ភ្នំពេញ ហេតុការណ៍គ្រោះថ្នាក់ចរាចរណ៍មួយបង្កឡើងោយសារតែរថយន្តហាយឡែនឌ័រមួយគ្រឿងបើកលឿនគេចពីចង្ហុកហើយជ្រុលបករះម៉ូតូចំនួន២គ្រឿងបណ្តាលអោយរបួសធ្ងន់ស្រាល៦នាក់កាលពីវេលាម៉ោង១២និង២០នាទីរំងអាធ្រាតឈានចូលថ្ងៃទី៣១ខែមីនាឆ្នាំ២០១៦ តាមបណ្តោយផ្លូវដូងងៀប ស្ថិតក្នុងសង្កាត់ស្ទឹងមានជ័យខណ្ឌមានជ័យ។
តាមសាក្សីនៅកន្លែងហេតុបានអោយដឹងថានៅមុនពេលកើតហេតុគេបានឃើញយុវជន៦នាក់ជិះម៉ូតូឌ្រឹមសង់សេរីឆ្នាំ២០១៦ ពីរគ្រឿងដោយមួយគ្រឿងជិះគ្នា៣នាក់ ពាក់ស្លាក់លេខភ្នំពេញ1FR 6315 និងមួយគ្រឿងទៀត ពណ៍ខ្មៅពាក់ស្លាកលេខកំពង់ធំ1H 2755ធ្វើដំណើរតាមបណ្តោយផ្លូវដួងងៀប ក្នុងទិសដៅពីត្បូងទៅជើងខណះមកដល់ចំណុចកើតហេតុ
ស្រាប់តែរថយន្តម៉ាកហាយឡែនឌ័រពណ៍ទឹកប្រាក់មិនចាំស្លាកលេខ ធ្វើដំណើរបញ្ច្រាស់ទិសគ្នាហើយបានគេចចង្ហុកក៏ជ្រុលបុករះម៉ូតូទាំងពីរគ្រឿងបណ្តាលអោយរបួសធ្ងន់២នាក់និង៤នាក់ទៀតរបួសស្រាលចំណែកម៉ូតូរងការខូចខាតយ៉ាងដំណំ។ បន្ទាប់មករថយន្តបង្កបានបើកគេចខ្លួនបាត់តែម្តង។ 
ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពទ្យភ្លាមៗចំណែកម៉ូតូត្រូបានមិត្តដែលរបួសស្រាលហៅរ៉ឺមកកង់បីដឹកទៅជួសជុលដោយ្លួនឯងដោយមិនឃើញវត្តមានសមត្ថកិច្ចចុះមកអន្តរាគមន៍នោះទេ។ដោយ៖ជីម ភារ៉ា
