ភ្នំពេញ៖យុវជនម្នាក់ ត្រូវបានគេសង្ស័យថា មានជំងឺសរសៃប្រសាធប្រចាំកាយបានសម្រេចចិត្តលោតពីលើស្ពានជ្រោយចង្វារចាស់ដើម្បីសម្លាប់ខ្លួនតែមិនស្លាប់និងត្រូវបានទូកអ្នកនេសាទជួយសង្គ្រោះដោយស្រង់ពីទឹកបង្កឲ្យមានការភ្ញាក់ផ្អើលនៅវេលាម៉ោង១១និង៣៥នាទី ថ្ងៃទី ២៦ ខែ មិនា ឆ្នាំ ២០១៦ ត្រង់ចំណុចក្នុងទឹកទន្លេ ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។មន្ត្រីសមត្ថកិច្ចបាននិយាយថាជនរងគ្រោះឈ្មោះភូមិ ចំរើន ភេទប្រុស អាយុ២៨ឆ្នាំ មានមុខរបរជាកសិករ មានប្រពន្ធ ឈ្មោះស៉ីណា និងមានកូនស្រីម្នាក់អាយុ៤ឆ្នាំ ព្រមទាំងមានស្រុកកំណើត នៅឃុំពពេល ស្រុកត្បូងឃ្មុំ ខេត្តត្បូងឃ្មុំ ។
មន្ត្រីសមត្ថកិច្ចបាននិយាយទៀតថាបើតាមការរៀបរាប់ឲ្យដឹងពីជនរងគ្រោះបានឲ្យដឹងថាមុនកើតហេតជនរងគ្រោះទើបតែជិះរថយន្ដមកពីខេត្តត្បូងឃ្មុំមករាជធានីភ្នំពេញក្នុងតម្លៃ១៥០០០៛ទាំងខ្លួនពុំមានថវិការមួយរៀលព្រោះជិះរថយន្ដអស់ថវិការហើយនៅសល់តែទូរស័ព្ទអិនចុចពិល១គ្រឿងប៉ុណ្ណោះក្នុងគោលបំណងមកបើកថ្នាំជំងឺសរសៃប្រសាធនៅមន្ទីរពេទ្យរ៉ូ
ស្សីប៉ុន្តែបើកថ្នាំមិនបានក៍សម្រេចចិត្តហៅម៉ូតូឌុបជិះពីរពេទ្យរ៉ូស្សីមកស្ពានជ្រោយចង្វារដោយជនរងគ្រោះគ្មានថវិការឲ្យថ្លៃម៉ូតូឌុបក៍ប្រគល់ទូរស័ព្ទអិនចុចពិល១គ្រឿងឲ្យទៅម៉ូតូឌុបតែម្ដងទៅ។រួចជនរងគ្រោះបានដើរមកដល់ចំណុចលើស្ពានជ្រោយចង្វារចាស់ រួចលោតសម្លាប់ខ្លួនតែម្ដង តែមហាសំណាងមិនស្លាប់និងត្រូវបានទូកអ្នកនេសាទត្រីជួយសង្គ្រោះភ្លាមៗផងដែរ ។ហាស់ កំសាន្ដ
