ឧត្តរមានជ័យ៖.កាលពីវេលាម៉ោង១២និង៣០នាទីថ្ងៃទី២២ ខែមិនា ឆ្នាំ២០១៦ រថយន្តដឹកឈើក្រញូងចំនួន២គ្រឿងត្រូវ បានសមត្ថកិច្ចចម្រុះបង្ក្រាប ដែលជនសង្ស័យចំនួន២នាក់ ធ្វើសកម្មភាពដឹកបទល្មើសឈើក្រញូង មកដល់ចំណុចមុខសាលាវិទ្យាល័យហ៊ុន សែន ត្រពាំងប្រាសាទ ស្ថិតនៅក្នុងភូមិទួលតាសេក ឃុំនិងស្រុកត្រពាំងប្រាសាទ ខេត្តឧត្តរមានជ័យ។សមត្ថកិច្ច បានឲ្យដឹងថា ក្រោយការបង្ក្រាប កម្លាំងចម្រុះ រួមមានកងរាជអាវុធហត្ថស្រុក សមត្ថកិច្ចប៉ូលិសស្រុកនិងសង្កាត់រដ្ឋបាលព្រៃឈើស្រុក បានធ្វើការឆែកឆេរក្នុងរថយន្ត លុចសុីស ឃើញមានឈើប្រភេទក្រញូងចំនួន៥១ដុំ ស្មើរនិង៥០១គីឡូក្រាម។
សមត្ថកិច្ច អាវុធហត្ថស្រុក បានឲ្យដឹងថា មុនពេលកើតហេតុ កម្លាំងអ/ហ បានតាមដាននិងឈានដល់កំណត់មុខសញ្ញា ដោយចេញពីផ្លូវយុទ្ធសាស្ត្រ ជាប់បន្ទាត់ព្រំដែននៃស្រុកត្រពាំងប្រាសាទ ទើបធ្វើសកម្មភាពដេញស្ទាក់តែម្តង ប៉ុន្តែមិនទាន់ចាប់បានភ្លាមៗទេ ដោយរថយន្តហាយព្រិតជាអ្នកបើកបរ បើកផ្លូវនិងបិតផ្លូវមិនអោយរថយន្តរបស់សមត្ថកិច្ច អ/ហ ស្ទាក់បានឡើយ។លុះដល់ចំណុចខាងលើរថយន្តហាយព្រីតក៏ បានបុករថយន្តសមត្ថកិច្ចពីក្រោយ នៅពេលនោះ ទៅមុខលែងរួចទើបចាប់បានតែម្តង ទើបសមត្ថកិច្ចចម្រុះចាប់ឃាត់ខ្លួនជនសង្ស័យ ចំនួន២នាក់-១
ឈ្មោះម៉ៅ ធា ភេទប្រុស អាយុ៣៤ឆ្នាំ-ទី២ឈ្មោះផាន ភ័ណ្ឌ ភេទប្រុស អាយុ៣៥ឆ្នាំ អ្នកទាំង២រស់នៅភូមិនិងឃុំអូអំបិល ក្រុងសេរីសោភ័ណ្ឌ ខេត្តបន្ទាយមានជ័យ។បច្ចុប្បន្ន រថយន្តទាំង២គ្រឿងនិងអ្នកបើកបរ ព្រមទាំងវត្ថុតាងឈើក្រញូងកំពុងធ្វើ កំណត់ហេតុក្នុងទីស្នាក់ការអ/ហ ស្រុកត្រពាំងប្រាសាទនិងធ្វើកំណត់ហេតុបញ្ជូនទៅតុលាការតាមនិតិវិធីច្បាប់៕
