ភ្នំពេញ:នារីម្នាក់ជិះម៉ូតូ ស្កុបពីមួយគ្រឿង ត្រូវរថយន្ត Lexus RX330 ដែលបើកបរដោយនារីជនជាតិចិនម្នាក់ បើកឆ្លងផ្លូវលឿនមិនប្រយ័ត្ន បណ្តាលអោយបុកម៉ូតូគាបជាប់ក្រោមរថយន្ត បង្ករអោយមានការភ្ញាក់កាលពីវេលាម៉ោង ៨និង៣០នាទីយប់ នៅតាមបណ្តោផ្លូសហព័ន្ធរ៉ុស្សី មុខក្រុមហ៊ុន LM លក់រថយន្ត ស្ថិតក្នុងភូមិក្បាលដំរី សង្កាត់កាកាប ខណ្ឌពោធិសែនជ័យ ។
តាមប្រភពពត៍មានពីកន្លែងកើតហេតុ បានប្រាប់អោយដឹងថា នៅមុនពេលកើតហេតុ គេនារីរងគ្រោះ ជិះម៉ូតូស្កុបពីមួយគ្រឿងពណ៍សពាក់ស្លាកលេខកណ្តាល 1P-4964 ជិះតាមបណ្តោយសហព័ន្ធរ៉ុស្សី ទិសដៅពីកើតទៅលិច ខណៈមកដល់ចំណុចកើតហេតុ ក៏មានរថយន្ត Lexus RX330 ដែលបើកបរដោយនារីជនជាតិចិនម្នាក់ ចេញពីផ្លូវលំ ទិសដៅពីជើងទៅត្បូង ឡើងមកផ្លូវសហព័ន្ធរ៉ុស្សី បញ្ច្រាស់ទិសចរាចរណ៍ ហើយបើកឆ្លងផ្លូវ ក៏បានទៅបុកម៉ូតូស្កុបពី នារីរងគ្រោះអូសគាប់ជាប់ម៉ូតូនៅក្រោមកាងរថយន្ត ។បន្ទាប់ពីកើតហេតុបានមួយ
សន្ទុះក៏មាន បុរសជនជាតិខ្មែរម្នាក់មក កាងអោយនារីជនជាតិចិនដែលមកបកប្រែភាសាចិន ហើយបុរសដែលមកកាងនោះ បានទាំងរារាំងសមត្ថកិច្ចមិនអោយធ្វើការនិងមិនអោយសមត្ថកិច្ចវាស់វែងកន្លែងកើតហេតុ យកម៉ូតូនិងរថយន្តបង្ករទៅកន្លែងនោះឡើយ ព្រមទាំបង្ករជម្លោះជាមួយប្រជាពលរដ្ធដែលចោមរោមមើលហេតុការណ៍ទៀតផង ។ លុះក្រោយមក ដោយមានអ្នកសារពត៍មានចុះទៅ ថតព្រោងព្រាតទើបព្រមអោយរថយន្តទៅទុកនៅកន្លែង ។
ក្រោយពេលកើតហេតុ សមត្ថកិច្ចជំនាញចរាចរណ៍ខណ្ឌពោធិសែនជ័យ បានទាក់ទងទោជំនាញចរាចរណ៍ក្រុងអោយមកយករថយន្តនិងម៉ូតូ ទៅផ្នែកចរាចរណ៍ផ្លូវគោកនៃស្នងការនគរបាលរាជធានីភ្នំពេញ ដើម្បីរងចាំការដោះគ្នានៅពេលក្រោយ។ដោយ៖ជីម ភារ៉ា
