ភ្នំពេញ៖អភិបាលនៃគណៈអភិបាលខណ្ឌឫស្សីកែវលោក ជា ពិសី និងជាប្រធានកិត្តិយសអនុសាខាកាកបាទក្រ ហមកម្ពុជាខណ្ឌឫស្សីកែវព្រមទាំងជាតំណាងដ៍ខ្ពង់ខ្ពស់របស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន មានការរួម
ដំណើរពីចៅសង្កាត់ស្វាយប៉ាកលោក ហ៊ូ សាម៉ន ព្រមទាំង មន្ត្រីក្រុមយុវជនក្រោម ឱវ៉ាតសាលាខណ្ឌមួយចំនួន នារសៀលថ្ងៃទី ២៤ ខែ មិនា ឆ្នាំ ២០១៦នេះ បានពាំនាំ យកអំណោយមានគ្រឿងឧបភោគបរិភោគរួមទាំងថវិការមួយចំនួនរបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជាមកផ្ដល់ការចែកជូនប្រជាពលរដ្ឋទីទាល់ក្រ ចំនួន២០គ្រួសារ ត្រង់ចំណុចតាមបណ្ដោយ ផ្លូវបេតុង ក្រុម៤ ភូមិលូ សង្កាត់ស្វាយប៉ាក ខណ្ឌឫស្សីកែវ ។
លោកជា ពិសី អភិបាលនៃគណៈអភិបាលខណ្ឌឫស្សីកែវ និងជាប្រធានកិត្តិយសអនុសាខាកាកបាទក្រហម កម្ពុជាខណ្ឌឫស្សីកែវបានថ្លែងថា ជានិច្ចជាកាលទីណាមានប្រជាពលរដ្ឋជួបទុកលំបាលទីនោះតែងតែមានវត្តមានកាកបាទក្រហមកម្ពុជាជានិច្ច ពីព្រោះកាកបាទក្រហម កម្ពុជា ដែលមានសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជាប្រធានបានដើរតួរយ៉ាងសំខាន់ក្នុងការជួយសង្គ្រោះប្រជាពលរដ្ឋដែលជួបរាល់ហានិភ័យផ្សេងៗដែលកើតមានឡើងនូវទូទាំងព្រះរាជាណាចក្រកម្ពុជា។លោកជា ពិសី អភិបាលនៃ គណៈអភិបាលខណ្ឌឫស្សីកែវនិងជាប្រធានកិត្តិយសអនុសាខាកាកបាទក្រហមកម្ពុជាខណ្ឌឫស្សីកែវបានថ្លែងទៀតថា ចំពោះអំណោយដែលសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជាយកមក ផ្ដល់ការចែកជូនប្រជាពលរដ្ឋទីទាល់ក្រចំនួន២០គ្រួសារតាមរយះកាកបាទក្រហមកម្ពុជាខណ្ឌឫស្សីកែវនេះ ថ្វីត្បិតតែមានចំនួនតិចទួចក៍ពិតមែន ក៍ប៉ុន្តែក៍អាចជួយសម្រាលរាល់ទុកលំបាកជីវភាពប្រចាំថ្ងៃបានមួយចំនួននិងជាទឹកចិត្តដ៍កម្ររមួយដែលថ្នាក់ដឹកនាំបានមើលឃើញជាក់ស្ដែងពីទុកលំបាករបស់ប្រជាពលរដ្ឋទាំងអស់គ្នា។អភិបាលនៃគណៈអភិបាលខណ្ឌឫស្សីកែវនិងជាប្រធានកិត្តិយសអនុសាខាកាកបាទក្រហមកម្ពុជាខណ្ឌឫស្សីកែវលោកជា ពិសី បានបញ្ជាក់ថា ចំពោះអំណោយដែល ត្រៀមចែកជូនប្រជាពលរដ្ឋក្នុង១គ្រួសាររួមមាន អង្ករ១បាវ ៣០គីឡូក្រាម ម៊ីម៉ាម៉ា១កេះ ត្រីខ១ដុំស្មើ១០កំប៉ុង ឃីតចំនួន១មានម៊ុង១ ភួយ១ សារ៉ុង១ និងក្រម៉ា១ ធុងទឹកកកចំនួន១ ក្នុងនោះក៍មានថវិការចំនួន៣០០០០៛
(បីម៉ឺនរៀលផងដែរ)។ជាមួយគ្នានោះក្រោយពីចែកជូននូវអំណោយដល់ប្រជាពលរដ្ឋទីទាល់ក្រចំនួន១៨គ្រួសារ រួចហើយនោះ លោកជា ពិសី អភិបាលនៃគណៈអភិបាល ខណ្ឌឫស្សីកែវបានពាំនាំយកគ្រឿងឧបភោគបរិភោគរួមទាំងថវិការចំនួន៣០០០០៛(បីម៉ឺនរៀល)ដើម្បីយកមកផ្ដល់ការចែកជូនផ្ទាល់ដល់លំនៅដ្ឋានរបស់បងប្អូនប្រជាពលរដ្ឋទីទាល់ក្រពិការភាពចំនួន២គ្រួសារទៀតដែលកំពុងប្រឈមនិងទុកលំបាកវេទនាផ្សេងៗនៅតាមគ្រួសារនីមួយៗផងដែរ។ជាមួយគ្នានោះប្រជាពលរដ្ឋបានសំដែងនូវការដឹងគុណនិងអរគុណយ៉ាងជ្រាលជ្រៅចំពោះថ្នាក់ដឹកនាំខណ្ឌដែលមានលោក ជា ពិសី ជាអភិបាលនៃគណៈអភិបាល ខណ្ឌឫស្សីកែវតំណាងឲ្យសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលបានពាំនាំយកអំណោយមកផ្ដល់ការចែកជូនប្រជាពលរដ្ឋទីទាល់ក្រនិងពិការភាពទាំង២០គ្រួសារដែលកំពុងខ្វះខាត៕ហាស់ កំសាន្ដ
