ខេត្តសៀមរាប ឆ្លងតាមការបង្ហាញ ត្រួតពិនិត្យ ពិភាក្សា របស់អង្គសន្និបាតបូកសរុបការងារសុខាភិបាល រយៈពេល២ថ្ងៃមកនេះបានធ្វើឲ្យអង្គសន្និបាតទាំងមូលបានឆ្លុះបញ្ចាំងពីលទ្ធផលល្អៗជាច្រើន ព្រមទាំងបានរកឃើញនូវរាល់បញ្ហាប្រឈមមួយចំនួន ដែលបណ្តាមន្ទីរពេទ្យបង្អែកនៃស្រុកប្រតិបត្តិទាំងបួន និង មណ្ឌលសុខភាពតាមស្រុកប្រត្តិបត្តិបានជួបប្រទះហើយ ត្រូវបានអង្គសន្និបាតទាំងមូលបានធ្វើការដោះស្រាយផងដែរ។ ម្យ៉ាងទៀតអង្គសន្និបាតក៏រកឃើញនូវបទពិសោធន៍ និង វិធានការមួយចំនួន ដើម្បីជាប្រទីបសម្រាប់មន្ត្រី បុគ្គលិកពេទ្យយើង យកទៅអនុវត្តនៅនៅឆ្នាំ២០១៦បន្ត ព្រម ទាំងបានសង្កត់ធ្ងន់ដល់មន្ត្រីពេទ្យទាំងអស់ ឲ្យត្រូវអនុវត្តនូវក្រម សីលធម៌គ្រូពេទ្យ ក្នុងការលើកទឹកចិត្តដល់ ប្រជា ពលរដ្ឋ ដែលបានមកទទួលសេវាសុខាភិបាល នៅតាមមណ្ឌលសុខភាពរបស់ខ្លួន និង ដើម្បីឲ្យប្រជាពលរដ្ឋ មាន សង្ឃឹមជឿជាក់មកលើសេវាសុខាភិបាលរបស់រដ្ឋយើងផងដែរ ។
អង្គសន្និបាតប្រចាំឆ្នាំនេះត្រូវបានធ្វើពិធីបិទក្រោម អធិបតីភាពរបស់លោក តែ កុយស៊ាង រដ្ឋលេខាធិការ ក្រសួងសុខាភិបាល លោកស សង់ រីហា អភិបាលរងនៃគណៈអភិបាលខេត្ត លោក ស៊ូ នី សមាជិកក្រុមប្រឹក្សាខេត្ត សៀមរាប កាលពីរសៀលថ្ងៃទី ២៥ ខែ មីនា ឆ្នាំ ២០១៦ នៅសាលប្រជុំសាលាខេត្តសៀមរាប ។
មានប្រសាន៍នោះលោក សង់ រីហា ក៏បានលើកឡើងថា វឌ្ឍនភាពនៃវិស័យសុខាភិបាល គឺជាល័ក្ខខណ្ឌ័ ចាំបាច់ និង មិនអាចខ្វះបាន សម្រាប់រួមចំណែកឲ្យកាន់តែមានប្រសិទ្ធភាព ក្នុងការលើកកម្ពស់ជីវភាពរស់នៅ និង ការ កាត់បន្ថយភាពក្រីក្ររបស់ប្រជាពលរដ្ឋប៉ុណ្ណោះទេ គឺ លើកកម្ពស់ការជឿជាក់របស់ប្រជាពលរដ្ឋ ចំពោះវិស័យ សុខា ភិបាល និង កិត្តិយសសេចក្តីថ្លៃថ្នូរដល់សង្គមជាតិផងដែរ ។ ក្នុងនោះដែរឯកឧត្តមក៏បានធ្វើការវាយតម្លៃខ្ពស់ ចំពោះដៃគូ និង ភ្នាក់ងារអភិវឌ្ឍន៍ អង្គការជាតិ អន្តរជាតិ ស្ថាប័នពាក់ព័ន្ធ អាជ្ញាធរមូលដ្ឋាន ក្នុងការចូលរួមឧបត្ថម្ភ គាំទ្រ សំដៅជម្រុញ និង បងើ្កនប្រសិទ្ធភាព នៃការផ្តល់សេវាសុខភាពជូនប្រជាពលរដ្ឋ ។
