បន្ទាយមានជ័យ៖ ពលរដ្ឋធ្វើដំណើរចេញចូល ច្រកទ្វាអន្តរជាតិ ប៉ោយប៉ែត ភ័យរត់ស្លន់ស្លោរក និងម្ចាស់រថយន្ត រត់រកទីសុវត្តិភាពខណះ អគ្គីភ័យឆាបឆេះខ្សែភ្លើងលើ ង្គោលភ្លើងនៅផ្លូវច្រកទ្វាអត្តរជាតិប៉ោយប៉ែត ត្រង់ចំនុច កាស៊ីណូ ទល់មុខHolidayកាស៊ីណូ និងហ្គេនដាយមិនកាស៊ីណូ ក្បែរក្លោងទ្វាប្រសាទបី ក្នុងភូមិក្បាលស្ពាន១ សង្កាត់ ប៉ោយប៉ែត ខេត្តបន្ទាយមានជ័យ ។ករណីអគ្គភ័យបានកើតឡើង បណ្ដាលអោយមាន ការកកស្ទះចរាណ៍ជិត១ម៉ោងក្រុមសន្តិសុខកាស៊ីណូ កំពុងសហការ ពន្លត់ដោយបំពង់អគ្គីភ័យ ។
អ្នកឃើញហេតុការណ៍បានប្រាប់ថា៖ ករណីឆាបឆេះ នេះបណ្ដាលមកពី ផ្ទុះសេខ្សែរភ្លើងហើយ អណ្ដាតភ្លើង បានឆាបឆេះខ្សែរចរន្ត និងខ្សែរទូរស័ព្ទនៅម្ខាងផ្លូវជាប់ ហ្គេនដាយមិនកាស៊ីណូ ក្រុមសន្តិសុខការស៊ីណូប្រើ បំពងពន្លត់អគ្គីភ័យ ពន្លត់តែមិនបានផល។
បញ្ជាក់ថា ករណីអគ្គីភ័យនេះ មិនមានរថយន្តអគ្គី មកជួយទាន់ពេលវេលានោះទេ ហើយក៍មិនបណ្ដាល អោយមនុស្ស ឬអ្នកដំណើរណាម្នាក់ រងគ្រោះថ្នាក់ នោះដែរ៕ដោយ៖ឃិន គន្ធា
