សៀមរាប៖កម្លាំងនគរបាលមូលដ្ឋានសហការជាមួយកម្លាំងនគរបាលក្រុងធ្វើការក្របួចជាប់បានក្រុមក្មេងទំនើងចំនួន៨នាក់ ខណះពួកគេកំពុងជិះម៉ូតូមានកាន់កាំបិតខ្វែវក្នុងដៃចំនួន៥ដើម ទំនងជាទៅធ្វើសកម្មភាព ជាមួយក្រុមម្ខាងទៀត នៅកន្លែងផ្សេង ហេតុការណ៍នេះកើតឡើងនៅយប់ថ្ងៃទី១៥ខែមិនាឆ្នាំ២០១៦នៅចំណុចរង្វង់មូលវត្តដំណាក់ក្បែរក្លិប យីហោ ហ្សិប ហប ក្នុងភូមិវត្តដំណាក់ សង្កាត់សាលាកំរើក ក្រុងសៀមរាប។
បើតាមសម្តីពីមន្ត្រីប៉ូលិសមូលដ្ឋានបានឱ្យដឹងនៅរសៀលថ្ងៃទី១៦ខែមិនានេះថា៖យោងតាមការណែនាំយ៉ាងយកចិត្តទុកដាក់ពីលោកឧត្តមសេនីយ៍ទោ សតណាឌី ស្នងការនៃស្នងការដ្ឋាននគរបាលខេត្តសៀមរាបបានឱ្យដឹងថា លោកអធិការនៃអធិការដ្ឋាននគរបាលក្រុង
សៀមរាបនិងកំលាំងនគរបាលប៉ុស្តិ៍រដ្ឋបាលសង្កាត់សាលាកំរើកដឹកនាំដោយលោកអធិការរងទទួលបន្ទុកព្រហ្មទណ្ឌនៃអធិការដ្ឋាននគរបាលក្រុងសៀមរាប ដោយមានកិច្ចសហការណ៍យ៉ាងល្អពីកំលាំងនគរបាលការិយាល័យអន្តរាគមន៍ កំលាំងនគរបាលការិយាល័យព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តសៀមរាបចុះបង្ក្រាប់នៅចំនុចរង្វង់មូលភូមិវត្តដំណាក់សង្កាត់សាលាកំរើកនៅវេលាម៉ោង៣និង០០នាទីទាបភ្លឺថ្ងៃទី១៤ខែមិនាឈានចូលថ្ងៃទី១៥ខែមិនាឆ្នាំ២០១៦ បានបើកប្រត្តិបត្តការណ៍ បង្ក្រាបនឹងឃាត់ខ្លួនបានក្រុមក្មេងទំនើងចំនួន០៨នាក់ជិះម៉ូតូចំនួន០២គ្រឿងមានកាំបិតខ្វែវក្នុងដៃចំនួន០៥ដើម សង្ស័យជាប់ពាក់ពន្ធ័ ប្រើប្រាស់ថ្នាំញៀនខុសច្បាប់បំរ៉ុងប្រព្រឹត្តបទល្មើសផ្សេងៗ រួចបានបញ្ចូនទៅសាកសួរនៅការិយាល័យជំនាញ។
ជនសង្ស័យ(ក្មេងទំនើងទាំង៨នាក់)មាន៖ទី១/ឈ្មោះ សយ សុហេង ភេទប្រុសអាយុ២១ឆ្នាំ ទី២/ ឈ្មោះគង់ សុភ័ក្ត្រ ភេទប្រុស អាយុ១៨ឆ្នាំ ទី៣/ ឈ្មោះដួង ថេន ភេទ ប្រុស អាយុ២៧ឆ្នាំ ទី៤ /ឈ្មោះ សឿម សំ ភេទ ប្រុស អាយុ២១ឆ្នាំ ទី៥/ ឈ្មោះ សិុន សំខាន់ ភេទប្រុសអាយុ១៩ឆ្នាំ ទី៦/ ឈ្មោះ សួរ សុភារី ភេទប្រុស អាយុ២១ឆ្នាំទី៧/ ឈ្មោះអាត សុណាត ភេទប្រុស អាយុ១៨ឆ្នាំ ទី៨/ ឈ្មោះ នឹង ណារិត ភេទប្រុស អាយុ១៩ឆ្នាំ ។
វត្ថុតាងដកហូតបានម៉ូតូចំនួន០២គ្រឿង-កាំបិតខ្វែងចំនួន ០៥ដើម ក្រោយពីធ្វើការឃាត់ខ្លួននិងពិនិត្យស្វែងរកសារធាតុញៀនជនសង្ស័យទាំង០៨នាក់ ជាក្មេងទំនើងនឹងវត្ថុតាងត្រូវបានកម្លាំងជំនាញកសាងសំណុំរឿងបញ្ជូនជនសង្ស័យនឹងវត្ថុតាងទៅតុលាការ ដើម្បីចាត់ការបន្តតាមនិតិវិធីច្បាប់។
គួរបញ្ជាក់ផងដែរថា ក្រោយពីបញ្ជូនជនសង្ស័យទាំង៨នាក់ទៅដល់តុលាការខេត្តរួចមក(ក្នុងនោះ៤នាក់ ជាយោធា ត្រូវបាន មេសុំដោះលែងឱ្យត្រឡប់ទៅកន្លែងវិញ។ចំណែកជនសង្ស័យ៤នាក់ទៀត ត្រូវបានតុលាការ ឱ្យសមត្ថកិច្ចយកទៅមណ្ឌលកែប្រែដើម្បីបន្សាបនូវសារធាតុញៀន។
មជ្ឈដ្ឋាននានាបាននាំគ្នាខ្សិបតៗគ្នាថា ចំពោះអ្នកអត់លុយ គ្រាន់តែប្រើប្រាស់នូវសារធាតុញៀន ឬអត់មានជាប់ពាក់ព័ន្ធនូវសារធាតុញៀន ដែលសមត្ថកិច្ចឃាត់ខ្លួនបាន ហើយនាំយកមកតុលាការនោះ មិនដែលមានពីណាម្នាក់រួចខ្លួនទេ មានតែយកទៅដាក់គុក ហើយបើអ្នកទាំងនោះមានមេធាវីការពារក្តីក៏ យ៉ាងតិចក៏៣ទៅ៦ខែដែរ ទើបបានរួចខ្លួនបានជួបប្រពន្ធកូននឹងគេ នេះគឺជាសិទ្ធរបស់លោកតុលាការ៕