មានប្រសាសន៍នោះដែរលោក តែ កុយស៊ាង ក៏បានធ្វើការវាយតម្លៃទៅលើលទ្ធផល សកម្មភាព របស់មន្ទីរ សុខាភិបាលខេត្តសៀមរាប ដែលបានអនុវត្តក្នុងឆ្នាំកន្លងមក ព្រមទាំងបានកោតសរសើផងដែរ ពីកិច្ចខិតខំរបស់ ថ្នាក់ដឹកនាំមន្ទីរ វេជ្ជបណ្ឌិត គ្រូពេទ្យ គិលានុបដ្ឋានក គិលានុបដ្ឋាយិការ និង កម្មករទាំងអស់នៃវិស័យសុខាភិបាលដែលបានយកចិត្តទុកដាក់ខ្ពស់ រួមសហការគ្នាសម្រេចបានលើការងារស្នូលរបស់ខ្លួនសំខាន់ក្នុងកិច្ចសហប្រតិបត្តិការល្អ ជាមួយបណ្តាអង្គការដៃគូអភិវឌ្ឍន៍និងសប្បុរសជនជាតិអន្តរជាតិ បានធ្វើឲ្យវិស័យសុខាភិបាលនៅខេត្តសៀមរាប ។ ឯកឧត្តមក៏បានគូសបញ្ជាក់ ពីវឌ្ឍនភាពនៃវិស័យសុខាភិបាល មិនត្រឹមតែជាលក្ខ័ខ័ណ្ឌចាំបាច់ ដែល មិនអាចខ្វះបាន ក្នុងការចូលរួមចំណែកឲ្យកាន់តែមានប្រសិទ្ធភាព ក្នុងការលើកកម្ពស់ជីវភាពរស់នៅ និង កាត់ បន្ថយភាពក្រីក្រប៉ុណ្ណោះទេ បានលើកកម្ពស់នៃការជឿជាក់របស់ប្រជាពលរដ្ឋ ចំពោះវិស័យសុខាភិបាល កិត្តិយស សេចក្តីថ្លៃថ្នូរសង្គមជាតិផងដែរ ។ លោក តែ កុយស៊ាង ក៏បានវាយតម្លៃខ្ពស់ ចំពោះដៃគូ និង ភ្នាក់ងារអភិវឌ្ឍន៍ អង្គ ការជាតិ អន្តរជាតិ និង វិស័យឯកជន សប្បុរសជន អង្គភាព ស្ថាប័នពាក់ព័ន្ធ ដែលបានយកចិត្តទុកដាក់សហការគ្នា ល្អ ក្នុងការផ្តល់ ការឧបត្ថម្ភ គាំទ្រ សំដៅជម្រុញ និង បង្កើនប្រសិទ្ធភាពការផ្តល់សេវាសុខភាពជូនប្រជាពលរដ្ឋ។ក្នុងនោះដែរឯកឧត្តមក៏បានលើកនូវគោលការណ៍សកម្មភាព នៃផែនការយុទ្ធសាស្ត្ររបស់វិស័យសុខាភិបាលដើម្បីពង្រឹងពង្រីកនិង កែលម្អគុណភាពនៃការផ្តល់សេវាសុខាភិបាលជូនប្រជាជន ក្នុងការកែលម្អឥរិយាបថអ្នកផ្តល់ សេវាសុខាភិបាល និង លើកកម្ពស់កម្រិតជំនាញ និង សមត្ថភាពបុគ្គលិក ព្រមទាំងការគ្រប់គ្រង សំខាន់លើវិធាន ការចំពោះគ្រូពេទ្យមិនគោរពក្រមសីលធម៌វិជ្ជាជីវៈ ដើម្បីឲ្យក្លាយជាអ្នកផ្តល់សេវាផ្នែកសុខាភិបាលពិតប្រាកដ ។
