ខេត្តកំពង់ឆ្នាំង៖លោកជំទាវ កែ ច័ន្ទមុនី ប្រធានកិតិ្តយសសមាគមនារីកម្ពុជាដើម្បីសន្តិភាពនិងអភិវឌ្ឍន៍ខេត្តកំពង់ឆ្នាំងនិងជាអ្នកតំណាងរាស្ត្រគណបក្សប្រជាជនកម្ពុជា មណ្ឌលកំពង់ឆ្នាំងនៅព្រឹកថៃ្ងទី១៦ ខែមីនា ឆ្នាំ២០១៦ប្រតិភូសមាគមនារីកម្ពុជាដើម្បីសន្តិភាពនិងអភិវឌ្ឍន៍ និងក្រុមការងារមាន លោកជំទាវ ប៉ាល់ យឿនអភិបាលរងខេត្ត ស.ស.យ.កខេត្ត មន្ទីរសង្គមកិច្ចខេត្ត មន្ទីរកិច្ចការនារីខេត្ត ,លោកអភិបាលស្រុករលាប្អៀរចុះសាកសួរសុខទុក្ខនាំយកអំណោយថវិកានិងគ្រឿងឧបភោគបរិភោគឧបត្ថម្ភជូនស្ត្រីមេម៉ាយក្រីក្រគ្មានទីពឹងចិ ញ្ចឹមកូន២នាក់ប្រកបមុខរបបឡើងត្នោត ដល់លំនៅដ្ឋានស្ថិតក្នុងភូមិព្រះរាមរង្ស៊ី ឃុំជ្រៃបាក់ ស្រុករលាប្អៀរ។
លោក សោម វឺន អភិបាលស្រុករលាប្អៀរបានអោយដឹងថា៖អំណោយនិងថវិកាដែលលោកជំទាវ កែច័ន្ទមុនី និងប្រតិភូ ក្រុមការងារខេត្ត និងសប្បុរសជនបានឧបត្ថម្ភដល់ស្ត្រីមេម៉ាយក្រក្រីឈ្មោះ ញ៉ឹក ចំរើន អាយុ៣៣ឆ្នាំ ចិញ្ចឹមកូន២នាក់ មានមុខរបបឡើងត្នោតរស់នៅភូមិព្រះរាមរង្ស៊ី ឃុំជ្រៃបាក់ ស្រុករលាប្អៀរ ថៃ្ងនេះរួមមានថវិកា ៦៥០.០០០រៀល,អង្ករ១០៥គីឡូក្រាម,មី៥កេស,សារ៉ុង,ខោអាវ,ឃីតនិងគ្រឿងឧបភោគបរិភោគមួយចំនួនទៀត។លោកសោមវឺនបានបន្តទៀតថាៈកន្លងមកអាជ្ញាធរមូលដ្ឋាននិងស្ថាបន័ក្នុងស្រុកក៏ធ្លាប់បានជួយឧបត្ថម្ភដល់ស្ត្រីរូបនេះផងដែរ។
នៅក្នុងឱកាសនោះលោកជំទាវ កែ ច័ន្ទមុនី បានពាំនាំនូវប្រសាសន៍ផ្តាំផ្ញើ សាកសួរសុខទុក្ខពីសំណាក់អគ្គមហាសេនាពញាចក្រីហេងសំរិនប្រធានរដ្ឋសភា,សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រី,សម្តេចកិត្តិព្រឹទ្ធបណ្ឌិត ប៊ុនរ៉ានីហ៊ុនសែន ប្រធានកាកបាទក្រហមកម្ពុជា និងលោកជំទាវ ម៉ែន សំអនឧបនាយករដ្ឋមន្ត្រីរដ្ឋមន្ត្រីក្រសួងទំនាក់រដ្ឋសភាព្រឹទ្ធសភានិងអធិការកិច្ចនិងជាប្រធានគណៈកម្មាធិការកណ្តាលសមាគមនារីកម្ពុជាដើម្បីសន្តិភាពនិងអភិវឌ្ឍន៍ដែលកន្លងមកសម្តេចនិ ងលោកជំទាវតែងតែនឹករលឹក គិតគូរពីសុខទុក្ខ របស់ប្រជាពលរដ្ឋ នៅគ្រប់ទីកន្លែងនៅពេលដែលមានទុក្ខលំបាក គឺសម្តេចនិងលោកជំទាវតែងផ្តល់ជូននូវអំណោយនិងថវិកាជូនបងប្អូនគ្រប់ៗគ្នាទាំងអស់ ដោយមិនប្រកាន់ពូជសាសន៍ និងនិន្នាការនយោ បាយអ្វីនោះឡើយ។
លោកជំទាវ កែ ច័ន្ទមុនី បានបន្តទៀតថា៖ទោះបីថវិកានេះវាតិចតួចពិតមែនតែវាអាចជួយដោះស្រាយការលំបាករបស់ប្អូនស្រី ញ៉ឹក ចំរើន បានមួយគ្រាផងដែរ។លោកជំទាវក៏បានផ្តាំផ្ញើប្អូនស្រី ញ៉ឹក ចំរើន ខិតខំថែរក្សាសុខភាពដោយរស់នៅស្អាតហូបស្អាតផឹកស្អាត ហើយលោកជំទាវក៏បានសំណូមពរអោយប្អូនស្រីឈប់ប្រកបមុខរបបឡើងត្នោតនេះទៅ ព្រោះវាអាចមានគ្រោះថ្នាក់គ្រប់ពេលវេលាចាប់,ពីថៃ្ងនេះទៅលោកជំទាវបានសុំអោយប្អូនរកមុខរបបផ្សេងៗ ដើម្បីចិញ្ចឹមជីវិតវិញដោយមិនព្រួយបារម្មណ៍ពីគ្រោះថ្នាក់ចំពោះខ្លួន។
ប្អូនស្រី ញ៉ឹក ចំរើន និងអាជ្ញាធរដែនដី បានថ្លែងអំណរគុណយ៉ាងជ្រៀលជ្រៅដល់ថ្នាក់ដឹកនាំ មាន សម្តេច លោកជំទាវ សប្បុរសជន និងប្រតិភូទាំងអស់ដែលបានជួយឧបត្ថម្ភ សំរាលការលំបាករបស់នាង និងសូមគោរពជួនពរដល់សម្តេច លោកជំទាវ និងសប្បុរសជនសូមទទួលបានជ័យជំនះឈ្នះមារសត្រូវគ្រប់ទិសទី ដើម្បីដឹកនាំប្រទេសជាតិប្រកបដោយសុខសន្តិភាព និងភាពសម្បូរសប្បាយរុងរឿងរហូតតទៅអនាគត៕
