ខេត្តព្រះសីហនុ៖មន្ត្រីមន្ទីបរិស្ថានខេត្តព្រះសីហនុចំនួន៥៣ ទទួលការបណ្តុះបណ្តាលជំនាញថ្មីជុំវិញ យុទ្ឋសាស្ត្រការពារព្រៃដែលកំពុងរងគ្រោះពីការទន្ទ្រាន និងដាក់បានអោយប្រើ នូវឯកសណ្ឋានថ្មី សម្រាប់មន្ត្រីរាជការរបស់ក្រសួងទាំងមូល។
លោក សាមុត សុធារិទ្ឋ ប្រធានមន្ទីបរិស្ថានខេត្តព្រះសីហនុ បានគូសបញ្ជាក់ថាគោលបំណងនៃវគ្គបណ្តុះបណ្តាលនេះគឺជាផ្នែកមួយនៃកំណែទម្រង់ វិស័យបរិស្ថាន របស់រាជរដ្ឋាភិបាល ដែលមានក្រសួងបរិស្ថានជាសេនាធិការ និង បានដាក់បានអោយប្រើ នូវឯកសណ្ឋានថ្មី សម្រាប់មន្ត្រីរាជការរបស់ក្រសួងទាំងមូល។វគ្គបណ្តុះបណ្តាលនេះដែរស្តីពីលំហាត់ របៀបការប្រើប្រាស់ឯកសណ្ឋាននឹងវិធីសាស្ត្រល្បាត ក្នុងតំបន់ការពារធម្មជាតិ ដែលមានរយះពេល៥ថ្ងៃ ចាប់ពីថ្ងៃទី១៥ដល់ថ្ងៃទី១៩ដោយតម្រូវអោយមសិក្ខាកាមទាំងអស់ ស្នាក់នៅហូបចុក និង គោរពវិធីយោធា នៅទៅបញ្ចាការតំបន់ប្រតិការសឹករងខេត្តផ្ទាល់។
លោកបន្តថាខេត្តព្រះសីហនុ មានតំបន់អភិរក្ស ក្រោមការគ្រប់គ្រង របស់មន្ទីបរិស្ថាន ចំនួន០៣កន្លែង ដែលបានកំណត់ដោយព្រះរាជក្រិត្យ រួមមានៈ ឧទ្យានជាតិព្រះសីហនុរាម ឧទ្យានជាតិព្រះមុនីវង្ស បូកគោ និង ឧទ្យានជាតិគីរីរម្យ និងមាននាយកគ្រប់គ្រងផ្ទាល់ចំនួន០២នាក់ និង មន្ត្រីឧទ្យានអនុរក្ស៦០នាក់។ទោះបីជាយើង មានមន្ត្រីអនុវត្តន៏ការងារ ប្រចាំថ្ងៃយ៉ាងណាក៏ដោយ ក៏បទល្មើសមួយចំនួន នៅតែកើតមានឡើងគឺដោយសារបងប្អូន ប្រជាពលរដ្ឋមួយចំនួន គាត់ពុំបានយល់ដឹងអំពីសារៈសំខាន់ របស់ធនធានធម្មជាតិ និង មួយផ្នែកទៀត មន្ត្រីជំនាញរបស់យើងនៅមានកម្រិត ដែលត្រូវការបណ្តុះបណ្តាលបន្ថែមទៀតដើម្បីរួមចំណែក ក្នុងកិច្ចគាំពារបរិស្ថាន ការអភិរក្សជីវៈចំរុះ និង ការរស់នៅប្រកបដោយចិរភាព ស្របតាមចក្ខុវិស័យ របស់ក្រសួងបរិស្ថាន ក្រោមការដឹកនាំរបស់ឯកឧត្តមសាយ សំអាល់ រដ្ឋមន្ត្រីក្រសួងបរិស្ថាន។
.វគ្គបណ្តុះបណ្តាលនេះមានមេរៀនសំខាន់ៗចំនួន ៥ មេរៀន។
មេរៀនទី១ គឺរៀនអំពីទ្រឹស្តីការអនុវត្តន៍ ឈរគោរព មានរយៈពេល២ថ្ងៃ -ទី២ ច្បាប់ស្តីពីការគ្រប់គ្រងអាវុធ និងគ្រាប់រំសេវ និង ការយល់ដឹងរួមអំពីអាវុធ AK 47 និង កាយវិការបាញ់គ្រាប់ពិត ។ មេរៀនទី ៣ រៀនអំពីក្រមនីតិវិធីព្រហ្មទណ្ឌ និង តួនាទីជាមន្ត្រីនគរបាលយុត្តិធម៌ ។ មេរៀនទី៤ ការចុះអនុវត្តល្បាតជាក់ស្តែង រយៈពេល១ថ្ងៃ នៅតំបន់ការពារធម្មជាតិ និង មេរៀនទី៥ គឺការអនុវត្តកាយវិការបាញ់អាវុធ AK ៤៧ និង ដោយបាញ់គ្រាប់ពិត ដោយសាស្ត្រាចារ្យ នៅទីបញ្ជាការតំបន់សឹករងខេត្ត ។
.ថ្លែង ក្នុងឪកាសនោះ លោក យន្ត មីន អភិបាលខេត្តបានស្នើរប្រជាពលរដ្ឋ ទាំងអស់មេត្តារួមគ្នា ការពារនូវដែនអភិរក្សព្រៃឈើជាពិសេសការពារដែនព្រៃអភិរក្សតំបន់ក្បាលឆាយនេះអោយបានជាដាច់ខាតព្រោះ តំបន់ក្បាលឆាយ គឺជាប្រភពតែមួយគត់ដែលបានផ្គត់ផ្គង់ទឹកស្អាតដល់ប្រជាពលរដ្ឋ និង ភ្ញៀវទេសចរណ៏នៅក្នុងខេត្តព្រះសីហនុ ។អាជ្ញាធរខេត្តប្រឆាំងដាច់ខាត នឹង មិនអត់អោយឡើយចំពោះ អ្នកមានអំណាច កំពុងកាប់ទន្ទ្រាន និង សាងសង់សំណង់គ្រប់ប្រភេទនៅក្នុងតំបន់នេះ អាជ្ញាធរខេត្តនឹងអនុវត្តន៏ទៅតាមផ្លូវច្បាប់ ដោយមិនលើកលែងទោសឡើយចំពោះជនណាដែលកំពុងធ្វើសកម្មភាពផ្ទុយពីការណែនាំរបស់អាជ្ញាធរខេត្តព្រះសីហនុ ហើយចំពោះដីតំបន់បឹងព្រែកទប់ក៍ដូចគ្នា គឺធ្វើយ៉ាងណាការពារឲ្យបានដើម្បីរក្សាទុកជាសម្បត្តិ រដ្ឋប្រយោជន៍សំរាប់ប្រជាពលរដ្ឋទូទៅ៕
