ភ្នំពេញ៖រថយន្តមួយគ្រឿងបានបើកក្នុងល្បឿនលឿន ខណះមកដល់ចំណុចកើតហេតុក៏បានបទស្ដាំ ដោយមិនប្រយ័ត្នក៏ជ្រុលទៅបុករថយន្តមួយគ្រឿងទៀតចំពីចហៀងបណ្ដាលឲ្យរងការខូចខាតទាំងសងខាង ។ហេតុការណ៍នេះបានកើតឡើងកាលពីវេលាម៉ោង១០និង៣០នាទីយប់ ថ្ងៃទី៣១ ខែមីន ឆ្នាំ២០១៦ នៅចំណុចស្ទុបដីអិណ តាមបណ្ដោយផ្លូវកម្ពុជាក្រោម កែងនិងផ្លូវ២១៧ ស្ថិតក្នុងសង្កាត់មិត្តភាព ខណ្ឌ7មករា។
បើតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគឺ រថយន្តរងគ្រោះម៉ាកឡិចស៊ីសLX470 ពណ៌ខ្មៅ ពាក់ស្លាកលេខភ្នំពេញ2J.2763 បានបើកបរតាមបណ្ដោយផ្លូវ217 ទិសដៅពីត្បួងទៅជើងក្នុងល្បឿនល្មម ខណះមកដល់ចំណុចកើតហេតុ ក៏ស្រាប់តែត្រូវរថយន្តកាមរីបាឡែន ពណ៌ស ពាក់ស្លាកលេខភ្នំពេញ2AH.1358 បានបើកមកពីក្រោយ ទិសដៅស្របគ្នា ក្នុងល្បឿនលឿន ហើយក៏បានវ៉ាឆ្វេង បំណងបទទៅផ្លូវកម្ពុជាក្រោម ក៏ជ្រុលទៅបុករថយន្តរងគ្រោះចំពីចហៀងពេញទំហឹងតែម្ដង បណ្ដាលឲ្យរងការខូចខាតទាំងសងខាង។
ក្រោយពេលកើតហេតុ ភាគីទាំងសងខាងបានសុំធ្វើការសម្របសម្រួលគ្នា ដោយមិនចង់រំខានដល់សមត្ថកិច្ចមូលដ្ឋាន ដោយភាគីខាងរថយន្តបង្កម៉ាកកាមរីបាឡែន ព្រមទទួលសងថ្លៃជួសជុលទៅលើរថយន្តរងគ្រោះម៉ាកឡិចស៊ីស LX470 ដើម្បីបញ្ចប់រឿងនៅនិងកន្លែងកើតហេតុតែម្ដង៕ដោយ៖ជីម ភារ៉ា
