងសៀមរាប ឃាត់ខ្លួនថ្ងៃទី១២ខែមិនាឆ្នាំ២០១៦(ជួញដូរ)ព្រមទាំងដកហូតបានវត្ថុតាងរួមមាន៖ម៉ូតូចំនួន១គ្រឿងម៉ាកហុងដាសេ១២៥ ពណ៌ខ្មៅឆ្នាំ២០១៣មានសណ្តោងរឺម៉ក ពាក់ស្លាកលេខសៀមរាប ១.M.៨៣៥៤។
បច្ចុប្បន្នជនសង្ស័យ ចំនួន៣នាក់និងវត្ថុតាងត្រូវបានកម្លាំងជំនាញកសាង សំណុំរឿងបញ្ជូនទៅតុលាការនៅព្រឹកថ្ងៃទី១៣ខែមិនាឆ្នាំ២០១៦ ដើម្បីចាត់ការតាមនីតិវិធីច្បាប់៕ដោយ ច័ន្ទ រស្មី
