ភ្នំពេញ៖នាព្រឹក ថ្ងៃទី ១៦ ខែ មិនា ឆ្នាំ ២០១៦ ម្សិលមិញ នេះ ចៅសង្កាត់រងព្រែកលៀប លោក ជ័យ សាម៉េត ទទួល បានថវិការចំនួនមួយលានរៀលពីក្រុមយុវជនសង្កាត់ព្រែកលៀប ខណ្ឌជ្រោយចង្វារ ដែលជាតំណាងរបស់លោក ឃ្លាំង ហួត អភិបាលនៃគណអភិបាលខណ្ឌជ្រោយចង្វារ ដែល បានសន្យាជួយឧបត្ថម្ភជាថវិការចំពោះ លោក ជ័យ សាម៉េត ចំនួនមួយលានរៀល ជារៀងរាល់ខែដើម្បីទិញថ្នាំព្យាបាល និងដើម្បីជួយសម្រាលនូវទុកលំបាកផ្សេងៗមួយចំនួនបន្ទាប់ពីលោកចៅសង្កាត់រងព្រែកលៀបរូបនោះមានជំងឺប្រចាំកាយនិងបានធ្លាក់ខ្លួនឈឺជាទម្ងន់ធ្វើការលែងបាន ។
គួរបញ្ជាក់ផងដែរថា ក្រុមយុវជនសង្កាត់ព្រែកលៀប ខណ្ឌ ជ្រោយចង្វារ ដែលបានពាំនាំនូវថវិការចំនួនមួយលានរៀល មកផ្ដល់ជូនលោក ជ័យ សាម៉េត ចៅសង្កាត់រងព្រែកលៀប រួមមានលោកស្រី ឈ្នាង ផាន់ណារី លោក ចក់ ចន លោកជីវ សុធី តំណាងលោកព្រាប មុនី ចៅសង្កាត់ព្រែកលៀប តំណាងឲ្យលោកអភិបាលខណ្ឌជ្រោយចង្វារ ឃ្លាំង ហួត។
សូមបញ្ជាក់ថា លោក ឃ្លាំង ហួត អភិបាលនៃគណអភិ បាលខណ្ឌជ្រោយចង្វារ ដោយការអាណិតអាសូរដល់មន្ត្រី ក្រោមឱវាត ដែលបានខិតខំប្រឹងប្រែងបំពេញភារកិច្ចរហូត ធ្លាក់ខ្លួនឈឺទាំងខ្លួនមានជុំងឺប្រចាំកាយផងនោះ រហូតបំ ពេញភារកិច្ចលែងបាន លោកអភិបាល បានសន្យាជួយ ឧបត្ថម្ភជាថវិការចំពោះលោកចៅសង្កាត់រងព្រែកលៀបចំនួនមួយលានរៀលជារៀងរាល់ខែផងដែរ ៕ហាស់ កំសាន្ដ
