បន្ទាយមាជ័យ: គ្រួសារជនរងគ្រោះដោយខ្យល់ព្យុះកន្ត្រាក់៦២គ្រួសារ នៅស្រុកម៉ាឡៃ ត្រូវបានទទួល អំណោយមនុស្សធម័ ជាគ្រឿងឧបភោគបរិភោគ ស័ង្កសី ជួសជុលនិង សាងសង់ជូននាថ្ងៃទី១៩មីនា ២០១៦។វត្តមានចុុះសួរសុខទុក្ខគ្រួសារជនរងគ្រោះដោយខ្យល់ព្យុះកន្ត្រាក់៦២គ្រួសារមានឯកឧត្ដម ប៉ាល់ សំអឿន លោកជំទាវ នួម សុភ័ណ អ្នកតំណាងរាស្ត្រមណ្ឌុលបន្ទាយមានជ័យ លោក សួន បវរ អភិបាលរងខេត្តមន្ទីរ អង្គភាពជុំវិញខេត្តនិងសប្បរស់ជនមានវត្តមានក្នុងជុំនួបនេះ។
លោក អែម សុខា អភិបាលស្រុកម៉ាឡៃនិយាយថា: នៅថ្ងៃទី១១ មីនាខ្យល់កន្ទ្រាក់លាយឡំរលកកំដៅ និងភ្លៀងកក់ខែនៅចន្លោះម៉ោង ៦ទៅ៧ នោះបង្ករប៉ះពាល់ខូចខាតផ្ទះពលរដ្ឋសរុប៦២ ខ្នងផ្ទះ ក្នុងនោះឃុំបឹងបេងខូចខាត ២៦ ខ្នងផ្ទះហើយខូចខាតទាំងស្រុង ៦ខ្នងផ្ទះ ឃុំទួលពង្រ៥ភូមិ គឺភូមិអូរអំពិល ភូមិទួលប្រាសាទ ភូមិសន្តិភាព និងភូមិអូរស្រឡៅជ្រុំ ខូចខាត ៣៥ខ្នងផ្ទះ ឃុំអូសំព័រ១ ខ្នងផ្ទះ និងដំបូលសាលារៀន១ខ្នង។
លោក សួន បវរ អភិបាលរងខេត្តបន្ទាយមានជ័យមានប្រសាសន៍ថា: នេះជាអកុសល្យដែលពលរដ្ឋក្នុងស្រុកម៉ាឡៃ ទទួលរង្គ្រោះដោយខ្យល់ព្យុះកន្ត្រាក់ដំបូងគេ ក្នុងថ្ងៃភ្លៀងកក់ ហើយធ្វើអោយផ្ទះសំបែង រលំបាក់ខូចខាត បាត់បង់ទីជំរកស្នាក់នៅ។
ជាមួយគ្នានេះ អាជ្ញាធរខេត្ត បានសហការជាមួយមន្ទីរអង្គភាពជុំវិញខេត្ត សប្បរស់ជននាំ អំណោយសប្បរសធម៍ចែកជូនពលរដ្ឋនាពេលនេះរួមមាន: សង្កសី ១២សន្លឹកអង្ករ៥០ គីឡូក្រាម គីតមួយកញ្ចប់ ទឹកត្រីទឹកស៊ីអ៊ីវ ក្នុង១ខ្នងផ្ទះ សម្រាប់ដោះស្រាយជីវភាពបណ្ដោះអាសន្ត៕ដោយ:ឃិន គន្ធា
