ភ្នំពេញ៖កម្លាំងនគរបាលខណ្ឌឫស្សីកែវសហការនិងកម្លាំងនគរបាលប៉ុស្ដិ៍ស្វាយប៉ាកបើកប្រតិបត្តិការស្រាវជ្រាវបង្ក្រាបករណីគ្រឿងញៀនឃាត់ខ្លួនជនសង្ស័យម្នាក់ ដកហូតថ្នាំញៀន៨កញ្ចប់នៅវេលាម៉ោង១១និង១០នាទី ថ្ងៃទី ១ ខែ មេសា ឆ្នាំ ២០១៦ នៅចំណុច ស្នាក់នៅផ្ទះគ្មាន លេខ ផ្លូវលំ ក្រុម៧ ភូមិលូ សង្កាត់ស្វាយប៉ាក ខណ្ឌឫស្សីកែវ ។លោក ម៉ៅ ចាន់ថុន នាយរងផ្នែកនគរបាលព្រហ្មទណ្ឌខណ្ឌ ឫស្សីកែវ បានឲ្យដឹងថា ជនសង្ស័យពាក់ព័ន្ធជួញដូរគ្រឿងញៀនឈ្មោះផាម យ៉ាំងថាន់ ភេទប្រុស អាយុ៤៣ឆ្នាំ មានមុខរបមិនពិតប្រាកដ ស្នាក់នៅចំណុចកើតហេតុខាងលើ ។លោក ម៉ៅ ចាន់ថុន នាយរងផ្នែកនគរបាលព្រហ្មទណ្ឌខណ្ឌឫស្សីកែវបានឲ្យដឹងទៀតថា ដោយមានការបញ្ជាពីលោកវរសេនីយ៍ឯក ទៀង ច័ន្ទសារ អធិការនគរបាលខណ្ឌឫស្សីកែវព្រមទាំងមានការដឹកនាំបង្ក្រាបផ្ទាល់ពីលោក អ៉ីវ ឈុនផេង អធិការរងខណ្ឌឫស្សីកែវទទួលបន្ទុកផ្នែកព្រហ្មទណ្ឌសហការនិងកម្លាំងសមត្ថកិច្ចប៉ុស្ដិ៍ស្វាយប៉ាកបន្តស៉ើបអង្កេតករណីគ្រឿងញៀនឈានដល់ការបើកប្រតិបត្តិការបង្ក្រាប់ឃាត់ខ្លួនជនជួញដូរម្នាក់ដោយដកហូតថ្នាំញៀនចំនួន៨កញ្ចប់ថង់តូចដែលជនត្រូវជាប់សង្ស័យបានរក្សាទុកធ្វើសកម្មភាពផ្ដល់ការចែកចាយនិងជួញដូរនូវសារធាតុញៀនដោយខុសច្បាប់។
សូមបញ្ជាក់ថា ជនត្រូវសង្ស័យរួមនិងវត្ថុតាងគ្រឿងញៀនត្រូវបានបញ្ជូនទៅឃុំខ្លួនសាកសួរនៅអធិការដ្ឋាននគរបាលខណ្ឌឫស្សីកែវដើម្បីរៀបចំកសាងសំនុំរឿងបញ្ជូនបន្តទៅអយ្យការសាលាដំបូងរាជធានីភ្នំពេញចាត់ការតាមនិតិវិធី៕ហាស់ កំសាន្ដ
