ស្ទឹងត្រែង៖រថយន្ត៣គ្រឿងបានបុកគ្នាលើកំណាត់ផ្លូវជាតិលេខ៧៨A ២គ្រឿងបានបើបរពីទិសខាងកើតមកលិច និងមួយគ្រឿងទៀតបើកពីលិចមកកើតក្នុងទិសដៅច្រាសគ្នា បានរេចង្កូតទៅបុករថយន្ត២គ្រឿងបណ្តាលឱ្យស្ត្រីម្នាក់ររងរបួសធ្ងន់ និងរថយន្តទាំង៣គ្រឿងខូចខាតយ៉ាងធ្ងន់ធ្ងរ។ ហេតុការគ្រោះថ្នាក់ចរាចរណ៍រថយន្តទាំងគ្រឿងនេះ បានកើតឡើកាលពីវេលាម៉ោង២១និង៣០នាទីយប់ ថ្ងៃទី១៣ខែមិនឆ្នាំ២០១៦នៅលើកំណាត់ផ្លូវជាតិលេខ៧៨Aចន្លោះបង្គោលលេខ៤៧ចំម្ងាយពីអូពងមាន់ប្រហែល១គីឡូ ស្ថិតក្នុងភូមិរាជានុកូលសង្កាត់ ក្រុង ខេត្តស្ទឹងត្រែង។
លោកថាយ ស៊ុនអ៊ីមេប៉ុស្ត៍ស្រែគរបានឃើញហេតុការនេះបានអោយដឹងថារថយន្តដែលបានបុកគ្នាទាំង៣គ្រឿង ទី១ជាប្រភេទរថយន្តកាមរីហើមពណិ៍សពាក់ស្លាកលេខបាត់ដំបង2A0216 បើ កបរដោយឈ្មោះផន ថាភេទប្រុសអាយុ៣៨ឆ្នាំ ទី២ជា ប្រភេទរថយន្តឡង់គ្រិះស័រពណិ៍ខ្មៅ ពាក់ស្លាកលេខភ្នំពេញ2S7947បើករបដោយឈ្មោះឌី មៃ ភេទ ប្រុសអាយុ៥៣ឆ្នាំ ជិះជាមួយប្រពន្ធឈ្មោះវ៉ា ផន រងរបួសធ្ងន់ ម្ចាស់រថយន្តទាំ២គ្រឿង រស់នៅភូមិស្រែគរ ឃុំស្រែគ១ ស្រុកសេសានខេត្តស្ទឹងត្រែង។ចំណែករថយន្តទី៣ជាប្រភេទរថយន្តតាកូម៉ា ពណិ៍ទឹកប្រាក់ ពាក់ស្លាកលេខភ្នំពេញ2L1845 បើកបរដោយឈ្មោះស៊ុន វិច្ឆ័យ ជិះគ្នា៤នាក់មិនស្គាល់ទីកន្លែងរសនៅ។
លោកមេប៉ុស្តិ៍បានបន្តថានៅយប់កើតហេតុខាងលើមានរថយន្តចំនួន៦គ្រឿងចេញពីភូមិស្រែគរទៅធ្វើឈៀកនៅខេត្តក្រចេះ ពេលមកដល់ចំណុចកើតហេតុ មានរថយន្តតាកូម៉ាមួយគ្រឿង បានរេចង្កូតមកប៉ះ រថយន្តកាមរីហើមពណិ៍សចំពាក់កណ្តាលហើយបានទៅបុករថយន្តឡង់គ្រិះស័រមួយគ្រឿងទៀត ដែលបើពីក្រោយពេញទំហឹង បណ្តាលអោយស្ត្រីម្នាក់ជាប្រពន្ធរងរបួសធ្ងន់និងបានដឹកយកទៅសង្គ្រោះនៅមន្ទីពេទ្យខេត្ត។
ក្រោយកើតហេតុម្ចាស់រថយន្តទាំង៣គ្រឿងបានជជែកគ្នាយកត្រូវរៀងៗខ្លួន ពេលដែលដោះស្រាយរកអ្នកខុសមិនឃើញ ក៏ត្រូវបាននគរបាលការិយាល័យចរាចរណ៍ផ្លូវគោកខេត្ត ចុះទៅធ្វើការវាស់វែងនាំយករថយន្តទាំង៣គ្រឿងមករក្សាទុកនៅការិយាល័យចរាចខេត្ត ដើម្បីអោយភាគីខាងរថយន្តទាំង៣គ្រឿងចូលមកដោះស្រាយតាមផ្លូវច្បាប់៕
