បន្ទាយមានជ័យ ៖ ឧបនាយករដ្ឋមន្ត្រី កែ គឹមយ៉ាន តាមសំណើរសូមកុំអោយមានការដោះដូរចំណតរថយន្តក្រុងសិរីសោភ័ណ ដែលមានទីតាំងនៅភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ទៅទីតាំងថ្មី នៅភូមិព្រែកជីក ឃុំបត់ត្រង់ ស្រុកមង្គលបូរី ពីសំណាក់ពលរដ្ឋ១១១០នាក់ លោកបានស្នើរសុំសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃមេត្តាពិនិត្យ និងសម្រេច ។
យោងតាមឯកសារចុះថ្ងៃទី១១ ខែមីនា ឆ្នាំ២០១៦ របស់ឧបនាយករដ្ឋមន្ត្រី កែ គឹមយ៉ាន ប្រធានក្រុមការងារថ្នាក់ខេត្តចុះជួយខេត្តបន្ទាយមានជ័យ បានគោរពជូនសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃមេត្តាពិនិត្យ និងសម្រេចលើពាក្យស្នើសំុរបស់ប្រជាពលរដ្ឋ១១១០នាក់ក្រុងសិរីសោភ័ណសុំកុំអោយមានការដោះដូរទីតាំងចំណតរថយន្តក្រុងសិរីសោភ័ណដែលមានទីតាំងនៅភូមិបីសង្កាត់ព្រះពន្លាក្រុងសិរីសោភ័ណទៅទីតាំងថ្មីនៅភូមិព្រែកជីកឃុំបតើត្រង់ស្រុកមង្គលបូរីខេត្តបន្ទាយមានជ័យ។ចំពោះបញ្ហានេះឯកឧត្តមឧបនាយករដ្ឋមន្ត្រី កែ គឹម យ៉ាន យល់ឃើញថាគួរអនុញ្ញាត្តអោយក្រុមហ៊ុន មនោរតនះ ខនស្ត្រាក់សិន ខូអិលធីឌី ធ្វើចំណតរថយន្តនៅទីតាំងនៅភូមិព្រែកជីកឃុំបតើត្រង់ស្រុកមង្គលបូរីខេត្តបន្ទាយមានជ័យ ដោយរក្សាទុកទីតាំងចំណតរថយន្តក្រុងសិរីសោភ័ណដំណើរការធម្មតា។ហើយក្នុងលិខិតនេះសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានចារថាអគ្គរដ្ឋបាលផ្តល់យោបល់នៅថ្ងៃទី២១មីនា២០១៦។
ជាមួយនិងការយកចិត្តទុកដាក់ពីសំណាក់លោកឧបនាយករដ្ឋមន្ត្រី កែ គឹម យ៉ាន ប្រធានក្រុមការងារថ្នាក់ជាតិចុះជួយខេត្តបន្ទាយមានជ័យលើកង្វលរបស់ពលរដ្ឋដែលទាក់ទង់និងការដោះដូរចំណតរថយន្តពីទីប្រជុំជនទៅតំបន់ឆ្ងាយជាវាលស្រែដែលនាំអោយចំណាយថវិការច្រើនសម្រាប់ធ្វើដំណើរទៅជិះរថយន្តនិងជាកន្លែងស្ងាតគ្មានសុវត្តិភាពទៅសម្តេចក្រឡាហោមធ្វើអោយពលរដ្ឋសប្បាយរីករាយនិងអបអរសាទរជាពនពេក។
សូមបញ្ជក់ថាតាំងពីមានការស្នើសុំដោះដូរចំណតរថយន្តខាងលើពីសំណាក់ក្រុមហ៊ុនខាងលើទៅថ្នាក់ខេត្តហើយថ្នាក់ខេត្តបានបញ្ជូនបន្តទៅថ្នាក់ជាតិហើយរហូតមានការសម្រេចអោយដោះដូរតែត្រូវបានប្រជាពលរដ្ឋផ្តិតមេដៃជាមួយពាន់នាក់សុំកុំអោយមានការដោះដូរ។
ប្រជាពលរដ្ឋក្នុងក្រុងសិរីសោភ័ណបានអោយដឹងដែកថាទោះបីជាសម្តេចកហរឡាហោ ស ខេង មិនទានសម្រេចយ៉ាងណាក៍ដោយពួកគាត់មានសង្ឃឹមថាសម្តេចស ខេងនិងឯកភាពជាពិសេសសម្តេចតេជោ ហ៊ុន សែន និងមិនទុកអោយពលរដ្ឋអស់សង្ឃឹមឡើយ។
