ភ្នំពេញ៖រថយន្ដក្រុងដឹកអ្នកដំណើររបស់ក្រុមហ៊ុនភី.អេស បើកគៀរទាក់ដៃចង្កូតម៉ូតូសង់កូរ៉េ១គ្រឿងអូសប្រហែល៣០ម៉ែត្រខណៈស្របទិសបណ្ដាលឲ្យបុរសជាអ្នកបើកបរម៉ូតូរងរបួសយ៉ាងធ្ងន់ធ្ងរបែកសាច់បាក់ដៃខាងឆ្វេងនិងត្រូវបានរថយន្ដសាម៊ុយដឹកយកទៅសង្គ្រោះភ្លាមៗនៅឯមន្ទីរពេទ្យ ។
ហេតុការណ៍គ្រោះថ្នាក់ចរាចរខាងលើបានកើតឡើងនៅវេលាម៉ោង១០និង១០នាទីព្រឹក ថ្ងៃទី ៣០ ខែ មិនា ឆ្នាំ ២០១៦ នៅត្រង់ចំណុចលើកំណាត់ផ្លូវជាតិលេខ៥ ខាងជើងស្ថានីយ៍ទូរទស្សន៍CTN ក្រុម១៣ ស្ថិតក្នុង ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ ។
មន្ត្រីសមត្ថកិច្ចបានឲ្យដឹងថា ជនរងគ្រោះមានឈ្មោះឡាយ សុផានណា ភេទប្រុស ស្នាក់នៅសង្កាត់ស្វាយប៉ាក ខណ្ឌឫស្សីកែវ និងជាអ្នកបើកបរម៉ូតូម៉ាកសង់កូរ៉េ១គ្រឿង ពណ៍ក្រហម ពាក់ស្លាកលេខសេរីចាស់ ភ.ព១ ង.២៥៩៧។ចំណែករថយន្ដបង្កពាក់ស្លាកលេខភ្នំពេញ២B.៩១១២ ជាប្រភេទរថយន្ដក្រុងដឹកអ្នកដំណើររបស់ក្រុមហ៊ុនភី.អេសចេញពីភ្នំពេញទៅខេត្តពោធិ៍សាត់ បាត់ដំបង បន្ទាយមានជ័យ និងប៉ោយប៉ែត រីឯតៃកុងរថយន្ដមិនត្រូវ
បានស្គាល់ពីអត្តសញ្ញាណ្ណនោះទេដោយបានបើកទ្វាររថយន្ដរត់គេចខ្លួនបាត់ស្រម៉ោលទៅហើយ។
មន្ត្រីសមត្ថកិច្ចបានឲ្យដឹងទៀតថា បើតាមសាក្សីដែលនៅ កន្លែងកើហេតុ បានឲ្យដឹងថា នៅមុនពេលកើតហេតុ គេបាន
ឃើញរថយន្ដក្រុងដឹកអ្នកដំណើរពេញរថយន្ដបានបើកបរចេញពីភ្នំពេញទៅតាមបណ្ដាខេត្តក្នុងទិសដៅពីត្បូងទៅជើងក្នុងល្បឿនលឿនល្មមស្របទិសគ្នាជាមួយនិងម៉ូតូរងគ្រោះដែលបើកបរនៅចំហៀងខាងស្ដាំដៃរថយន្ដបង្កលុះមកដល់ចំណុចកើតហេតុរថយន្ដបង្កបានបើករេចង្កូតមកខាងស្ដាំដៃដោយគេចពីរថយន្ដ១គ្រឿងទៀតដែលបើកបរបញ្ច្រាស់ទិសទើបបណ្ដាលឲ្យប៉ះទាក់ដៃចង្កូម៉ូតូរងគ្រោះដួលអូសទាំងម៉ូតូនិងអ្នកបើកបរចំង៉ាយប្រមាណជា៣០ម៉ែត្របណ្ដាលឲ្យរងរបួសបែកសាច់បាក់ដៃខាងឆ្វេងទាំងស្រុងចំពោះម៉ូតូត្រូវរងការខូចខាតបន្តិចបន្ទួចតែប៉ុណ្ណោះដោយឡែកតៃកុងរថយន្ដបានបើកទ្វាររួចរត់គេចខ្លួនបាត់ស្រម៉ោលទៅហើយដោយបន្សល់ទុកនូវរថយន្ដក្រុង១គ្រឿងនិងអ្នកដំណើរជាច្រើននាក់បានចុះពីរថយន្ដដើម្បីរកមធ្យោបាយធ្វើដំណើរទៅមុខទៀតដោយខ្លួនឯងផងដែរ។
មន្ត្រីសមត្ថកិច្ចបានបញ្ជាក់ថា ក្រោយកើតហេតុភ្លាមៗនោះ ជនរងគ្រោះដែលជាអ្នកបើកបរម៉ូតូត្រូវបានរថយន្ដសាម៊ុយរបស់មន្ទីរពេទ្យកាល់ម៉ែត្រដឹកយកទៅសង្គ្រោះបន្ទាន់ភ្លាមៗព្រមទាំងធ្វើវាស់វែងដោយយករថយន្ដបង្កដឹកអ្នកដំណើររបស់ក្រុមហ៊ុនភីអេសនិងម៉ូតូរបស់ជនរងគ្រោះទៅរក្សាទុនៅការិយាល័យចរាចរផ្លូវគោកដើម្បីរងចាំការដោះស្រាយគ្នាតាមផ្លូវច្បាប់នៅពេលក្រោយ៕ហាស់ កំសាន្ដ
