ភ្នំពេញ៖ បុរសម្នាក់បានដួលបោកក្បាលស្លាប់ភ្លាមៗនៅហ្នឹងកន្លែងកើតហេតុបន្ទាប់ពីជិះម៉ូតូឆ្លងផ្លូវហើយត្រូវម៉ូតូមួយគ្រឿងទៀតបើកបុកពេញទំហឹង បង្ករអោយមានការភ្ញាក់ផ្អើលកាលពីវេលាម៉ោង៨យប់ថ្ងៃទី ១ខែមេសាឆ្នាំ២០១៦ តាមបណ្តោយផ្លូវហាណូយ ស្ថិតក្នុងសង្កាត់ភ្នំពេញថ្មីខណ្ឌសែនសុខ ។
ជនរងគ្រោះដែលដួលបោកក្បាលស្លាប់ភ្លាមៗឈ្មោះ ផាន ហ៊ ឺរ ភេទប្រុស អាយុ៣៨ឆ្នាំ មុខរបររត់ម៉ូតូឌុប ទីលំនៅផ្ទះជួល ភូមិចុងថ្នល់ខាងកើត សង្កាត់ទឹកថ្លាខណ្ឌសែនសុខ និងមានស្រុកកំណើតភូមិថ្មពាន ឃុំអង្គតាសូរ ស្រុកស្វាយជ្រុំ ខេត្តស្វាយរៀង ជិះម៉ូតូមួយគ្រឿងម៉ាកហុងដាឌ្រីម១២៥ពណ៍ខ្មៅឆ្នាំ២០០៦ ពាក់ស្លាកលេខ ស្វាយរៀង 1B-4189 រឺឯជនបង្ករមានគ្នា២នាក់មិនស្គាល់អត្តសញ្ញាណជិះម៉ូតូមួយគ្រឿងម៉ាក វ៉េវ RSសេ១០០ពណ៍ខ្មៅពាក់ស្លាកលេខ ភ្នំពេញ1CL-1322 បានគេចខ្លួនបាត់ស្រមោលទាំង២ ។
តាមសាក្សីនៅកន្លែងកើតហេតុបានអោយដឹងថា មុនពេលកើតហេតុគេឃើញម៉ូតូរងគ្រោះជិះតែម្នាក់ឯងតាមបណ្តោយផ្លូវហាណូយក្នុងទឹសដៅពីជើងទៅត្បូងពេលមកដល់កន្លែងកើតហេតុក៏បត់េឆ្វងឆ្លងថ្នល់ស្រាប់តែត្រូវម៉ូតូបង្ករដែលធ្វើដំណើរតាមបណ្តោយផ្លូវហាណូយក្នុងទឹសដៅត្បូងជើងក្នុងល្បឿនយ៉ាងលឿនមកបុកចំពាក់កណ្តាលម៉ូតូជនរងគ្រោះបណ្តាលអោយជនរងគ្រោះហោះផ្លោងប្រហែល៥ម៉ែត្របែកក្បាលស្លាប់ភ្លាមៗតែម្តងទៅ ។ សាក្សីបានបន្តទៀតថា ខាងជនបង្ករទំនងជាស្រវឹងផងដែរព្រោះនៅក្នុងកែបម៉ូតូមានបន្សល់ស្រាបៀរABCមួយកំពុង ។
ក្រោយពេលកើតហេតុជនរងគ្រោះត្រូវរថយន្តដឹកសពយកទៅធ្វើបុណ្យនៅស្រុកកំណើត រឺឯម៉ូតូទាំង២ត្រូវសម្ថកិច្ចយកទៅរក្សារទុកនៅការិយាល័យចរាចរផ្លូវគោករាជធានី ដើម្បីដោះស្រាយនៅពេលក្រោយ ៕ជីម ភារ៉ា
