លោ់ ជំទាវឧបនាយករដ្ឋមន្ត្រីម៉ែនសំអនរដ្ឋមន្ត្រីក្រសួងទំនាក់ទំនងព្រឹទ្ធសភារដ្ឋសភានិងអធិការកិច្ចបានថ្លែងនូវការគាំទ្រដល់សមាគមអ៊ីគ័នតាវកម្ពុជាដែលបានរៀបចំអោយមានកម្មវិធីលើកសរសើរសិស្សគំរូ មានក្រមសីលធម៌ល្អនិងគោរពឧិវាទគ្រួ បង្រៀនដែលកម្មវិធីនេះមានអត្ថន័យអប់រំកសាងធនធានមនុស្ស។លោកជំទាវឧបនាយករដ្ឋមន្ត្រីបានថ្លែងការគាំទ្រនេះ ខណៈអញ្ជើញចូលរួមក្នុងកម្មវិធីនេះ នាព្រឹកថ្ងៃទី២៧មីនាឆ្នាំ២០១៦។
លោកជំទាវឧបនាយករដ្ឋមន្ត្រីម៉ែនសំអន លើកឡើងទៀតថា រាជរដ្ឋាភិបាលកម្ពុជាកន្លងក៏ដូចបច្ចុប្បន្នបានជម្រុញយ៉ាងខ្លាំងលើការកែទម្រង់ស៊ីជម្រៅ ដើម្បីលើកកម្ពស់គុណភាពចំណេះដឹងរបស់សិស្ស និស្សិតអោយមានស្តង់ដារ ដែលអាចធ្វើសមាហរណកម្មជាមួយតាមបណ្តាប្រទេសក្នុងតំបន់និងពិភពលោកបាន ហើយ ជាមួយការលើក តម្លៃគុណភាពអប់រំនេះក្រួងអប់រំបានកំណត់ចតុស្តម្ភនៃការអប់រំ គឺ រៀនដើម្បីមានចំណេះដឹង រៀនដើម្បីមានចំណេះធ្វើ រៀនដើម្បីក្លាយជាពលរដ្ឋល្អ រៀនដើម្បីចេះរួមរស់ជាមួយគ្នាដោយសុខដុមរមនា។
លោកជំទាវម៉ែនសំអនចាត់ទុកកម្មវិធីដែលសមាគមអ៊ីគ័នតាវកម្ពុជាធ្វើឡើងនេះ ថា ជាការរួមគ្នាជួយ កសាងបណ្តុះពុទ្ធិដល់យុវជនយើងអោយក្លាយជា យុវជនពេញដោយសក្តានុពលជាក្តីសង្ឃឹមរបស់ជាតិ។
ក្នុងពិធីនេះលោកជំទាវឧបនាយករដ្ឋមន្ត្រី ក៏បានចែករំលែនូវទស្សនៈទានអប់រំដល់ក្មូយៗសិស្សនុសិស្សជាច្រើនរយនាក់ដែលចូលរួមក្នុងកម្មវិធីនេះ ដោយសូមអោយក្មូយៗមានកត្តញ្ញូ ចំពោះមាតាបិតា ជាអ្នកមានគុណ ជាព្រះរស់ និងត្រូវកត្តញ្ញូលោក គ្រូអ្នកគ្រូ មានកត្តញ្ញូចំពោះញាតិមិត្ត មិត្តភក្ត្រដែលជួយក្មួយៗគ្រប់កាលៈទេសៈ មានកត្តញ្ញូចំពោះថ្នាក់ដឹកនាំប្រទេសដែលបានខិតខំធ្វើពលីកម្មគ្រប់បែបយ៉ាងដើម្បីនាំមកនូវសុខសន្តិភាពនិងភាពពរុងរឿងជូនប្រទេសជាតិ។
សូមបញ្ជាក់ថា សមាគមអ៊ីគ័នតាវកម្ពុជា កន្លងមកនេះតែងធ្វើការផ្សព្វផ្សាយការអប់រំសីលធម៌ដើម្បីចូលរួមកសាងធនធានមនុស្សនៅកម្ពុជា។
ក្នុងកម្មវិធីនេះសមាគមអ៊ីគ័នតាវកម្ពុជាបានប្រគល់ជូននូវប័ណ្ណសរសើរដល់សិស្សគំរូ មានក្រមសីលធម៌ល្អចំនួន៣៨នាក់ ដែលជាសំណាងអោយសិស្សប្រមាណ១០០០នាក់ចូលរួមក្នុងកម្មវិធីនោះ ៕
