ភ្នំពេញ៖ រថយន្តកូរូឡាមួយគ្រឿងដែលបើកបរដោយយុវជនម្នាក់ក្នុងស្ថានភាពស្រវឹងស្រា បានបួង ចង្កូតលឿនពេកក៏ជ្រុលរបងផ្ទះនិងបង្គោលស្លាកប៉ាណូរបស់ប្រជាពលដ្ឋ ពេញទំហឹងបណ្ដាលឲ្យបាក់និងខ្ទេចរងការខូចខាតយ៉ាងដំណំ។ ហេតុការណ៍នេះបានកើតឡើងកាលពីវេលាម៉ោង៩និង៣០ នាទីយប់ថ្ងៃទី១៨ខែឧសភាឆ្នាំ២០១៤ នៅចំណុចមុខហាង លក់បាយគឹមហួយ តាមបណ្ដោយផ្លូវជាតិលេខ៥៩៨ ស្ថិតក្នុងសង្កាត់បឹងកក់១ ខណ្ឌទួលគោក ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តមួយគ្រឿងម៉ាកកូរូឡា ពណ៌ឈាមជ្រូក ពាក់ស្លាកលេខ ភ្នំពេញ 2G-1317 ដែលបើកបរដោយយុវជនម្នាក់ បានធ្វើដំណើរតាមបណ្ដោយផ្លូវជាតិលេខ៥៩៨ ក្នុងទិសដៅពីជើងទៅត្បូង ខណៈមកដល់ចំណុចកើតហេតុព្រោះតែរថយន្តនេះបានបើកបរលឿនពេកក៏បណ្ដាលឲ្យ
ទាញចង្កួតជ្រុលទៅបុកនិងរបងផ្ទះនិងបង្គោលស្លាកប៉ាណូ មួយដើមរបស់ប្រជាពលរដ្ឋបណ្តាលឲ្យរងខូចខាតយ៉ាងដំណំហើយចំណែកអ្នកបើកបរ រថយន្ត មិនមានរងរបួសឡើយគឺនៅអង្គុយនៅក្នុងរថយន្តព្រោះខ្លាចប្រជាពលរដ្ឋវាយរូបគេ ខណៈនោះទាល់តែសមត្ថកិច្ចមកដល់ទើបបុរសនោះចុះពីរថយន្តដែលខ្លួនបើកបង្កទៅតាមសមត្ថកិច្ចផងដែរ។
គួរបញ្ជាក់ថាបន្ទាប់ពីមានហេតុការណ៍នេះសមត្ថកិច្ចមូលដ្ឋាននឹងនគរបាលចរាចរណ៍ខណ្ឌទួលគោក បានសហការជាមួយនគរបាលជំនាញចុះធ្វើការវាស់វែងស្ទូចយករថយន្តបង្កហេតុទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញរង់ចាំដោះស្រាយតាមផ្លូវច្បាប់ ។
ហើយអត្តសញ្ញាណអ្នក បើកបរ រថយន្តបង្កសមត្ថកិច្ចនៅមិនទាន់អាចបញ្ជាក់បាននៅឡើយទេ ។ប៉ុន្តែហេតុការណ៍គ្រោះថ្នាក់នេះសមត្ថកិច្ចបានឱ្យដឹងថា បង្កឡើងដោយសារអ្នកបើកបររថយន្តបង្កស្រវឹងស្រា រួមទាំងបើករថយន្តលឿនទៀត ទើបដល់ចំណុចកើតហេតុទល់ស្មារតីមិនបានក៏រេចង្កូតទៅបុករបងផ្ទះនិងបង្គោលស្លាកប៉ាណូយ៉ាងកំម្រោលតែម្តងទៅ៕
