កំពង់ធំៈ ប្រជាពលរដ្ឋបានធ្វើការរិះគន់យ៉ាងចាស់ដៃ ទៅលើលោក សឹង សឿង ហៅ ស្មី គឺជាមន្ត្រីពាក់ស្បែកខ្លា កងរាជអាវុធហត្ថស្រុកសណ្តាន់ ដែលបានដាក់កុងត្រូលជជុះ នៅតាមដងផ្លូវ ឃុំមានរិទ្ធ ស្រុកសណ្តាន់ ខេត្តកំពង់ធំ ទោះជាមានការហាមយ៉ាងតឹងតែង ពីសំណាក់អាជ្ញាធរ ខេត្តកំពង់ធំក៏ដោយ លោក សឹង សឿង ហៅ ស្មី នៅតែអនុវត្តជរិតទារលុយ ពីអ្នកដឹកឈើដូចដាក់ភាគហ៊ុន កំណត់តំលៃក្នុងមួយ កាឡេថង ពី៨ ទៅ ១០ ម៉ឺនរៀល ។
ជាក់ស្តែងកាលពីយប់ថ្ងៃទី ១៣ ឈានចូលថ្ងៃទី ១៤ ខែមិនា ឆ្នាំ ២០១៦ កាឡេថង ដឹកឈើចំនួន ២គ្រឿងរបស់ ប្រជាពលរដ្ឋស្លូតត្រង់ ត្រូវបានលោកសឹង សឿង ហៅ ស្មី ដាក់កុងត្រូលជជុះជំរិតទាលុយ ក្នុងមួយ កាឡេថង ៨ម៉ឺនរៀល តែម្ចាស់កាឡេថង បានអង្វរស្ទើរលុតជង្គង់សុំជំពាក់សិន ចាំព្រឹកទើបផ្ញើរលុយឲ្យ ដោយសារតែក្នុងពេលនេះគ្មានលុយសល់នឹងខ្លួនទេ ដោយសារពីល្ងាច មានមនុស្សមួយក្រុម ដែលប្រជាពលរដ្ឋ ស្គាលថាឈ្មោះ យ៉េ និងឈ្មោះយូត ជាមន្ត្រីទាហាន នៅវរៈសេនាតូចលេខ ១ ហើយបានមករស់នៅការពារ មេព្រៃផ្នែកសណ្តាន់ ក្នុងនោះបានជំរិទទារលុយពីអ្នកម្ចាស់កាឡេថង ចំនួន ១៥០០០០០ រៀលក្រោយមក ទើបសុំអង្វរនៅត្រឹ ៧០ម៉ឺនរៀល ដោយអះអាងថា លោក សៅ វណ្ណី នាយផ្នែករដ្ឋបាលព្រៃឈើសណ្តាន់ បង្គាប់ឲ្យបង់លុយ លុះក៏មានទាហាន ម្នាក់អះអាងថា នៅឌឺបេជើងគោ បានជំរិតទាលុយ ចំនួន ៣០ម៉ឺនរៀល ទើបគាត់អស់លុយ ហើយត្រូវបានលោក សឹង សឿង ហៅ ស្មី ចាប់កាឡេថងរបស់គាត់ប្រគល់ឲ្យសង្កាត់រដ្ឋបាលព្រៃឈើសណ្តាន់់។
ក្នុងនោះឯកឧត្តម ឧត្តមេនីយ៍ត្រី សោម ស៊ុន បានដាក់បទបញ្ជាស្រាវជ្រាវជាបន្ទាន់ ពាក់ព័ន្ឋនិងមានការអែប អាងថាជាទាហាន ជំរិតទាលុយ ព្រមទាំងកំពុងវែកមុខដើម្បីឲ្យ ជនដែលបានយកលុយពីយប់ថ្ងៃទី ១៣ ឲ្យប្រគល់ឲ្យម្ចាស់ដើមវិញ តែក្នុងនោះជនដែលប្រជាពលរដ្ឋបានអះអាងដូចឈ្មោះ ខាងលើសុទ្ធតែបដិសេធ ថាខ្លួនពុំបានយកនោះទេ។
ចំណែកលោក សឹង សឿង ហៅ ស្មី ជាមន្ត្រីកងរាជអាវុធហត្ថ តែងតែដាក់កុងត្រូលជជុះ នៅតាមផ្លូវបាន ឲ្យដឹងថា ការឃាតើកាឡេថងនេះ ដោយសារតែម្ចាស់កាឡេថង ពុំមានលុយបង់ឲ្យ ក្នុងមួយកាឡេង ៨ម៉ឺ ទាំង អស់ ១៦ម៉ឺន ទើបបានសុំយោបល់លោក លក វង្ស មេបញ្ជាការកងរាជអាវុធហត្ថ ស្រុកសណ្តាន់ឲ្យចាប់យក ទៅដាក់កន្លែងមេព្រៃ ។
ចំណែកលោក លក វង្ស មេបញ្ជាការ បានឲ្យដឹងថា តាមទូរស័ព្ទថា កាលពីយប់លោក មកពីធ្វើការហត់ អស់កម្លាំងព្រមទាំងបាន បិទសំលេងទូរស័ព្ទពេញមួយយប់ទាល់ភ្លឺ ចំណែកការចាប់លោក មិនបានបញ្ជានោះទេ លុះព្រឹកឡើងបានឃើញមាន មិសស៊ីខល ហើយមន្ត្រីរបស់ខ្លួនបានរាយការណ៍មកតាមក្រោយថា បានឃាត់ កាឡេថង។ ដោយ ប៊ុន រដ្ឋា
