កណ្តាល:មុខសញ្ញាចែកចាយគ្រឿងញៀន២នាក់បានត្រូវសមត្ថកិច្ចនគរបាលស្រុកពញាឮធ្វើការបង្ក្រាឃាត់ខ្លួនរួមនឹងថ្នាំញៀន១៦កញ្ចប់ខណៈដែលជនសង្ស័យទាំងពីរនាក់កំពុងធ្វើសកម្មភាពចែកចាយនូវសារធាតុញៀនខុសច្បាប់ ។ ហេតុការណ៍ឃាត់ខ្លួននេះធ្វើឡើងកាលពីវេលាម៉ោង ជាង១១ព្រឹក ថ្ងៃទី ៣០ ខែមីនា ឆ្នាំ២០១នៅចំណុចភូមិចតុទិស ឃុំវិហារលួង ស្រុកពញាឮ ខេត្តកណ្តាល ។ប៉ូលិសស្រុកពញាឮបានឱ្យដឹងថា ជនសង្ស័យពីរនាកដែលត្រូវបានឃាត់ខ្លួន ទី១ ឈ្មោះវ៉ាន់ ចំរើន ហៅ តុញ ភេទប្រុសអាយុ១៧ឆ្នាំជនជាតិខ្មែរមុខរបរមិនពិតប្រាកដ.មានទីលំនៅភូមិកើតហេតុនិងទី២ឈ្មោះបុំបុប្ផាភេទស្រីអាយុ១៧ឆ្នាំជនជាតិខ្មែរមុខរបរលក់ត្នោតមានទីលំនៅភូមិស្តុក ឃុំភ្នំបាត ស្រុកពញាឮ ខេត្តកណ្តាល ។ នៅក្នុងប្រតិបត្តិការបង្ក្រាប សមត្ថកិច្ចដកហូរបានវត្ថុតាងរួមមាន ម្សៅក្រាមពណ៌សថ្លាសង្ស័យជាសារធាតុញៀន (ម៉ាទឹកកកIce) ចំនួន១៦កញ្ចប់ តូច១៤កញ្ចប់ធំ២កញ្ចប់,ក្បាលដបសំរាប់ជក់០១,ដែកកេះ០៥ដាវ០១ទុយយោសំរាប់វាល០១កូនកន្ត្រៃ០២សម្បកថង់សំរាប់ច្រក០៣ទូរសព្ទ០១គ្រឿងនិងកូនកាបូប០១ ។
ប៉ូលិសបានឱ្យដឹងទៀតថា នៅវេលាម៉ោងជាង១១ព្រឹក ថ្ងៃ ខែ ខាងលើកម្លាំងជំនាញទទួលបានព័ត៌មានពីមហាជនថា មានជនសង្ស័យពីរនាក់ កំពុងធ្វើសកម្មភាពចែកចាយថ្នាំញៀននៅម្តុំ ភូមិ ឃុំកើតហេតុ ភ្លាមនោះ កម្លាំងជំនាញយុត្តិធម៌សហការជាមួយកម្លាំងប៉ុស្តិ៍វិហារលួង បានចុះធ្វើកាបង្ក្រាប និងឃាត់ខ្លួនជនសង្ស័យពីរនាក់ ដកហូតបានថ្នាំញៀនចំនួន១៦កញ្ចប់ (តូច១៤កញ្ចប់ ធំ២កញ្ចប់) ។
បច្ចុប្បន្ន ជនសង្ស័យទាំងពីរនាក់ រួមនឹងវត្ថុតាង ត្រូវបានសមត្ថកិច្ច កសាងសំណុំរឿងបញ្ជូនទៅសាលាដំបូងខេត្តកណ្តាលដើម្បីចាត់ការតាមនិតិវិធីច្បាប់៕ ដោយ.ខាត់.សុឃឿន
