ភ្នំពេញ៖យុវជនវ័យ១៦ឆ្នាំម្នាក់ ត្រូវបានស្លាប់ ខណៈទើប តែទិញទូរស័ព្ទថ្មី១គ្រឿងម៉ាកអាយហ្វូន៤យកទៅសាកថ្មក៍ត្រូវឆក់ស្លាប់ ក្រោយបញ្ជូនទៅសង្គ្រោះបន្ទាន់នៅឯមន្ទីរ ពេទ្យកាល់មែត ។ជនរងគ្រោះដែលបានស្លាប់បាត់បង់ជីវិតមានឈ្មោះហ៊ាង ហ័រ ភេទប្រុស អាយុ១៦ឆ្នាំ មានមុខរបរបើកបររថយន្ដ ស្នាក់នៅបន្ទប់ជួលក្បែរជ្រោះបាត់ស្នេហ៍ ផ្លូវបេតុង ភូមិទួលសង្កែ សង្កាត់ទួលសង្កែ ខណ្ឌឫស្សីកែវ ។មន្ត្រីសមត្ថកិច្ចប៉ុស្ដិ៍ទួលសង្កែបានឲ្យដឹងថា បើតាមការរៀប រាប់ឲ្យដឹងពីឪពុករបស់ជនរងគ្រោះ នៅមុនពេលកើតហេតុ ជនរងគ្រោះបានទៅទិញទូរស័ព្ទ១គ្រឿងម៉ាកអាយហ្វូន៤ពណ៍ខ្មៅក្នុងតម្លៃជាង១០០$និងបានយកទូរស័ព្ទដែលទើបនិងទិញនោះទៅសាកថ្មចោលនៅបន្ទប់ជួលខាងលើ រួចជន រងគ្រោះបានទៅងូតទឹករួចបានដើរមកដេកនៅលើគ្រែខណៈនោះជនរងគ្រោះក៍បានទាញទូរស័ព្ទយកមកកាន់មើលទាំងមិនបានដកឌុយឆ្នាំងសាកចេញក៍ត្រូវឆក់របូតចេញពីដៃធ្លាក់មកលើដើមទ្រូងទាំងខ្លួននៅសើមទើបបណ្ដាលឆ្លងចរន្ដឆក់រងរបួសយ៉ាងធ្ងន់ធ្ងរ ព្រមទាំងត្រូវបានក្រុមគ្រួសារដឹកយកទៅសង្គ្រោះភ្លាមៗនៅឯមន្ទីរពេទ្យកាល់ម៉ែតប៉ុន្តែដោយស្ថានភាពធ្ងន់ធ្ងរជនរងគ្រោះបានស្លាប់បាត់បង់ជីវិតទៅហើយ។
បច្ចុប្បន្នសពជនរងគ្រោះត្រូវបានក្រុមគ្រួសារយកមកតម្កល់ទុកនៅក្នុងវត្តទួលសង្កែ ដើម្បីរងចាំសាច់ញាត្តិមកជុំគ្នារៀបចំបូជាធ្វើបុណ្យតាមប្រពៃណីតាមព្រះពុទ្ធសាសនា៕ហាស់ កំសាន្ដ
