ខេត្តកំពង់ឆ្នាំង ៖ ប្រជាពលរដ្ឋជាឪពុកម្តាយ របស់ពលការី៣នាក់ ដែលបានទៅធ្វើការនៅប្រទេសម៉ាឡេស៊ី នៅព្រឹកថ្ងៃទី១៦ ខែមិនា ឆ្នាំ២០១៦ បានមកកាន់មន្ទីរកិច្ចការនារីខេត្ត និងបន្ទាប់មកបានទៅកាន់ស្នងការដ្ឋាននគរបាលខេត្ត ដើម្បីសុំកិច្ចអន្តរាគមន៍ រឿងកូនៗពួកគាត់ធ្វើការនៅប្រទេសម៉ាឡេស៊ី ត្រូវប៉ូលីសម៉ាឡេស៊ីចាប់ខ្លួន សុំអោយជួយរំដោះកូនគាត់មកកាន់ប្រទេសកម្ពុជាវិញ ។ ស្ត្រីជាម្តាយពលការនី មានឈ្មោះ ហេង ទូច អាយុ៥០ឆ្នាំ , ឈ្មោះ ស ខឿន អាយុ៥៥ឆ្នាំ និងឈ្មោះ ម៉ៅ ណាន អាយុ៤២ឆ្នាំ ទាំងអស់គ្នាមានទីលំនៅ ភូមិតាម៉ុលក្រោម ឃុំកោះថ្កូវស្រុកជលគីរី បានអោយដឹងថា៖ កូនស្រីពួកមាន១ឈ្មោះ សូត្រ សុខនៅ អាយុ១៩ឆ្នាំ ,២ឈ្មោះ ហួត សារ៉ែន អាយុ១៩ឆ្នាំ និង៣ឈ្មោះផា ស៊ីនី អាយុ២១ ឆ្នាំ ត្រូវបានក្រុមហ៊ុនឈ្មោះ អេភី ធីអេសអ៊ី ស៊ីខេមបូឌា រីសតថ៍ខូអិលធីឌី (ចំការដូងរាជធានីភ្នំពេញ) អោយទៅរៀនសូត្រមុនចាកចេញ នៅចុងឆ្នាំ២០១៤ និងបានឡើងយន្តហោះទៅប្រទេសម៉ាឡេស៊ី នៅខែឧសភា ឆ្នាំ២០១៥ ។ ចាប់តាំងពីចាកចេញជិត១ឆ្នាំកូនស្រីពួកគាត់មិនដែលផ្ញើលុយកាក់មកទេ ។ កូនពួកគាត់ធ្លាប់ទូរសព្ទ័មកប្រាប់ថា៖ គេបានអោយធ្វើការជាក្រុម(ឃ្លីនសឺវីស) សំអាតតាមផ្ទះគ្រប់ទីកន្លែង តាំងពីម៉ោង៥ព្រឹក រហូតដល់ម៉ោង១១ ទើបសម្រាកហូបបាយ ម៉ោង១ចូលធ្វើការវិញ ដល់ម៉ោង៥ល្ងាចចេញ ហូបបាយ ហើយចូលវិញម៉ោង៧យប់ រហូតដល់ម៉ោង១០យប់ទើបត្រឡប់ចូលផ្ទះវិញ ដោយក្រុមហ៊ុនប្រាប់ថាបានប្រាក់ខែ៥៥០ដុល្លា តែមិនដែលឃើញបើកឡើយ។
ឪពុកម្តាយ ពលករប្រទេសម៉ាឡេស៊ីទាំងនោះបានបន្តថា៖ ស្រាប់តែនៅថ្ងៃទី ១៦ ខែមករា ឆ្នាំ២០ ១៦ កូនៗពួកគាត់បានទូរស័ព្ទមកប្រាប់ថា ពួកនាងត្រូវប៉ូលីចាប់ខ្លួនហើយ សូមអោយជួយពួកនាងផង
ហើយតាំងពីនោះមក ទូរសព្ទ័ទំនាក់ទំនងលែងបានរហូតតែម្តង ។ ពួកគាត់បានលើកដៃសំពះ សូមអោយស្ថាប័នពាក់ពន្ឋ័ ពិសេស សម្តេចហ៊ុន សែនជាប្រមុខ រជរដ្ឋាភិបាលមេត្តាជួយសង្គ្រោះកូនៗពួកគាត់អោយបានត្រឡប់មកស្រុកខ្មែរវិញផង។
ក្នុងរឿងខាងលើនេះ ដែរ លោក កេត យ៉ុង នាយការិយាល័យ ប្រឆាំងការជួញដុរមនុស្ស និងការ
ពារអានីតិជន នៃស្នងការដ្ឋាននគរបាលខេត្តកំពង់ឆ្នាំងបានអោយដឹងថា៖ លោកបានដឹងថា ក្រុមហ៊ុននាំពលករទៅប្រទេសម៉ាឡេស៊ីខាងលើ មានបញ្ហាត្រូវឡើងតុលាការ ទើបខាងសមត្ថកិច្ចគេ ឃាត់ពលករខាងលើ ទុកធ្វើសាក្សីនៅពេលសវនាការនៅប្រទេម៉ាឡេស៊ី ។ ប៉ុន្តែទោះយ៉ាងនេះក្តី ខាងនាយកដ្ឋានលោកមិនជឿនោះទេ ព្រោះបើត្រឹម ឃាត់ទុកធ្វើសាក្សី ហេតុអីសាច់ញាត្តិនៅស្រុកខែ្មរ ទំនាក់ទំនងមិនបាន ហើយរឿងនេះខាងនាយកដ្ឋានលោកកំពុងទាក់ទងទៅស្ថានទូតខ្មែរនៅប្រទេសម៉ាឡេស៊ីអោយជួយស្រាវជ្រាវនិងជួយដោះស្រាយក្នុងរឿងនេះ ៕