លោក តែ កុយស៊ាង ក៏បានគូសបញ្ជាក់ថា ក្រសួងបានកំពុងបន្តយកចិត្តទុកដាក់ ពង្រីកកម្មវិធីបង្កា ព្យាបាលជម្ងឺ ឆ្លង មិនឆ្លង ផ្នែកគាំពារមាតានិងទាំរក ព្រមទាំងលើកលែងការបង់ថ្លៃសេវាក្នុងការពិនិត្យ ព្យាបាលជម្ងឺជូនប្រជាពល រដ្ឋក្រីក្រ ដើម្បីធ្វើឲ្យការផ្តល់សេវាសុខាភិបាលសាធារណៈ មានភាពរហ័ស ក្នុងការលើកកម្ពស់សុខុមាលភាពរបស់ ប្រជាពលរដ្ឋ ។ ឯកឧត្តមក៏បានសំណូមពរ ដល់គ្រប់ថ្នាក់ដឹកនាំ មន្ត្រីរាជការគ្រប់ស្ថាប័ន និង អង្គការពាក់ព័ន្ធ អាជ្ញាធរមូលដ្ឋាន បន្តក្នុងការឧបត្ថម្ភគាំទ្រ ក្នុងការសម្រេចបាន ជោគជ័យ ស្របតាមចក្ខុវិស័យនៃការអភិវឌ្ឍន៍ វិស័យសុខាភិបាល និង ការអភិវឌ្ឍន៍សមត្ថភាពស្ថាប័ន ធនធានមនុស្ស ដែលជាមូលដ្ឋានគ្រឹះ ក្នុងការគាំទ្រ ពង្រីកវិសាលភាពគ្រប់ដណ្តប់ នៃការផ្តល់សេវាសុខាភិបាល ដើម្បីឆ្លើយតបបានទាន់ពេលវេលា និង ប្រកបដោយប្រសិទ្ធភាពខ្ពស់ ។ ឯកឧត្តមក៏បានធ្វើការផ្តាំផ្ញើ ដល់មន្ត្រីសុខាភិបាល ទាំងអស់ សំខាន់ក្រុមគ្រូពេទ្យ ត្រូវបំពេញតួនាទីភារកិច្ចរបស់ខ្លួន ក្នុងការពិនិត្យ ពិគ្រោះយោបល់ ថែទាំ ព្យាបាល ជម្ងឺជូនប្រជាពលរដ្ឋ គឺត្រូវគោរពឲ្យបានខ្ជាប់ខ្ជួន នូវក្រមសីលធម៌វិជ្ជាជីវៈរបស់ខ្លួន កែប្រែឥរិយាបថឲ្យបានសមស្របតាមក្រមសីលធម៌វិជ្ជាជីវៈ ដោយឈរលើគោលការណ៍ បច្ចេកទេស និង មនុស្សធម៌ ដោយប្រកាន់ខ្ជាប់នូវគុណធម៌ សុជីវធម៌ ជាអ្នកសង្គ្រោះជីវិតអ្នកជម្ងឺ ដោយមិនត្រូវកេងយកនូវផល ចំណេញពីអ្នកជម្ងឺឡើយ ។ម្យ៉ាងទៀតត្រូវបន្តយកចិត្តទុកដាក់ចំពោះអ្នកជម្ងឺឆ្លងរ៉ាំរ៉ៃ សំខាន់ អត្រាមរណ ភាពរបស់មាតា ទារក នៅពេលសម្រាលកូន និង បញ្ហាសុខភាពបន្តពូជរបស់ស្រី្តជាដើមផងដែរ ៕
ដោយគឿនវេត
