កំពង់ស្ពឺ ៖ បុរសម្នាក់ត្រូវបានរថយន្តហ៊ីយ៉ាន់ដាយបុកស្លាប់លើផ្លូវជាតិលេខ៤ កាលពីវេលាម៉ោង១ និង ២៥នាទីយប់រំលងអាធ្រាត្រ ថ្ងៃទី ០៣ ខែមេសា ឆ្នាំ២០១៦ ស្ថិតលើផ្លូវជាតិលេខ4 គីឡូម៉ែត្រលេខ ៣៤-៣៥ ត្រង់ ចំណុចភូមិសង្គ្រោះជាតិ ឃុំត្រពាំងគង ស្រុកសំរោងទង ខេត្តកំពង់ស្ពឺ ។សមត្ថកិច្ចបានប្រាប់ថា រថយន្តបង្ករម៉ាកហ៊ីយ៉ាន់ដាយ ពណ៍សរ ពាក់ផ្លាកលេខ ព្រះសីហនុ 3A.1948 អ្នកបើកបរ មិនស្គាល់ឈ្មោះនិងទីលំនៅ បានចុះរត់គេចខ្លួនបាត់ ធ្វើដំណើរមកពីកើតទៅលិច មកដល់ចំណុចខាងលើបានបុកម៉ូតូ ០១គ្រឿងម៉ាកហុងដា C125 ពណ៍ខ្មៅ ពាក់ផ្លាកលេខ ព្រះសីហនុ 1B.4210 អ្នកបើកបរ មិនស្គាល់ ឈ្មោះនិងទីលំនៅ បានធ្វើដំណើរ បញ្ច្រាសទិសគ្នាបានបុកពេញទំហឹង បណ្តាលអោយអ្នបើកម៉ូតូស្លាប់ នៅកន្លែងកើតហេតុ ។ ប្រភពបន្តថា ចំពោះសាកសពជនរងគ្រោះត្រូវសមត្ថកិច្ចដឹក យកទៅមន្ទីរពេទ្យបង្អែកខេត្តកំពង់ស្ពឺ ដើម្បីស្វែងរកសាច់ញាតិមកទទួលយកទៅធ្វើបុណ្យតាមប្រពៃណី ។
ចំពោះវត្ថុតាងរក្សាទុកទាំងពីរគ្រឿង រក្សានៅអធិការដ្ឋាននគរបាលស្រុកសំរោងទងដើម្បីកសាងសំណុំរឿងតាមផ្លូវច្បាប់៕
