បន្ទាយមាជ័យ: អំណោយមនុស្សធម័ ជាគ្រឿងឧបភោគបរិភោគ ស័ង្កសី សម្រាប់ជួសជុលនិង សាងសង់ផ្ទះត្រូវបានអ្នកតំណាងរាស្ត្រមណ្ឌុលបន្ទាយមានជ័យមានឯកឧត្ដម ប៉ាល់ សំអឿន លោកជំទាវ នួម សុភ័ណ និងអាជ្ញាធរខេត្តនាំយកប្រគល់ដល់គ្រួសារជនរងគ្រោះដោយខ្យល់ព្យុះកន្ត្រាក់៦២គ្រួសារ នៅស្រុកម៉ាឡៃ កាលពីចងសប្តាហ៍កន្លងទៅនេះ។
លោក អែម សុខា អភិបាលស្រុកម៉ាឡៃនិយាយថា:កាលពីថ្ងៃទី១១ មីនាកន្លងទៅមានខ្យល់កន្ទ្រាក់លាយឡំនិងភ្លៀងកក់ខែនៅចន្លោះម៉ោង ៦ទៅ៧ បង្ករប៉ះពាល់ខូចខាតផ្ទះពលរដ្ឋសរុប៦២ ខ្នងផ្ទះ ក្នុងនោះឃុំបឹងបេងខូចខាត ២៦ ខ្នងផ្ទះហើយខូចខាតទាំងស្រុង ៦ខ្នងផ្ទះ ឃុំទួលពង្រ៥ភូមិ គឺភូមិអូរអំពិល ភូមិទួលប្រាសាទ ភូមិសន្តិភាព និងភូមិអូរស្រឡៅជ្រុំ ខូចខាត ៣៥ខ្នងផ្ទះ ឃុំអូសំព័រ១ ខ្នងផ្ទះ និងដំបូលសាលារៀន១ខ្នង។
លោក សួន បវរ អភិបាលរងខេត្តបន្ទាយមានជ័យមានប្រសាសន៍ថា: នេះជាអកុសល្យដែលពលរដ្ឋក្នុងស្រុកម៉ាឡៃ ទទួលរងគ្រោះដោយខ្យល់ព្យុះកន្ត្រាក់ដំបូងគេ ក្នុងថ្ងៃភ្លៀងកក់ ខែហើយធ្វើអោយផ្ទះសំបែង រលំបាក់ខូចខាត បាត់បង់ទីជំរកស្នាក់នៅទើបអាជ្ញាធរខេត្ត បានសហការជាមួយមន្ទីរអង្គភាពជុំវិញខេត្ត សប្បរស់ជននាំ អំណោយសប្បរសធម៍ចែកជូនពលរដ្ឋនាពេលនេះរួមមាន: ស័ង្កសី ១០០០ សន្លឹក សម្រាប់៦២ខ្នងផ្ទះ អង្ករ៥០ គីឡូក្រាម គីតមួយកញ្ចប់ ទឹកត្រីទឹកស៊ីអ៊ីវ ទទួលក្នុង១ខ្នងផ្ទះ សម្រាប់ដោះស្រាយជីវភាពបណ្ដោះអាសន្ត៕
`
