កំពង់ធំ=នៅព្រឹកថ្ងៃទី១៦ខែមីនាឆ្នាំ២០១៦នេះ ក្រុមអាជីវករផ្សារស្ទឹងសែន ក្រុងស្ទឹងសែន ខេត្តកំពង់ធំបាននាំគ្នាប្រមាណជាង១០០នាក់មកឡើងតវ៉ានៅសាលាខេត្ត ដោយស្នើសុំឲ្យមន្ត្រីពន្ធដាខេត្តកំពង់ធំ កុំតម្លើងថ្លៃលើការទាពន្ធ និងប៉ាតង់ ហួសហេតុលើសពីគោលការណ៏ឆ្នាំមុន
យោងតាមការស្នើសុំរបស់តំណាងក្រុមអាជីវករផ្សារម្នា្កក់ឈ្មោះស្រី ធីតា បានលើកឡើងថាកាលពីដើមឆ្នាំ២០១៦កន្លងទៅនេះ មានមន្ត្រីពន្ធដាខេត្តបានចុះទៅយកពន្ធពីអាជីវករ ខ្នាតតូចក្នុង១តូប៧០០០០រៀល(៧ម៉ឺនរៀល)ក្នុង១ខែ ខណៈដែលឆ្នាំមុនៗខាងពន្ធដាយកពន្ធតែ១៥០០០រៀល ចុះហេតុអ្វីឆ្នាំ២០១៦នេះពួកគាត់បានទាលុយលើសកំណត់ដល់៧ម៉ឺនរៀលហើយថែមទាំង កោះហៅក្រុមអាជីវករ ទៅប្រជុំតែ៣ទៅ៤នាក់ស្ងាត់ ធ្វើឲ្យពួកគាត់ភ័យខ្លាច ក៏នាំគ្នាមកតវ៉ាដល់សាលាខេត្តកំពង់ធំតែម្តង ក្នុងនោះក៏មានអាជីវករ ៧នាក់ផ្សេងទៀតនបានឡើងសួរសំនួរពាក់ព័ន្ធនិងរឿងពន្ធដាឡើងថ្លៃនេះ លោកជឹមសុវណ្ណឆ្លើយថា ទី១ មន្ដ្រីរបស់ខ្លួនអនុវត្តន៍ខុស ហើយត្រូវបានអោយអាជីវករដែលបានបង់លុយរួចចំនួន៣នាក់ទៅយកលុយ៧ម៉ឺនរៀលមកវិញ ទី២ បានជាគាត់ហៅអាជីវករម្ដង៣ទៅ៤នាក់ទៅសួរនាំគឺគាត់ហៅ១០ទៅ២០នាក់តែអាជីវករពុំព្រមទៅហើយម្យ៉ាងកន្លែងធ្វើការគាត់តូចចង្អៀត ទី៣ អាជីវករមិនអាចបង់តាមរបៀបម៉ៅការណ៍បានទេដូចឆ្នាំមុនទេព្រោះអាចបាត់បងថវិការរដ្ន។
លោក ជឹម សុវណ្ណ ប្រធានសាខាពន្ធដាខេត្តកំពង់ធំបានជំរាបពីច្បាប់ពន្ធដាប្រាប់ដល់អាជីវករថា ការអនុវត្តន៍ច្បាប់ពន្ធដានេះក្នុងគោលការរបស់ច្បាប់ ពន្ធតូច ចាប់ពី២៥០លានក្នុង១ឆ្នាំ ពន្ធមធ្យម ២៥០លានដល់៧០០លានក្នុង១ឆ្នាំ ពន្ធធំ ចាប់៧០០លានដល់១ម៉ឺនលានក្នុង១ឆ្នាំ ដូច្នេះបើអាជីវករណាដែលលក់ដូរមានប្រាក់ចំនូលទាបមិនដល់២៥០លានក្នុង១ឆ្នាំទេគឺពុំជាប់ពន្ធទេ រដ្នក៏ពុំបានអោយអាជីវករទាំងនោះបង់ពន្ធជូនរដ្នដែរ ក្នុងនោះក៏មានការលើកលេងពន្ធដានៅក្នុងផ្សារ ដូចជាពន្ធប៉ាតង់ ពន្ធតូប គឺត្រូវបានលើកលែងពុំយកពន្ធទាំងអស់ តែចំពោះការលក់ដូរនៅតាមហាង តាមផ្ទះល្វែង ដែលមានចំនូលចាប់ពី២៥០លានឡើងទៅក្នុង១ឆ្នាំគឺត្រូវបង់ពន្ធដាចំនួន១០%ជូនរដ្ឋ ក្នុងនោះខាងពន្ធដាតំរូវអោយអាជីវករលក់របស់របរអោយអ្នកប្រើប្រាស់ក្នុងតំលៃដែលបង់ពន្ធរួចងាយស្រួលដក់ពន្ធបង់ជូនរដ្ឋ គឺគិតពន្ធ គិតថ្លៃដើម គិតថ្លៃចំណេញ អោយស្រេចមុននិងលក់ជូនអតិភិជនយកទៅប្រើប្រាស់។
ឯកឧត្តម អ៊ុតសំអន អភិបាល ខេត្តកំពង់ធំ បានមានប្រសាសន៏ថា អាជីវករខ្នាតតូចទាំងអស់នៅក្នុងផ្សារស្ទឹងសែន គឺមិនត្រូវបង់ពន្ធឬប៉ាតង់ទៀតទេ លុះតែក្រុមអាជីវករខ្នាតមធ្យមមានប្រាក់ចំណូលប្រចាំថ្ងៃចាប់ពី៧០ម៉ឺនរៀលឡើងទៅក្នុង១ថ្ងៃ! ម្យ៉ាងវិញទៀតការស្នើសុំរបស់អាជីវករថាសូមឲ្យខាងពន្ធដា យកគោលការណ៏ចាស់លក្ខណៈពន្ធម៉ៅការដូចឆ្នាំមុនៗនោះមេពន្ធដាខេត្តកំពង់ធំ បានដាក់សំណើរនេះចូលក្រសួងហើយ សម្រេចយ៉ាងណានោះ ត្រូវរង់ចាំពេលក្រោយ! ហើយជាពិសេសជាងនេះទៀកតនោះ គឺសូមអាជីវករផ្សារស្ទឹងសែនទាំង សុំអោយអាជីវករក្នុងផ្សារកំពង់ធំទាំងអស់គ្នាចូលរួមប្រជុំស្ដីច្បាប់ពន្ធដាឆ្នាំ២០១៦នេះនៅសាខាពន្ធដាខេត្តថ្ងៃទី១៨ខែមិនាឆ្នាំ២០១៦ខាងមុខនេះទាំងអស់គ្នាកុំខកខានដើម្បីអោយយល់ពីរបៀបរបរនៃការបង់ពន្ធកុំអោយយល់ច្រលំនាំអោយមានការតវ៉ាដ៏ចំរុះចំរះបែបនេះ៕ប៊ុន រិទ្ធី
