ឧត្តរមានជ័យ៖ កាលពីវេលាម៉ោង៧និង៥០នាទីយប់ ថ្ងៃទី២៥ ខែមិនា ឆ្នាំ២០១៦ នៅចណុចផ្លូវជាតិលេខ៦៨ ស្ថិតនៅក្នុងភូមិគោកច្រេស សង្កាត់សំរោង ក្រុងសំរោង ខេត្តឧត្តរមានជ័យ គ្រោះថ្នាក់ចរាចរណ៍នេះ រវាងម៉ូតូនិងមនុស្សដើរ បណ្តាលឲ្យរងរបួសធ្ងន់និងស្រាល៣នាក់ ដែលបង្ករឡើងដោយអ្នកបើកម៉ូតូ។សមត្ថកិច្ច បានអោយដឹងថា ជនបង្ករឈ្មោះស្វិត សុផន់ ភេទប្រុស អាយុ២៥ឆ្នាំ រស់នៅភូមិតាម៉ាន សង្កាត់កូនក្រៀល ក្រុងសំរោង ខេត្តឧត្តរមានជ័យ(របួសស្រាល)។រីឯជនរងគ្រោះទី១ឈ្មោះកែវ ឡាស់ ភេទស្រី អាយុ៨៧ឆ្នាំ រស់នៅភូមិគោក
ច្រេស សង្កាត់សំរោង ក្រុងសំរោង ខេត្តឧត្តរមានជ័យ(រងរបួសធ្ងន់ ជើងខាងស្តាំ)ជនរងគ្រោះទី២ឈ្មោះយេន បិណ ភេទស្រី អាយុ៥២ឆ្នាំ រស់នៅស្រុកបវេល ខេត្តបាត់ដំបង(រងរបួសធ្ងន់ ជើងខាងឆ្វេង)។សមត្ថកិច្ច បានបន្តទៀតថា ករណីនេះកម្លាំងជំនាញយើង បានចុះទៅដល់កន្លែងកើតហេតុធ្វើការវាស់វែងនិងដកហូតម៉ូតូមករក្សាទុកនៅអធិការដ្ឋាននគរបាលក្រុងសំរោង រងចាំការដោះស្រាយគ្នាទៅតាមច្បាប់៕
