( រូបភាពវីដេអូ ) មន្ដ្រីរដ្ឋាភិបាលបានថ្លែងថា ប្រធាន បក្សប្រឆាំងនៅប្រទេសស៊ូដង់គឺលោក Sadiq al-Mahdi ត្រូវបានចាប់ខ្លួនកាល ពីចុងសបា្ដហ៍នេះ ហើយអាចប្រឈម នឹងការជាប់ពន្ធនាគារអស់មួយជីវិត។ ការចាប់ខ្លួនមេបក្សប្រឆាំងនេះនឹងធ្វើ ឱ្យស្ថានការណ៍តានតឹងកាន់តែខ្លាំងឡើង ថែមទៀត ខណៈដែលការបោះឆ្នោត សភាគ្រោងធ្វើឡើងក្នុងឆ្នាំខាងមុខ។ លោកAl-Mahdi អតីតនាយករដ្ឋ មន្ដ្រីនៃរដ្ឋាភិបាលស៊ីវិលដែលជ្រើស រើសចុងក្រោយបំផុតនៅស៊ូដង់ និងជា ប្រធានគណបក្សUmma ដែលជាគណ បក្សល្បីឈ្មោះខាងប្រឆាំងប្រធានាធិបតី Omar Hassan al-Bashir ហើយដែល ត្រូវរដ្ឋប្រហារទម្លាក់ពីអំណាចនៅក្នុង ឆ្នាំ១៩៨៩។
ព្រះរាជអាជ្ញាធសាធារណៈបានស៊ើប អង្កេត និងបានចោទប្រកាន់លោកAl-Mahdi ពីបទរំលោភលើអំណាចកង កម្លាំងសន្ដិសុខជាតិនៅក្នុងអំឡុងពេល ហិង្សាកើតឡើងនៅតំបន់ដាហ្វូ។ នាងMariam ចៅស្រីរបស់លោក al-Mahdiបានប្រាប់រ៉យទ័រថា«ខ្ញុំបាន និយាយជាមួយមេធាវីលោកតារបស់ខ្ញុំ ហើយគាត់បាននិយាយថា តុលារបាន ចោទប្រកាន់ពីបទរំលោភរដ្ឋធម្មនុញ្ញ ហើយអាចប្រឈមនឹងការជាប់ពន្ធនា គារអស់មួយជីវិត»។
ឆ្លើយតបចំពោះការចាប់ខ្លួនខាងលើ នេះ គណបក្សUmmaបានលុបចោល គម្រោងចរចាដែលអំពាវនាវធ្វើឡើង ដោយប្រធានាធិបតី ក្នុងបំណងបញ្ចប់ ស្ថានការណ៍តានតឹងក្នុងនាមគណបក្ស នយោបាយនៅប្រទេសស៊ូដង់ ឱ្យបានមុន ការបោះឆ្នោតសភា និងបោះឆ្នោតប្រធា នាធិបតីដែលធ្វើឡើងនៅឆ្នាំខាងមុខ ជាពិសេសក្នុងការដោះស្រាយវិបត្ដិនៅ តំបន់ដាហ្វូ។ មិនទាន់មានកាលបរិច្ឆេទ ផ្លូវការណាមួយធ្វើឡើងដើម្បីជំនួប ពិភាក្សាជាថ្មីនៅឡើយ។ គណបក្ស ប្រឆាំងបានអំពាវនាវអ្នកគាំទ្ររបស់ខ្លួន ចូលរួមធ្វើបាតុកម្មប្រឆាំងនឹងការឃុំខ្លួន មេដឹកនាំរបស់ខ្លួន។ ប្រធានាធិបតីBashirបានពុះពារ ឧបសគ្គដើម្បីក្ដោបក្ដាប់អំណាចនៅស៊ូដង់ តាំងពីឆ្នាំ២០១១។
ការគ្រប់គ្រងរបស់ លោកបានធ្វើឱ្យមានបាតុកម្មប្រឆាំង ហើយទីបំផុតក៏ផ្ទុះសង្គ្រាមនៅដាហ្វូតែម្ដង។ លោក Bashir នៅតែស្ថិតក្នុង អំណាចបើទោះមានការរុកគួនពីក្រុម ឧទ្ទាម, ការដាក់ទណ្ឌកម្មសេដ្ឋកិច្ចពី អាមេរិក, ការជួបប្រទះវិបត្ដិសេដ្ឋកិច្ច, ការប៉ុនប៉ងធ្វើរដ្ឋប្រហារ ព្រមទាំងសាល ក្រមតុលាការឧក្រិដ្ឋកម្មអន្ដរជាតិដែល ចោទពីបទផ្ដើមគំនិតធ្វើប្រល័យពូជ សាសន៍ និងប្រឆាំងមនុស្សជាតិនៅ តំបន់ដាហ្វូយ៉ាងណាក៏ដោយ។ ប្រធានការិយាល័យ និងជំនួយការ ផ្ទាល់របស់លោកAl-Mahdi គឺលោក Mohamed Zaki បានប្រាប់រ៉យទ័រថា សន្ដិសុខ២នាក់បានមកកាន់ការិយាល័យ របស់លោកal-Mahdi ស្ថិតនៅក្នុងផ្ទះ របស់គាត់នៅក្នុងទីក្រុងKhartoum នៅ វេលាម៉ោង៨និង៤៥នាទីយប់ ហើយបាន ចាប់ខ្លួនគាត់ដោយពុំបានផ្ដល់ពីហេតុ ផលណាមួយឡើយ។
លោក Sarah Naqdallah អគ្គលេខា ធិការគណបក្សUmma បានថ្លែងប្រាប់ ក្រុមអ្នកយកព័ត៌មានថា«គណបក្ស Umma បានសម្រេចលុបចោលកិច្ច ពិភាក្សាជាមួយគណបក្សកាន់អំណាច NCP ហើយសូមអំពាវនាវឱ្យដោះលែង លោកSadiq al-Mahdi ជាប្រញាប់» ។ ប្រភពបន្ដទៀតថាការចាប់ខ្លួនលោក Sadiqal-Mahdi នឹងធ្វើឱ្យអ្វីគ្រប់យ៉ាង ដែលបានសន្យាដូចជាគម្រោងចរចាជា ដើមជាមួយគណបក្សកាន់អំណាចនោះ នឹងត្រូវរលាយទៅវិញអស់ លើសពីនេះ ទៀតគណបក្សប្រឆាំងនឹងអំពាវនាវឱ្យ មានការធ្វើបាតុកម្មជំទាស់ការឃុំខ្លួន មេដឹកនាំបក្សប្រឆាំងរូបនេះ។
