បុរសម្នាក់បានស្លាប់យ៉ាងអណោច អធម្មដោយករណីគ្រោះថ្នាក់ចរាចររថយន្តយីឌុបបើកបុកចំពីមុខពេញទំហឹងកាលពីវេលាម៉ោង៤,៤០នាទីទាបភ្លឺថ្ងៃទី២៨ ខែមីនា ឆ្នាំ២០១៦ នៅលើកំណាត់ផ្លូវជាតិលេខ១ ចន្លោះគីឡូម៉ែត្រលេខ២៨-២៩ ភូមិខ្សុំ ឃុំបន្ទាយដែក ស្រុកកៀនស្វាយ ខេត្តកណ្តាល ។ជនរងគ្រោះជិះម៉ូតូម៉ាក ស្មាស់វី ពណ៍ខ្មៅ ពាក់ស្លាកលេខ ភ្នំពេញ1BU-9451 បើកបរដោយឈ្មោះយស ធូ ភេទប្រុស អាយុ២៦ឆ្នាំ ទីលំនៅភូមិគោកសណ្តែក ឃុំរក្សជ័យ ស្រុកបាភ្នំ ខេត្តព្រៃវែង ស្លាប់នៅកន្លែងកើតហេតុ ។
ចំណែករថយន្តម៉ាក ហ៊ីយ៉ាន់ដាយ យីឌុបជាប្រភេទរថយន្តដឹកទំនិញ ពាក់ស្លាកលេខ ភ្នំពេញ3B-5183 ក្រោយកើតហេតុអ្នកបើកបររត់គេចខ្លួនបាត់ ។
លោកហង្ស ផាន់ណារ៉ា នាយផ្នែកសណ្តាប់ធ្នាប់ចរាចរស្រុកកៀនស្វាយដែលចុះពិនិត្យនៅកន្លែងកើតហេតុបានអោយដឹងថា ជនរងគ្រោះជិះម៉ូតូតែ ម្នាក់ឯងទិសដៅពីអ្នកលឿងទៅភ្នំពេញ មកដល់កន្លែងកើតហេតុសង្ស័យជនរងគ្រោះងងុយដេកក៍រេចង្កូតទៅបុកចំពីមុខរថយន្តធនធំដែលកំពុងតែបើកបរក្នុងទិដៅផ្ទុយគ្នា បណ្តាលអោយជនរងគ្រោះត្រូវ
រថយន្តកិនស្លាប់ ហើយម៉ូតូកៀបជាប់ក្រោមរថយន្តហូសចំងាយជិត១០០ម៉ែត្រ ទើបរថយន្តឈប់ដោយសារបែកកាទែរម៉ាស៊ីនិងធ្លាយធុងទឹកបើកទៅមុខលែងរួច ដោយឡែកអ្នកបើកបររត់គេចខ្លួនបាត់ ។
បច្ចុប្បន្នម៉ូតូនិងរថយន្តត្រូវសមត្ថកិច្ច
អូសយកទៅរក្សាទុកនៅអធិការដ្ឋាននគរបាលស្រុកគៀនស្វាយដើម្បីដោះស្រាយតាមផ្លូវច្បាប់ ៕សណ្តោស
