បន្ទាយមានជ័យ: គ្រោះរាំងស្ងួតវែងអន្លាយ ចាប់ចុងឆ្នាំ២០១៥ រហូតដល់ខែកក្តដាឆ្នាំ២០១៦ ទើបមានភ្លៀងកក់ខែ ដែលនាំមករលកកំដៅ និងខ្យល់ព្យុះកន្ត្រាក់ កង្វះទឹកបរិភោគប្រើប្រាស់និងស្រោចស្រពកសិផលពលរដ្ឋ ជាបញ្ហាចំបង និងជាគ្រោះធម្មជាតិដែលនិងអាចកើនមានឡើង ប៉ះដល់ជីវភាពរស់នៅប្រចាំថ្ងៃ ដូច្នេះពលរដ្ឋនិងអជ្ញាធម៏ត្រូវត្រៀមលក្ខណះ ដើម្បីទប់ទល់និងបញ្ហារដែលកើតឡើងជាយថាហេតុទាំងនេះ នេះតាមការលើកឡើងរបស់ឯកឧត្ដមគោស៊ុសារឿត អភិបាលនៃគណ:អភិបាលខេត្តបន្ទាយមានជ័យ ក្នុងពិធីសម្ពោធ សាលាធម្មសភាវត្តសុវណ្ណសត្ថារាមទានខ័ណ្ឌ ស្ថិតក្នុងឃុំទានកាំ ស្រុកព្រះនេតព្រះនាព្រឹកថ្ងៃទី ២១ មីនា២០១៦។
លោក លី សុវណ្ណរិទ្ធ អភិបាលស្រុកព្រះនេតព្រះ រាយការណ៍ថា: សាលាធម្មសភា ១ខ្នង ស្ថាបនាឡើងពីបេតុង ប្រក់ស័ង្កសី ជាសមិទ្ធផលកើតឡើងពីកម្លាំងសទ្ធារបស់ ឯកឧត្ដម ឧបនាយរដ្ឋមន្ត្រី កែ គឹមយ៉ាន និងពុទ្ធបរិស័ទគ្រប់ទិសទីក្នុងខេត្ត មានបណ្ដោយ ៤០ម ទទឹង២០ម កំពស់១៩ម ហើយបានបញ្ចប់ការសាងសង់រួចជាស្ដាពរ នៅដើមឆ្នាំ២០១៥ ចំណាយថវិការសរុបចំនួន ១៣៤.៧៧០ដុល្លាអាមេរិក ។
ឯកឧត្ដម គោស៊ុ សារឿត អភិបាលខេត្តបន្ទាយមានជ័យមានប្រសាសន៍ថា: ទីអារាមជាថ្នាលអប់រំវិស័យពុទ្ធសាសនា រាល់សមិទ្ធផលដែលកើតឡើង ក្នុងទីអារាមដូចជាសាលាធម្មសភា បានបង្ហាញពីការចូលរួមរបស់ពុទ្ធបរិស័ទ ដើម្បីអោយទីអប់រំនេះមានការអភិវឌ្ឍន៍ឈានឡើងបន្តបន្ទាប់។
ចំពោះភាពរាំងស្ងួត ឯកឧត្ដម គោស៊ុ សារឿតស្នើរអោយអជ្ញាធម៍ និងពលរដ្ឋ ត្រៀមលក្ខណ: រក្សារទឹក ស្ដារស្រះស្ទឹងបឹងត្រពាំង ដែលគោករីង ដើម្បីទុកស្តុបទឹក សម្រាប់ប្រើប្រាស់ និងស្រោចស្រព ដំណាំកសិកម្ម ព្រមទាំងត្រៀមលក្ខណ:គ្រោះធម្មជាតិផ្សេងៗ គោរពច្បាប់ចរាចរណ៍ និងគេចអោយផុតពីគ្រឿងញៀនផងដែរ៕ដោយ: ឃិន គន្ធា
